Zapoteco, Sierra Juarez - 1970 Edition (Drama - NT)

<div class="version vid852 iso6393zaa" data-vid="852" data-iso6393="zaa">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="p"> 1Jesucristua nna g&#249;lie le' yetsi Bel&#233;n estado qui' Judea tiempo loti' rig&#250;'ubia' rey Herodes. L&#224;niana tuch&#249;ppa ca enne' yala la' riyeni ts&#232;' te qui' qu&#303;, l&#225; c&#261; magos nna bitsina' c&#261; le' ciudad Jerusal&#233;n, da' c&#261; idittu' ts&#232;' lado ril&#183;lani bitsa. 2Ca m&#225;gu&#225; nna gunaba titsa' c&#261; nna ra c&#261;: Ti'ani uccua enne' ch&#236;' g&#249;lia ba rey qui' ca enne' Israel, qui'ni loti' ts&#232;'e tu' l&#225;tsi tu'a nna bil&#225;'ni tu' b&#233;lia nu rulue' qui'ni chi g&#249;lie, acca da' tu' para guni tu' e adorar. 3De bina rey Herodes nu ra ca m&#225;gu&#225; nna yala nuyue uccuani&#261; &#261;'hua iyaba canu Jerusal&#233;n nna. 4Acca guta&#7929;i ch&#236;&#261; iyaba ca sacerdote principal ts&#232;'e le' ciudad &#261;'hua ca maestro nu rulue' nu ra lo Escritura qui' cani&#225; nna gunaba titsa'&#261; c&#261; nna r&#261;: Gani n&#225; qui'ni galia Cristua. 5Lac&#261; nna ra c&#261; na: Le' yetsi Bel&#233;n regi&#243;n qui' Judea, la'a m&#237;smuba estado qui' r&#237;'u&#303;, porqui'ni &#261;' ra lo libro nu bedia attu enne' gunne parte Tata Dios nna r&#232;e:</div><div class="q1"> 6Lu' Bel&#233;n regi&#243;n qui' Jud&#225;, yetsi yala xcuichu to' n&#225; lu', pero ad&#237;rula dacca' lu' de lo iyaba canu rig&#250;'ubia' qui' Jud&#225;, porqui'ni n&#236; galia ttu enne' ichi'e iyaba ca enne' Israel nna hui'e c&#261; cuidado porqui'ni n&#225; c&#261; enne' quia'.</div><div class="m"> 7L&#224;niana guta&#7929;i gattsi' ba Herodes ca m&#225;gu&#225; nna. Iy&#225; &#7929;&#237;abani gunaba titsa'&#261; c&#261; &#261;'hua ts&#225;lia&#7929;a its&#225; chi uccua gul&#183;lani b&#233;lia. 8Guthel&#183;la' t&#236;&#261; c&#261; Bel&#233;n nna r&#261;: Litsia linaba titsa' ts&#232;' ta&#225; ga&#7929;a gulia huats&#261;'; canchu chi etsel&#225;ni li e nna, equix&#225;'ani le inte' para qui'ni tsa'a hu&#225;' guni ye' e adorar. 9De biy&#233;nini c&#261; nu ra Herodes nna dia t&#232; c&#261;. La'yani' qui' b&#233;lia nu bil&#225;'ni cana&#225; nna den&#233;ru&#261; lo qu&#303; h&#224;staba qui'ni bitsina'&#261; l&#224;ti te hu&#225;ts&#225;a. 10De bil&#225;'ni c&#261; guleda la'yani' qui' b&#233;lia nna yala bed&#225;cca'ni c&#261;. 11L&#224;niana gut&#224;'a c&#261; le' y&#250;'a nna bil&#225;'ni c&#261; Jes&#250;s lani n&#224;na qu&#236;'e Mar&#237;a, acca b&#232;du &#7929;ibi qu&#303; nna beni c&#261; Jes&#250;s adorar. L&#224;niana guleqquia t&#232; c&#261; ca regalo qui' cani&#225; nna bete c&#261; qu&#236;'e oro nna incienso nna mirra nna. 12Pero ca m&#225;gu&#225; nna por medio de lo y&#232;la qui' qu&#303; nna uccua c&#261; saber qui'ni bittu eyeqquia c&#261; ru'a lo Herodes. Acca lac&#261; nna deyya c&#261; attu neda huaya' la para l&#225;tsi qu&#303;.</div><div class="p"> 13Bed&#224;' diba c&#261; nna l&#224;niana &#225;ngel enne' guthel&#183;la' Se&#241;or Dios bitsina' bi lo y&#232;la qui' Jos&#233;a attu nna gun&#232;nie bi nna r&#232;e bi: Hu&#224;tha, gu&#7929;i' huats&#261;' lani n&#224;na qu&#236;'&#261;' nna becuitta hu&#237;a Egiptua la, n&#237;a ba ts&#233;'e le h&#224;staba qui'ni equix&#225;'ania' lu', porqui'ni Herodes nna eyil&#261; huats&#261;' para g&#250;tti&#261; ne. 14L&#224;niana la'a y&#232;la ta&#225; huatha Jos&#233;a nna guche' bi Mar&#237;a lani huatsa nna gud&#224;' cabi dia cabi idittu' ts&#232;' h&#224;staba le' naci&#243;n Egiptua. 