Populära bibelverser från Zenasis - Stat blo ebriting 3

Dela

Wen da oman i bin luk dem prut blo dat tri, i prapa gud po kaikai, ane i prapa nais po luk ane dat tri i ken prapa meke sambodi sabe niu samting, da oman i bin nake sam prut ane em bin kaikai. Em bin wantaim gibe sam prut po man blo em ane em bin kaikai tu.

Wa. Da sneik i bin prapa smat prom ol dem nada animal wea da AntapGod i bin mekem. Da sneik i bin tok diskain po da oman, ‘Ei, lisen pas. God bin spik dis tok a? “Yu no lau po kaikai eni prut prom ebri tri insaid lo gadan a?” ’

Prom distaim nau yu ane da oman i gobi ol enami. Ane pikinini blo yu ane pikinini blo em i gobi ol enami tu. Pamlelain blo em i go smase ed blo yu, ane yu go baite put blo pamlelain blo em.’

Da AntapGod bin spik po da oman diskain: ‘Yu go gad prapa adtaim wen yu pamle ane i gobi prapa nadakain bigpein wen yu go bone pikinini. Bat yu go stil wande man blo yu, ane em gobi bos blo yu.’

Yu go adwok lo laip blo yu po groe ol kaikai blo yu antil da dei wen yu go ded ane wen yu ded bodi blo yu go gobaigen po da graun. Ai bin meke yu prom da graun ane yu go gobaigen po da graun.’

Ane God i bin spik diskain po da man: ‘Yu bin lisen po tok blo oman blo yu, ane yu bin mekem wanem em bin spik. Yu bin mata kaikai dem prut blo dat tri wea ai bin oda yu no po kaikai. Bikoz prom wanem yu bin mekem, da graun i go gad panis blo mi. Yu go meke adwok groe ol kaikai blo yu prom da graun, antil da dei yu go ded.

Da AntapGod i askem, ‘Wiskain yu sabe yu neket? Uda bin spik po yu? Yu mas bin kaikai sam prut, prom dat tri wea ai bin oda yu no po kaikai?’

Em bin oda demtu po go ausaid prom da gadan ane da AntapGod i bin pute ol prapa strongeinzel lo istsaid blo da gadan blo Iden. Da AntapGod i bin wantaim pute wan sod wea i gad paia ban raun dat sod, ane dis sod i tan ebriwea po stape enibodi uda wande go po da tri i gibe laip.

Adam i bin kole oman blo em Ib, bikoz em gobi mama blo ebri pipol ebriwea.