Populära bibelverser från Mpiin 6

Dela

nima pu le usui bii sakpen, waah naan unibɔn u na pu.

Uwumbɔr nan kan ke unibɔn aatunwanbir wiir ki ti nyaŋ, baalandak nan ye bakaa aalandak ŋmeen

Tɔ, Uwumbɔr aasui nan gbiin Nowa aatunyaan pu.

Nowa nan dii Uwumbɔr mbamɔm. U nan ma mbijabim mutaa, ki nan yin bi ke Sem, ni Ham, ni Jafef. Nowa baanja le nan ye uninyaan n‑yoonn ngbaan. Uma le nan dii Uwumbɔr mbamɔm.

Le u bui ke, “M ga kuln unibɔn, ni ipeel, ni tiwakor, ni inyoon, ni tiwan ni fu na mɔmɔk; ba pu? nsui bii maah naan unibɔn aan u tun titunwanbir ti na pu.”

N‑yoonn mu binib nan too pɔr gbiin dulnyaa wee ni na, bi nan ma mpiibim bi ŋan sakpen na, le ŋiniwɔk nan yoor baah gee bi na, ki di ŋa bipuutiib. Le Uwumbɔr bui ke, “Binib aah tun titunwanbir pu na, maan ki cha bi li bi ki yunn sakpen. N‑yoonn mue ki joo cha, maan ki cha unibɔn yunn ki ti jer ŋibin nkub ni moninko.” N‑yoonn ngbaan, ni nee aapuwɔb, le ŋiniwɔk, ni mpɔɔndam, ni bininyuum le nan bi dulnyaa ni. Ŋiniwɔk ngbaan aah nan yoor baah gee bipiib bi na le nan ma bi.

Le Nowa ŋa Uwumbɔr aah bui u pu na mɔmɔk.

Uwumbɔr nan bui Nowa ke, “M ga kuln unibɔn. M ga bii tiwan mɔmɔk doo, ba pu? baatunwanbir le gbii dulnyaa mɔmɔk ni.

M ban ke aa di ŋikpan ŋi ŋan na ki kpaa buŋɔsakpem, aan ki ŋmar. Ŋa tidir bu ponn ni, aan ki di kootaal boon ponn ni, ni lipaal.

Uwumbɔr nan lik dulnyaa, ki kan ke unibɔn aatunwanbir wiir ti nyaŋ.

Aa di tiwakor, ni ipeel, ni inyoon mɔmɔk aabɔŋ, ni tiwan ni fu na mɔmɔk, nija ni nipii, ki di ŋa buŋɔb ngbaan ni. Ni mɔmɔk ga dan aa chee aan ni mu ŋmar ki taa kpo.