15N&#237;a ba guts&#233;'e cabi h&#224;staba qui'ni g&#249;tti Herodes. An&#237;a modo nna uccua cumplir nu ra Se&#241;or Dios lo libro nu bedia attu profeta qu&#236;'e nna r&#232;e: Egiptua la bey&#225;&#7929;ia' &#7929;i'ni ya'a.</div><div class="p"> 16De gutel&#237;ni Herodes qui'ni uccua b&#261;&#769; burla por ca m&#225;gu&#225; nna yala bitsa'&#225;ni&#261; nna beni&#261; mandado gatti iyaba ca nubeyu' to' nu ch&#236;' bitsina' ta&#225; h&#224;staba nu chuppa idani le' yetsi Bel&#233;n &#261;'hua le' iyaba ca yetsi to' anta' exa ta&#225; n&#237;a, de acuerdo lani fecha nu chi ra ca m&#225;gu&#225; na. 17An&#237;a modo nna uccua cumplir ca titsa' nu ra Tata Dios lo libro nu bedia Jerem&#237;as attu enne' uccua profeta qu&#236;'e nna r&#232;e:</div><div class="q1"> 18Biy&#233;nin&#237; le' yetsi Ram&#225; ribetsi ca descendiente qui' Raquel enne' g&#249;dua tiempo antigua;</div><div class="q1">yala d&#236;tsa ribetsi c&#261; nna rehuin&#237;'ni c&#261;, pero lab&#237; uccua latsi' qu&#303; et&#225;ni c&#261; la'&#7929;eni, porqui'ni g&#249;tti ca &#7929;i'ni to' qui' cani&#225;.</div><div class="m">&#260;' bedia prof&#233;ta&#225;. 19G&#249;tti diba Herodes nna gudu &#225;ngelia attu lo y&#232;la qui' Jos&#233;a loti' ts&#232;'e ru cabi Egiptua. 20Gun&#232;nie bi nna r&#232;e bi: Hu&#224;tha nna beche' huats&#261;' lani n&#224;na qu&#236;'&#261;' para regi&#243;n qui' Israel, porqui'ni ch&#236;a g&#249;tti canu uccua latsi' qu&#303; g&#250;tti c&#261; huats&#261;'. 21L&#224;niana huatha ta&#225; Jos&#233;a nna beche' bi Mar&#237;a lani hu&#225;ts&#225;a nna deyya cabi para regi&#243;n qui' Israel. 22De bina Jos&#233;a qui'ni Arquelao &#7929;i'ni Herodes rig&#250;'ubi'&#261; le' regi&#243;n qui' Judea parte ta' t&#224;ta qui' ni&#225; nna, g&#249;tsib&#225;ni bi eya'a bi n&#237;a. Pero por medio de lo y&#232;la qui' bi nna uccua bi saber qui'ni adila tsa' ts&#237;a bi regi&#243;n qui' Galilea. 23Bitsina' bi n&#237;a nna g&#249;dua bi le' ttu yetsi l&#225; Nazaret. An&#237;a modo nna uccua cumplir ca titsa' qui' Tata Dios nu gune ca profeta qui'ni &#261;'hua gata' l&#233;e Enne' Nazareno.</div>
 </div>
 </div>
</div>

Jesucristua nna gùlie le' yetsi Belén estado qui' Judea tiempo loti' rigú'ubia' rey Herodes. Làniana tuchùppa ca enne' yala la' riyeni tsè' te qui' quį, lá cą magos nna bitsina' cą le' ciudad Jerusalén, da' cą idittu' tsè' lado ril·lani bitsa. Ca máguá nna gunaba titsa' cą nna ra cą: Ti'ani uccua enne' chì' gùlia ba rey qui' ca enne' Israel, qui'ni loti' tsè'e tu' látsi tu'a nna bilá'ni tu' bélia nu rulue' qui'ni chi gùlie, acca da' tu' para guni tu' e adorar. De bina rey Herodes nu ra ca máguá nna yala nuyue uccuanią ą'hua iyaba canu Jerusalén nna. Acca gutaỹi chìą iyaba ca sacerdote principal tsè'e le' ciudad ą'hua ca maestro nu rulue' nu ra lo Escritura qui' caniá nna gunaba titsa'ą cą nna rą: Gani ná qui'ni galia Cristua. Lacą nna ra cą na: Le' yetsi Belén región qui' Judea, la'a mísmuba estado qui' rí'uį, porqui'ni ą' ra lo libro nu bedia attu enne' gunne parte Tata Dios nna rèe:
Lu' Belén región qui' Judá, yetsi yala xcuichu to' ná lu', pero adírula dacca' lu' de lo iyaba canu rigú'ubia' qui' Judá, porqui'ni nì galia ttu enne' ichi'e iyaba ca enne' Israel nna hui'e cą cuidado porqui'ni ná cą enne' quia'.
