OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkMRK">
 <div class="chapter ch15" data-usfm="MRK.15">
 <div class="label">15</div><div class="s">Den tyari Yesus go na Pilatus</div><div class="r">Mateus 27:1-2,11-14; Lukas 23:1-5; Yohanes 18:28-38</div><div class="p"> 1Fruku mamanten den prenspari domri, den fesiman fu a folku, den sabiman fu Gado w&#232;t nanga den man fu a Grankrutu fu den Dyu, kon makandra fu taki san den o du. Dan den tai Yesus tyari go gi Pilatus.#15:1 Den Romeinisma ben poti Pilatus leki granman fu tiri Yudea. 2Pilatus aksi En taki: &#8220;Na Yu na a Kownu fu den Dyu?&#8221;</div><div class="p">Yesus piki en taki: &#8220;Na leki fa yu taki.&#8221;</div><div class="p"> 3Den prenspari domri ben gi wan lo kragi fu Yesus. 4Dan Pilatus aksi Yesus taki: &#8220;Yu no e piki tapu san den man disi e taki fu Yu? Arki omeni kragi den e gi fu Yu.&#8221; 5Ma Yesus no piki moro fara, so Pilatus ben ferwondru.</div><div class="s">Yesus kisi a dedestrafu</div><div class="r">Mateus 27:15-26; Lukas 23:13-25; Yohanes 18:39&#8211;19:16</div><div class="p"> 6Ala yari tapu a Paskafesa, Pilatus ben gwenti fu lusu wan straf'man di den sma ben wani tak' a mus lusu. 7Now wan man Barabas ben sroto makandra nanga den man di ben meki dyugudyugu, &#232;n di ben kiri wan sma ini a dyugudyugu. 8Den sma kon na fesi dan den bigin aksi Pilatus fu a lusu wan straf'man soleki fa a ben gwenti. 9Dan Pilatus aksi den taki: &#8220;Un wani fu mi lusu a Kownu fu den Dyu gi unu?&#8221; 10A aksi den so, bika a kon si tak' den prenspari domri ben tyari Yesus kon gi en fu di den ben dyarusu na En tapu.</div><div class="p"> 11Ma den prenspari domri sutu faya gi a bigi grupu sma fu den taigi Pilatus tak' a mus lusu Barabas na ini Yesus presi. 12Pilatus aksi den sma baka taki: &#8220;Dan san mi mus du nanga a man di un e kari Kownu fu den Dyu?&#8221;</div><div class="p"> 13Ne den sma bari taki: &#8220;Spikri En na wan kroisi!&#8221;</div><div class="p"> 14Pilatus aksi den taki: &#8220;Ma sortu ogri a man disi du?&#8221;</div><div class="p">Ma den sma bigin bari moro tranga taki: &#8220;Spikri En na wan kroisi!&#8221; 15Dan fu di Pilatus ben wani du den sma wan prisiri, a lusu Barabas, dan a meki den wipi Yesus &#232;n tyari En go spikri na wan kroisi.</div><div class="s">Den srudati teki Yesus leki spot'popki</div><div class="r">Mateus 27:27-31; Yohanes 19:2-3</div><div class="p"> 16Den srudati tyari Yesus go ini a krutu-oso, san den ben kari a Pretorium, dan den kari den tra srudati kon. 17Den weri wan lila krosi gi En, dan den brei wan banti fu makataki poti tapu En ede. 18Dan den bigin gi En odi. Den taki: &#8220;Odi, Kownu fu den Dyu!&#8221; 19Baka dati den bigin naki En nanga wan tiki tapu En ede. Den spiti na En tapu, dan den go na tapu den kindi fu gi En grani. 20Di den kba meki spotu nanga En, den puru a lila krosi san den ben weri gi En, dan den weri En eigi krosi gi En baka. Dan den tyari En gwe fu go spikri na wan kroisi.</div><div class="s">Den spikri Yesus na a kroisi</div><div class="r">Mateus 27:32-44; Lukas 23:26-43; Yohanes 19:17-27</div><div class="p"> 21Wan man ben kmopo na boiti e kon, dan den dwengi en fu tyari a kroisi fu Yesus. A man disi ben nen Simon, &#232;n a ben de fu a foto Sirena. A ben de a p'pa fu Aleksander nanga Rufus. #Rom 16:13 22Dan den tyari Yesus go na a presi san den e kari Golgota. Golgota wani taki: Dede-ede Presi. 