Populära bibelverser från Mr 10

Dela

Iꞌsuᵽaka simamaka, Ᵽoꞌimaja Maꞌmi ñimakoꞌomakaja, “Yiroꞌsi ᵽoꞌimajare baꞌirabeĩjirũ”, ãrĩwaꞌrimarĩa õꞌõrã yiꞌtaeka. Ᵽoꞌimajare jeyobaarimaji imaokoroꞌsi. Suᵽa imarĩ baꞌiaja nabaaika waᵽa naroꞌsi reyarĩ õꞌõrã yiꞌtaeka,== nare kẽrĩka.

Iꞌsuᵽaka nimamaka nare yoirĩkatirã ikuᵽaka Jesúre nare bojaeka: —Naᵽuᵽayariji tãrĩbeyurã ᵽoꞌimaja. Iꞌsuᵽaka simakoꞌomakaja kire yiꞌyurã takaja Tuᵽarã ᵽõꞌirã aꞌrirãñurã, ritaja baawãrũiki kimamaka,== nare kẽrĩka.

Kiᵽõꞌirã keyaeka ᵽoto, ikuᵽaka Jesúre kire ãrĩka: —¿Marãkãꞌã mire yibaarika miyaᵽayu?== —Miaꞌmitiᵽe wãrõrimaji. Jia yoiiki yire mibaarika yiyaᵽayu,== kire kẽrĩka ᵽoto, —Yire yiꞌyuka imarĩ, mire yijieyu mae,== Jesúre kire ãrĩka. Iꞌsuᵽaka kẽrĩka rõꞌõjiteje yoibeyukare ĩaiki jarika mae. Suᵽa imarĩ, —Miᵽeꞌririyaᵽayeꞌe, miᵽeꞌᵽe mae,== Jesúre kire ãrĩka. Iꞌsuᵽaka kẽrĩkoꞌomakaja Jesús beꞌerõꞌõ keꞌrika ĩabeyuka imakoᵽekaki.

“Iꞌsuᵽaka nimarũ”, Tuᵽarãre ãñua simamaka, mija rõmia taabekaja mija imabe,== nare kẽrĩka.

Iꞌsuᵽaka kẽᵽakãꞌã, Jesúre kire wayuĩaeka mae. Suᵽa imarĩ ikuᵽaka kire kẽrĩka: —Ĩꞌrãbaꞌi mibaarika jariwaꞌyua ruᵽu. Mibaꞌirĩjia aᵽerãre mijiᵽatabe sawaᵽa mitõᵽoerã. Suᵽabaatirã wayuoka baairãre samijibe. Suᵽa mibaarãkareka Tuᵽarã ᵽõꞌirã eyatirã rĩkimabaji sawaᵽa mitõᵽorãñu. Ñañu uᵽakaja miyiꞌrirãka beꞌerõꞌõ, miꞌtabe yika wãrũrimaji mimaokaroꞌsi,== kire kẽrĩka.

Kiᵽõꞌirã keyaeka ᵽoto, ikuᵽaka Jesúre kire ãrĩka: —¿Marãkãꞌã mire yibaarika miyaᵽayu?== —Miaꞌmitiᵽe wãrõrimaji. Jia yoiiki yire mibaarika yiyaᵽayu,== kire kẽrĩka ᵽoto, —Yire yiꞌyuka imarĩ, mire yijieyu mae,== Jesúre kire ãrĩka. Iꞌsuᵽaka kẽrĩka rõꞌõjiteje yoibeyukare ĩaiki jarika mae. Suᵽa imarĩ, —Miᵽeꞌririyaᵽayeꞌe, miᵽeꞌᵽe mae,== Jesúre kire ãrĩka. Iꞌsuᵽaka kẽrĩkoꞌomakaja Jesús beꞌerõꞌõ keꞌrika ĩabeyuka imakoᵽekaki.

Mija ᵽuri, nuᵽaka mija imaꞌsi. Yirirãroꞌsi ikuᵽaka sime: Mija watoᵽekarã ĩᵽi imariyaᵽaiki, “Ikuᵽaka ᵽoꞌimajare yaᵽayu”, ãrĩwaꞌri nayaᵽaika uᵽakaja aᵽerãre jia kibaajĩkareka jia sime.

Rita mijare yibojayu. Meꞌrãrĩjaka jia yiꞌyuakaka ᵽuᵽajoatirã Tuᵽarãre jia mija yiꞌririjarijĩñu. Iꞌsuᵽaka yiꞌribeyurãre ᵽuri Tuᵽarãre eꞌetoribesarãñu kijãꞌmerũkirãroꞌsi,== kika wãrũrimajare kẽrĩka.

Rĩkimarãja imarã maekaka imatiyairã, Tuᵽarã ᵽõꞌirã neyarãka ᵽoto imatiyabeyurã najarirãñu. Aᵽerã rĩkimarãja imatiyabeyurã imarã maekaka, Tuᵽarã ᵽõꞌirã neyarãka ᵽoto imatiyairã najarirãñu,== nare kẽrĩka.

Iꞌsuᵽaka kibaaeka simakoꞌomakaja ᵽoꞌimajare kiᵽoꞌijiaeka ᵽotorãja, “Ĩmirĩjire suᵽabaatirã rõmore Tuᵽarãre ᵽoꞌijiaeka. Suᵽa imarĩ rõmieꞌetirã kiroꞌsiji ĩmirĩjire imarãñu kirũmuka. Iꞌsuᵽaka simamaka kiᵽakiarãre kikõrõtaᵽarãñu. Imakoꞌomakaja kirũmuka rakakaja ᵽuᵽajoabeyurã najayu mae. Ĩꞌᵽarã imakoꞌomakaja ĩꞌrĩka uᵽakaja sime naᵽuᵽaka”, ãrĩwaꞌri sabojayu Tuᵽarãrika oꞌoeka ᵽaᵽera ᵽũñurã.