OT text: A tekst disi kmoto fu: Wortu fu Gado © Surinaams Bijbelgenootschap 2016  OT Audio: ℗ 2021 Hosanna NT Text: Sranan Tongo © 2002 Stichting Surinaams Bijbelgenootschap www.surinamebiblesociety.org/ NT Audio: ℗ 2007 Hosanna

Sranan Tongo - SURBS (Bible) Drama

<div class="version vid674 iso6393srn" data-vid="674" data-iso6393="srn">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="nb"> 1ma Yesus go na a Oleifbergi.</div><div class="p"> 2A tra mamanten fruk'fruku A go baka na a mamakerki &#232;n a heri folku kon na En. Dan Yesus go sidon &#232;n A bigin gi den leri. 3Dan den sabiman fu Gado w&#232;t nanga den Fariseiman tyari wan frow kon di den kisi di a ben e huru gi en masra. Den poti en mindri den sma di ben lontu Yesus, 4dan den taigi En taki: &#8220;Meister, den kisi a uma disi di a ben e huru gi en masra. 5A w&#232;t fu Moses e leri un tak' un mus ston sowan sma kiri. San Yu e taki fu a sani disi?&#8221; #Lev 20:10; Deut 22:22-24 6Den ben aksi En a sani disi fu tesi En, fu di den ben e suku wan sani fu tyari En go na krutu.</div><div class="p">Ma Yesus boigi En ede, dan A bigin skrifi nanga En finga na gron. 7Di den tan aksi En nomo, Yesus opo En ede dan A taigi den taki: &#8220;Meki a sma di noiti no du wan sondu, fringi a fosi ston naki en.&#8221; 8Dan A saka En ede, &#232;n A bigin skrifi na gron baka.</div><div class="p"> 9Ma di den yere dati, den gwe wan fru wan, te leki Yesus nanga a frow wawan ben tan na baka. Den owru wan ben de den fosi wan di gwe. 10Yesus opo En ede dan A aksi a frow taki: &#8220;Frow, pe den man de? No wan fu den no krutu Yu?&#8221;</div><div class="p"> 11A frow piki taki: &#8220;Nono, Masra. No wan fu den.&#8221;</div><div class="p">Ne Yesus taigi en taki: &#8220;Dan Mi no e krutu yu tu. Yu kan go, ma yu mus tapu nanga a sondu libi.&#8221;#8:11 Wantu manuscript no abi a pisi fu 7:53 te kon miti 8:11.</div><div class="s">Yesus na a faya fu grontapu</div><div class="p"> 12Wan tra leisi Yesus taigi den sma taki: &#8220;Mi na a faya fu grontapu. A sma di e waka na Mi baka, no sa waka ini dungru noiti moro, ma a sa abi a faya di e gi libi.&#8221; #Mat 5:14; Yoh 9:5</div><div class="p"> 13Dan den Fariseiman taigi En taki: &#8220;Yu e taki gi Yusrefi. A sani san Yu taki no abi warti.&#8221; #Yoh 5:31</div><div class="p"> 14Yesus piki den taki: &#8220;Awinsi Mi e taki gi Misrefi, a abi warti, bika Mi sabi pe Mi kmopo &#232;n pe Mi o go. Ma un dati no sabi pe Mi kmopo noso pe Mi o go. 15Un e krutu libisma fasi. Ma Mi no e krutu no wan sma. 16Ma efu Mi e krutu wan sma, dan Mi e krutu tapu wan leti fasi. Bika Mi no de Mi wawan, ma a P'pa di seni Mi kon de nanga Mi. 17Na ini un eigi w&#232;t a skrifi taki: Efu tu sma e kotoigi fu wan sani, dan a sani tru. #Deut 19:15 18Mi e taki gi Misrefi, &#232;n Mi P'pa di seni Mi kon, e taki fu Mi tu.&#8221;</div><div class="p"> 19Dan den aksi En taki: &#8220;Pe Yu P'pa de?&#8221;</div><div class="p">Yesus piki den taki: &#8220;Un no sabi Mi &#232;n un no sabi Mi P'pa. Efu un ben sabi Mi, dan un bo sabi Mi P'pa tu.&#8221;</div><div class="p"> 20Yesus taki den sani disi di A ben e gi den sma leri ini a mamakerki pe a kisi de pe yu mus poti moni.