23Den gi En win moksi nanga mirre fu A dringi, ma A no dringi en. 24Dan den spikri En na a kroisi. Baka dati den prati En krosi, ma den ben hari a lot fosi fu luku suma o teki sortu pisi fu a krosi. #Ps 22:19</div><div class="p"> 25A ben de neigi yuru mamanten di den spikri En na a kroisi. 26Den ben skrifi fu sanede den spikri En. Den skrifi: &#8220;A Kownu fu den Dyu.&#8221; 27Makandra nanga En den spikri tu fufuruman: wan na En let'anu sei, &#232;n a trawan na En kruktu-anu sei. 28Na so san skrifi ini a Santa Buku kon tru. A skrifi taki: Den si en leki wan abani.#15:28 Wantu manuscript no abi vers 28. #Jes 53:12</div><div class="p"> 29Den sma di ben e waka psa afrontu Yesus. Den seki den ede &#232;n den taki: &#8220;Ai, a no Yu bo broko a Santa Presi dan Yu meki en baka ini dri dei? #Ps 22:8; 109:25; Mrk 14:58; Yoh 2:19 30We, yepi Yusrefi! Saka kmopo fu a kroisi dan!&#8221;</div><div class="p"> 31Den prenspari domri makandra nanga den sabiman fu Gado w&#232;t ben meki spotu nanga Yesus tu. Den taki: &#8220;A ben yepi trawan, ma A no man yepi Ensrefi. 32Efu Yu na a Mesias, a Kownu fu Israel, saka kmopo fu a kroisi now, meki un si. Dan wi sa bribi.&#8221;</div><div class="p">Den man di ben spikri makandra nanga En, ben kosi En tu.</div><div class="s">A dede fu Yesus</div><div class="r">Mateus 27:45-56; Lukas 23:44-49; Yohanes 19:28-30</div><div class="p"> 33Di twarfu yuru doro, a heri kondre kon dungru te leki dri yuru bakadina. 34Dan a yuru dati Yesus bari taki: &#8220;Elohi, Elohi, lama sabaktani?&#8221; Dati wani taki: Mi Gado, Mi Gado, fu sanede Yu gwe libi Mi? #Ps 22:2</div><div class="p"> 35Di wantu sma di ben tnapu drape yere a sani disi, den taki: &#8220;Arki! A e kari Elia.&#8221; 36Dan wan fu den lon go teki wan sponsu. A nati en nanga swa win, a fasi en na wan tiki, dan a langa en gi Yesus fu A dringi. A taki: &#8220;Wakti, meki un luku efu Elia o kon puru En na a kroisi.&#8221; #Ps 69:22</div><div class="p"> 37Ma Yesus bari nanga tranga sten, dan En bro koti. 38Dan a garden ini a Santa Presi priti langalanga na mindri fu loktu kon te na gron. #Ex 26:31-33 39Di a kapten fu den srudati di ben tnapu e luku Yesus, si fa En bro koti, a taki: &#8220;Trutru, a Man disi ben de a Manpikin fu Gado!&#8221; </div><div class="p"> 40Wantu frow ben tnapu fu fara e luku. Wantu fu den frow dati ben de: Salome, Maria fu a foto Magdala, nanga Maria a m'ma fu Yoses nanga Yakobus a yonguwan. #Luk 8:2-3 41Di Yesus ben de na ini Galilea, den frow disi ben e waka na En baka, &#232;n den ben e yepi En. Wan lo tra umasma ben drape tu di ben kon nanga En na Yerusalem.</div><div class="s">Den beri Yesus</div><div class="r">Mateus 27:57-61; Lukas 23:50-56; Yohanes 19:38-42</div><div class="p"> 42A ben de a dei fosi a sabadei &#232;n neti ben de fu tapu. Tapu a dei dati den sma ben e meki ala sani klari gi a sabadei. 43Dan Yosef fu a foto Arimatea teki dek'ati go na Pilatus fu aksi en a dedeskin fu Yesus. A man disi ben de wan prenspari man fu a Grankrutu fu den Dyu &#232;n a ben angri tu fu Gado kon tiri libisma. 44Pilatus ben ferwondru tak' Yesus ben dede kba. A seni kari a kapten fu den srudati, dan a aksi en efu Yesus dede kba. 45Di a kapten taigi en tak' A dede, Pilatus gi Yosef a dedeskin. 46Yosef bai wan linnen krosi, a puru a skin fu Yesus na a kroisi, dan a domru en na ini. Baka dati a poti Yesus na ini wan grebi san den ben diki ini a bergiskin. Dan a lolo wan bigi ston na a mofo fu a grebi fu tapu en. 47Maria fu Magdala nanga Maria, a m'ma fu Yoses, si pe Yosef poti a skin fu Yesus.</div>
 </div>
 </div>
</div>

