Populära bibelverser från Amainhama 1

Dela

Agho Katonda yaakoba ati: “Tukole abantu mu mboneka yaife nga bafaanana ng'oti niife, bafugenga ebyenhandha, n'enhonhi, n'ensolo enfuge n'edh'omu nsiko, era na kiisi kyeghaluliza ku itaka.” Agho Katonda yaatonda abantu mu mboneka ye yeene, yaatonda omusaadha n'omukazi.

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

Mu kwinhama Katonda yatonda eigulu n'ensi.

Ensi yali ndhereere era nga ntabuletabule enzikiiza yali egemye ku nhandha, era ng'omwoyo gwa Katonda gumaamiire amaadhi.

Agho Katonda yaakoba ati: “Ghabeegho obutangaavu,” Era obutangaavu bwabaagho.

Katonda yaabona bye yakola, byamusangaaza inho. Bwaziba era bwakya olwo lwaba nga n'olunaku olwomukaaga.

Katonda yaabona nga kikalamu okubaagho obutangaavu. Agho yaayawula obutangaavu ku nzikiiza.

Katonda yaakoba ati: “Bona eno, mbaghaire kiisi kisimbe ekitaaku ensigo ekiri ku nsi, na kiisi muti ogutaaku ebibala omuli ensigo. Eyo n'enaabanga emere yaimwe.

Obutangaavu yaabweta Omusana, ate enzikiiza yaagyeta Obwire. Bwaziba era bwakya olwo lwaba nga n'olunaku olusooka.

Agho Katonda yaakoba ati: “Ghabeegho ekyawulamu amaadhi, kyawulengamu amaadhi ghabiri.” Era kyaba kityo.

Era kiisi nsolo ey'omu nsiko, na kiisi nhonhi, na kiisi kyeghaluliza ku nsi ekiri n'obulamu, byonabyona mbighaire eisubi n'amakaba ag'ebisimbe nga n'emere yaabyo.” Era kyaba kityo.

Agho Katonda yaakoba ati: “Ghabeegho ebyaka ku igulu, okwawulagho omusana n'obwire bibenga obumanhiso obw'ebiseera, obw'enaku, n'obw'emyaka

Agho Katonda yaakoba ati: “Ensi eidheku ebimera ebya buli nsambo: ebyo ebitaaku ensigo, n'emiti egitaaku ebibala omuli ensigo dhaagyo.” Era kyaba kityo.

Katonda yaataagho ekyawulamu amaadhi agali ghaigulu n'ago agali ghansi.

Ensi yaidhaku ebimera ebya buli nsambo ebyo ebitaaku ensigo, n'emiti egitaaku ebibala omuli ensigo dhaagyo. Katonda yaakibona nga kikalamu.

Katonda yaakola ebyaka ebikologho bibiri ekyaka einho nga kya kufuganga musana, ate ekyaka akatono nga kya kufuganga bwire. Era yaakola n'emuunienie.

Agho Katonda yaakoba ati: “Amaadhi agali ghansi gh'eigulu geesololeze ghalala, olwo obukalu buboneke.” Era kyaba kityo. Obukalu obwo Katonda yaabweta Ensi, ate amaadhi agaali geesoloiza yageeta Enhandha. Katonda yaakibona nga kikalamu.

Yaabigha enkabi ati: “Muzaale, mwale, mwidhuze enhandha, era n'enhonhi dhaale ku nsi.”

Agho Katonda yaakoba ati: “Ensi eidheku ebiramu ebya buli nsambo: ensolo enfuge, n'edh'omu nsiko, n'ebyeghaluliza ku itaka.” Era kyaba kityo.

Agho Katonda yaakoba ati: “Amaadhi gabeemu ebitonde ebiramu ebya buli nsambo, era mu ibbanga mubeemu enhonhi nga dhiguluka.”

Katonda yaatonda ensolo edh'omu nsiko, n'ensolo enfuge edha buli nsambo. Era yaatonda ebyeghaluliza ku itaka byonabyona. Katonda yaakibona nga kikalamu.