Làniana gutaỹi gattsi' ba Herodes ca máguá nna. Iyá ỹíabani gunaba titsa'ą cą ą'hua tsáliaỹa itsá chi uccua gul·lani bélia. Guthel·la' tìą cą Belén nna rą: Litsia linaba titsa' tsè' taá gaỹa gulia huatsą'; canchu chi etseláni li e nna, equixá'ani le inte' para qui'ni tsa'a huá' guni ye' e adorar. De biyénini cą nu ra Herodes nna dia tè cą. La'yani' qui' bélia nu bilá'ni canaá nna denéruą lo quį hàstaba qui'ni bitsina'ą làti te huátsáa. De bilá'ni cą guleda la'yani' qui' bélia nna yala bedácca'ni cą. Làniana gutà'a cą le' yú'a nna bilá'ni cą Jesús lani nàna quì'e María, acca bèdu ỹibi quį nna beni cą Jesús adorar. Làniana guleqquia tè cą ca regalo qui' caniá nna bete cą quì'e oro nna incienso nna mirra nna. Pero ca máguá nna por medio de lo yèla qui' quį nna uccua cą saber qui'ni bittu eyeqquia cą ru'a lo Herodes. Acca lacą nna deyya cą attu neda huaya' la para látsi quį.
Bedà' diba cą nna làniana ángel enne' guthel·la' Señor Dios bitsina' bi lo yèla qui' Joséa attu nna gunènie bi nna rèe bi: Huàtha, guỹi' huatsą' lani nàna quì'ą' nna becuitta huía Egiptua la, nía ba tsé'e le hàstaba qui'ni equixá'ania' lu', porqui'ni Herodes nna eyilą huatsą' para gúttią ne. Làniana la'a yèla taá huatha Joséa nna guche' bi María lani huatsa nna gudà' cabi dia cabi idittu' tsè' hàstaba le' nación Egiptua. Nía ba gutsé'e cabi hàstaba qui'ni gùtti Herodes. Anía modo nna uccua cumplir nu ra Señor Dios lo libro nu bedia attu profeta quì'e nna rèe: Egiptua la beyáỹia' ỹi'ni ya'a.
De gutelíni Herodes qui'ni uccua bą́ burla por ca máguá nna yala bitsa'ánią nna benią mandado gatti iyaba ca nubeyu' to' nu chì' bitsina' taá hàstaba nu chuppa idani le' yetsi Belén ą'hua le' iyaba ca yetsi to' anta' exa taá nía, de acuerdo lani fecha nu chi ra ca máguá na. Anía modo nna uccua cumplir ca titsa' nu ra Tata Dios lo libro nu bedia Jeremías attu enne' uccua profeta quì'e nna rèe:
Biyéniní le' yetsi Ramá ribetsi ca descendiente qui' Raquel enne' gùdua tiempo antigua;
yala dìtsa ribetsi cą nna rehuiní'ni cą, pero labí uccua latsi' quį etáni cą la'ỹeni, porqui'ni gùtti ca ỹi'ni to' qui' caniá.
Ą' bedia profétaá. Gùtti diba Herodes nna gudu ángelia attu lo yèla qui' Joséa loti' tsè'e ru cabi Egiptua. Gunènie bi nna rèe bi: Huàtha nna beche' huatsą' lani nàna quì'ą' para región qui' Israel, porqui'ni chìa gùtti canu uccua latsi' quį gútti cą huatsą'. Làniana huatha taá Joséa nna beche' bi María lani huátsáa nna deyya cabi para región qui' Israel. De bina Joséa qui'ni Arquelao ỹi'ni Herodes rigú'ubi'ą le' región qui' Judea parte ta' tàta qui' niá nna, gùtsibáni bi eya'a bi nía. Pero por medio de lo yèla qui' bi nna uccua bi saber qui'ni adila tsa' tsía bi región qui' Galilea. Bitsina' bi nía nna gùdua bi le' ttu yetsi lá Nazaret. Anía modo nna uccua cumplir ca titsa' qui' Tata Dios nu gune ca profeta qui'ni ą'hua gata' lée Enne' Nazareno.

Lyssna på SAN MATEO 2