Fruku mamanten den prenspari domri, den fesiman fu a folku, den sabiman fu Gado wèt nanga den man fu a Grankrutu fu den Dyu, kon makandra fu taki san den o du. Dan den tai Yesus tyari go gi Pilatus. Pilatus aksi En taki: “Na Yu na a Kownu fu den Dyu?”
Yesus piki en taki: “Na leki fa yu taki.”
Den prenspari domri ben gi wan lo kragi fu Yesus. Dan Pilatus aksi Yesus taki: “Yu no e piki tapu san den man disi e taki fu Yu? Arki omeni kragi den e gi fu Yu.” Ma Yesus no piki moro fara, so Pilatus ben ferwondru.


Ala yari tapu a Paskafesa, Pilatus ben gwenti fu lusu wan straf'man di den sma ben wani tak' a mus lusu. Now wan man Barabas ben sroto makandra nanga den man di ben meki dyugudyugu, èn di ben kiri wan sma ini a dyugudyugu. Den sma kon na fesi dan den bigin aksi Pilatus fu a lusu wan straf'man soleki fa a ben gwenti. Dan Pilatus aksi den taki: “Un wani fu mi lusu a Kownu fu den Dyu gi unu?” A aksi den so, bika a kon si tak' den prenspari domri ben tyari Yesus kon gi en fu di den ben dyarusu na En tapu.
Ma den prenspari domri sutu faya gi a bigi grupu sma fu den taigi Pilatus tak' a mus lusu Barabas na ini Yesus presi. Pilatus aksi den sma baka taki: “Dan san mi mus du nanga a man di un e kari Kownu fu den Dyu?”
Ne den sma bari taki: “Spikri En na wan kroisi!”
Pilatus aksi den taki: “Ma sortu ogri a man disi du?”
Ma den sma bigin bari moro tranga taki: “Spikri En na wan kroisi!” Dan fu di Pilatus ben wani du den sma wan prisiri, a lusu Barabas, dan a meki den wipi Yesus èn tyari En go spikri na wan kroisi.


Den srudati tyari Yesus go ini a krutu-oso, san den ben kari a Pretorium, dan den kari den tra srudati kon. Den weri wan lila krosi gi En, dan den brei wan banti fu makataki poti tapu En ede. Dan den bigin gi En odi. Den taki: “Odi, Kownu fu den Dyu!” Baka dati den bigin naki En nanga wan tiki tapu En ede. Den spiti na En tapu, dan den go na tapu den kindi fu gi En grani. Di den kba meki spotu nanga En, den puru a lila krosi san den ben weri gi En, dan den weri En eigi krosi gi En baka. Dan den tyari En gwe fu go spikri na wan kroisi.


