Populära bibelverser från Saan 8

Dela

Kɛ ‑Yusu, ɔɔ lele nahuin ꞊nʋ ye po, ɔ nɔ: «'Mɔɔ nɩ, ‑ɔɔ 'klɔ ‑gbo a nahuin ‑nyrɛ ‑nyi, ‑ɛ die nu, ʋ 'mʋ ‑tɩ a ‑tɛɛ 'mʋ lɛ yrii. Nahuon 'bɔ nɩ 'o, 'bɔ kuo 'mʋ ꞊wlʋ ye, ‑ye ɔ di ‑nyrɛdʋ ꞊nʋ 'nɩ kɔ, ‑ɛɛ nahuon 'klɔ yrayrʋ ‑nyi. Ɔ 'deɛ bɔ na 'klɛɛ lele gbɩgbɩyrɩ 'mʋ lɛ.»

'Na tɔɔwin a ‑gbɛ a 'o꞊tuulɛ, ɛ die 'nɩ nu, 'plɩɩ a 'mʋ ‑tɩ a ‑tɛɛ yi. ‑Tɩ a ‑tɛɛ a ‑gbɛ, ɩ di 'a mʋ 'nɩ ꞊gbla, 'ke 'le ꞊godɛ ꞊nʋ wlɔn.»

‑Ye kɛ ‑Yusuu nahuin ꞊nʋ ye po, ‑ʋ kuo ꞊wlʋ ye, ɔ nɔ: «'Na tɔɔwin ꞊nʋ, 'ba nyi 'o ꞊tuu, ‑ye 'a mʋ mɔ 'na ‑tɛɛ a ‑naagbopʋʋ nɩ.

'Mɔ ‑gbo, ‑ɔ mɔ Nyɩsʋa a 'Yu, 'bɩa 'nɩ ꞊gbla 'a mʋ, ‑ye 'ɛ mɔ ‑tɛɛ, a 'deɛ ba 'ya lele ꞊go 'mʋ.

‑Tɛ ʋ 'kɩɛ ꞊gbɔɔ wlɔn lɛ, nɛ‑ mɔ bɔ 'wɔɔ 'le ke lɛ, ɔ nɔ: «'Ke 'le 'a mʋ ‑hɛyri, nahuon ꞊nʋ, ‑ɔ 'de ‑hlɩn dɛ 'kuku a nue, nɔ‑ ‑bɔ 'ya ye‑hɛnahuon 'mʋ, ‑bɔ puo 'hɩɔ ‑wɔn.»

‑Ye ‑Yusu nɔ: «'Nɩɩ 'a mʋ 'nɩ le ‑tɛɛ, 'ɛ nɩ nahuon 'bɔ nɩ 'o, 'bɔɔ dɛ 'kuku nu, ‑ye ɔ mɔ dɛ 'kuku a ꞊ge'e nɩ.

‑Ye ɔ 'wɔɔ 'le lele lɛ ke, ɔ nɔ: «Nyrʋgba o, nahuin ‑gbo, ‑ʋʋ wɛn ‑mʋ ‑tɩ yɛɛ, ‑be' ʋ nɩ ye 'le? ꞊Be ꞊ɔ ꞊de 'de 'o hie, ‑bɔ plɛ, ‑n nɩ 'mʋ 'kʋkʋɛ?» ‑Ye ɔ nɔ: «Iin ‑o, Kʋkɔnyɔ o. 'A nahuon ꞊de 'de 'o hie.» ‑Ye ‑Yusu nɔ: «'Na ‑gbɛ, 'nɩ po ꞊le ‑wɛ lɛ, ‑ɛ mɔ, ‑n nɩ 'mʋ 'kʋkʋɛ. ‑N ‑wɛ 'le ‑bo mu nɩ. Kɛɛ, ꞊nɩ nu 'le 'klɛɛ lele dɛ 'kuku.»]