Populära bibelverser från Okutandika 17

Dela

Abramu ku yaahikize emyaka makumi mwenda na mwenda, MUKAMA yaamweyoreka, yaamugira ati: Ndi Ruhanga ow'Obushoboorozi bwona; ogume ogyende gye omu maisho gangye, kandi obe ohikire

Kandi tokigaruka kwetwa Abramu, kureka Abrahamu, ahakuba naakugira ishe w'amahanga maingi munonga.

Ndyahamya endagaano yangye naiwe, kandi ngihamye n'oruzaaro rwawe bwanyima yaawe okuhitsya obusingye bwarwo bwona, ebe endagaano etarihwaho, nyowe kuba Ruhanga waawe n'ow'oruzaaro rwawe orwa bwanyima.

Reeba, endagaano yangye ogiine; oryaba ishe w'amahanga maingi munonga.

Ruhanga yaagira ati: Ngaaha! Kwonka na Saara omukazi waawe aryakuzaarira omwana w'omwojo, omwete Isaaka; kandi ndyahamya endagaano yangye nawe n'oruzaaro rwe orwa bwanyima, ebe endagaano etarihwaho.

Bwanyima iwe n'oruzaaro rwawe ndyabaha ensi ei oshuhuukiiremu, ensi yoona eya Kanaani, ebe eyaawe obusingye bwona; naanye ndyaguma ndi Ruhanga waabo.

Abrahamu yaagwa ahansi, yaajuumara, yaasheka, yaayebuuza ati: Beitu shi omwana aryazaarwa omugurusi w'emyaka igana? Kandi na Saara, azaare?

Ruhanga yaagambira Abrahamu ati: Ebya Sarai omukazi waawe, otarigaruka kumweta Sarai kureka omwete Saara.

Muryasharwa ekishushu ky'omubiri gwanyu, kabe akamanyiso k'endagaano yangye naimwe.

Kwonka endagaano yangye ndyagihamya ahari Isaaka, ou Saara arikuzaarira omu bunaku obwatairweho omu mwaka ogurikwija.

Omwojo weena omuriimwe omu busingye bwanyu bwona, ku arihitsya ebiro munaana azairwe, asharwe, yaaba ozairwe omu ka yaawe, nari otari w'omu ruzaaro rwawe, owaaguzirwe empiiha aha banyamahanga. Orizaarwa omu ka yaawe n'origurwa empiiha zaawe, bashemereire kusharwa; kandi endagaano yangye eryaba aha mibiri yaanyu, ebe endagaano etarihwaho.