Wan man ben kmopo na boiti e kon, dan den dwengi en fu tyari a kroisi fu Yesus. A man disi ben nen Simon, èn a ben de fu a foto Sirena. A ben de a p'pa fu Aleksander nanga Rufus. Dan den tyari Yesus go na a presi san den e kari Golgota. Golgota wani taki: Dede-ede Presi. Den gi En win moksi nanga mirre fu A dringi, ma A no dringi en. Dan den spikri En na a kroisi. Baka dati den prati En krosi, ma den ben hari a lot fosi fu luku suma o teki sortu pisi fu a krosi.
A ben de neigi yuru mamanten di den spikri En na a kroisi. Den ben skrifi fu sanede den spikri En. Den skrifi: “A Kownu fu den Dyu.” Makandra nanga En den spikri tu fufuruman: wan na En let'anu sei, èn a trawan na En kruktu-anu sei. Na so san skrifi ini a Santa Buku kon tru. A skrifi taki: Den si en leki wan abani.
Den sma di ben e waka psa afrontu Yesus. Den seki den ede èn den taki: “Ai, a no Yu bo broko a Santa Presi dan Yu meki en baka ini dri dei? We, yepi Yusrefi! Saka kmopo fu a kroisi dan!”
Den prenspari domri makandra nanga den sabiman fu Gado wèt ben meki spotu nanga Yesus tu. Den taki: “A ben yepi trawan, ma A no man yepi Ensrefi. Efu Yu na a Mesias, a Kownu fu Israel, saka kmopo fu a kroisi now, meki un si. Dan wi sa bribi.”
Den man di ben spikri makandra nanga En, ben kosi En tu.


Di twarfu yuru doro, a heri kondre kon dungru te leki dri yuru bakadina. Dan a yuru dati Yesus bari taki: “Elohi, Elohi, lama sabaktani?” Dati wani taki: Mi Gado, Mi Gado, fu sanede Yu gwe libi Mi?
Di wantu sma di ben tnapu drape yere a sani disi, den taki: “Arki! A e kari Elia.” Dan wan fu den lon go teki wan sponsu. A nati en nanga swa win, a fasi en na wan tiki, dan a langa en gi Yesus fu A dringi. A taki: “Wakti, meki un luku efu Elia o kon puru En na a kroisi.”
Ma Yesus bari nanga tranga sten, dan En bro koti. Dan a garden ini a Santa Presi priti langalanga na mindri fu loktu kon te na gron. Di a kapten fu den srudati di ben tnapu e luku Yesus, si fa En bro koti, a taki: “Trutru, a Man disi ben de a Manpikin fu Gado!”
Wantu frow ben tnapu fu fara e luku. Wantu fu den frow dati ben de: Salome, Maria fu a foto Magdala, nanga Maria a m'ma fu Yoses nanga Yakobus a yonguwan. Di Yesus ben de na ini Galilea, den frow disi ben e waka na En baka, èn den ben e yepi En. Wan lo tra umasma ben drape tu di ben kon nanga En na Yerusalem.


A ben de a dei fosi a sabadei èn neti ben de fu tapu. Tapu a dei dati den sma ben e meki ala sani klari gi a sabadei. Dan Yosef fu a foto Arimatea teki dek'ati go na Pilatus fu aksi en a dedeskin fu Yesus. A man disi ben de wan prenspari man fu a Grankrutu fu den Dyu èn a ben angri tu fu Gado kon tiri libisma. Pilatus ben ferwondru tak' Yesus ben dede kba. A seni kari a kapten fu den srudati, dan a aksi en efu Yesus dede kba. Di a kapten taigi en tak' A dede, Pilatus gi Yosef a dedeskin. Yosef bai wan linnen krosi, a puru a skin fu Yesus na a kroisi, dan a domru en na ini. Baka dati a poti Yesus na ini wan grebi san den ben diki ini a bergiskin. Dan a lolo wan bigi ston na a mofo fu a grebi fu tapu en. Maria fu Magdala nanga Maria, a m'ma fu Yoses, si pe Yosef poti a skin fu Yesus.

Lyssna på Markus 15