Populära bibelverser från Chivkeeb 21

Dela

Tus TSWV foom koob hmoov rau Xalas raws li tej lus uas nws tau cog tseg lawm

Vajtswv hnov tus menyuam ntawd lub suab quaj, thiab Vajtswv tus timtswv thiaj hais saum ntuj tuaj rau Hankas hais tias, “Hankas, koj ntxhov siab ua dabtsi? Tsis txhob ntshai. Vajtswv twb hnov koj tus tub lub suab quaj lawm. Cia li sawv tsees mus, thiab tsaws hlo nws puag ua tib zoo ntxias nws. Kuv yuav pub kom nws muaj xeebntxwv huamvam coob mus ua tau ib haivneeg.”

Xalas thiaj xeeb tub thiab yug tau ib tug tub rau Anplahas thaum uas Anplahas laus heev lawm. Tus tub no yug raws li lub caij uas Vajtswv teem tseg cia lawm.

Xalas thiaj hais tias, “Vajtswv tau muab txojkev zoo siab thiab lub ntsejmuag luag ntxhi rau kuv. Txhua tus uas hnov zaj no lawv puavleej zoo siab nrog kuv luag.”

Tiamsis Vajtswv hais rau Anplahas hais tias, “Koj tsis txhob ntxhov siab txog tus tub thiab tus ntxhais qhev Hankas no hlo li. Cia li ua raws li Xalas hais rau koj, rau qhov koj yuav muaj xeebntxwv coob los ntawm Ixaj raws li kuv tau coglus tseg rau koj lawm.

Kuv tseem yuav pub rau tus ntxhais qhev ntawd tus tub kom muaj tub coob heev, thiab lawv yuav ua tau ib haivneeg. Nws los yeej yog koj tus tub ib yam nkaus.”