</div><div class="s">Yesus nanga den Dyu fesiman</div><div class="p"> 21Dan Yesus bigin taki baka nanga den sma. A taigi den taki: &#8220;Mi e gwe &#232;n un o suku Mi. Un o dede sondro fu un kisi pardon fu un sondu. Pe Mi e go, un no man kon.&#8221;</div><div class="p"> 22A sani disi meki den Dyusma taki: &#8220;Fu sanede A taki: &#8216;Pe Mi e go, un no man kon?&#8217; Na kiri A o kiri Ensrefi?&#8221;</div><div class="p"> 23Ma Yesus taigi den taki: &#8220;Unu na fu dya, ma Mi na fu loktu. Unu na fu a grontapu disi, ma Mi a no fu a grontapu disi. 24Mi taigi un kba tak' un o dede sondro fu un kisi pardon fu un sondu. Bika efu un no e bribi tak' Mi de suma Mi de, dan un o dede ini un sondu.&#8221;</div><div class="p"> 25Dan den aksi En taki: &#8220;Suma na Yu dan?&#8221;</div><div class="p">Yesus piki den taki: &#8220;Na dati Mi taigi unu someni langa kba. 26Mi abi furu sani san Mi kan taki fu unu, nanga furu sani fu san Mi kan krutu unu. A Wan di seni Mi kon, na a Trutru Wan. &#200;n san Mi yere fu En, na dati Mi e taigi den sma na grontapu.&#8221;</div><div class="p"> 27Ma den no ben ferstan tak' Yesus ben e taki nanga den fu a P'pa. 28Dan Yesus taigi den taki: &#8220;Baka te un opo a Manpikin fu Libisma na loktu, dan un o si tak' na Mi. Dan un o si tak' Mi no e du noti fu Misrefi, ma tak' Mi e taki soso san Mi P'pa leri Mi. 29A Wan di seni Mi kon de nanga Mi. A no libi Mi wawan, bika Mi e tan du san A lobi.&#8221; 30Di Yesus taki den sani disi, furu sma bigin bribi ini En.</div><div class="s">Den trutru pikin fu Abraham</div><div class="p"> 31Dan Yesus taigi den Dyu di bribi ini En taki: &#8220;Efu un e tan du san Mi taki, dan un o de trutru sma fu Mi. 32Dan un sa sabi san na tru, &#232;n na dati o meki un kon fri.&#8221;</div><div class="p"> 33Ma den sma taigi En taki: &#8220;Un na bakapikin fu Abraham. Noiti un ben de srafu fu wan sma. Fa Yu kan taki dan tak' un sa kon fri?&#8221; #Mat 3:9; Luk 3:8</div><div class="p"> 34Yesus piki den taki: &#8220;Fu tru Mi e taigi unu: Ibri sma di e sondu, na wan srafu fu sondu. 35Wan srafu no e tan fu t&#234;go ini a famiri, ma a manpikin e tan fu t&#234;go. 36Fu dat'ede efu a Manpikin meki un kon fri, dan un o fri fu tru. 37Mi sabi tak' un na bakapikin fu Abraham. Ma un e suku fu kiri Mi, fu di un no wani teki san Mi e taki. 38Mi e ferteri unu san Mi si na Mi P'pa, ma unu e du san un yere fu un p'pa.&#8221;</div><div class="p"> 39Den piki En taki: &#8220;Abraham na wi p'pa.&#8221;</div><div class="p">Yesus piki den baka taki: &#8220;Efu un ben de pikin fu Abraham, dan un bo du den sani san Abraham ben e du. 40Ma now un e suku fu kiri Mi, Mi di ferteri unu den tru sani san Mi yere fu Gado. Abraham no bo du sowan sani. 41Ma unu e du san un p'pa e du.&#8221;</div><div class="p">Den taigi En now taki: &#8220;Na Gado wawan na wi P'pa. Wi a no doroseipikin.&#8221;</div><div class="p"> 42Yesus taigi den taki: &#8220;Efu Gado ben de un P'pa, dan un bo lobi Mi, bika Mi kmopo fu Gado. Mi no kon fu Misrefi, ma na En seni Mi kon. 43Un sabi fu sanede un no e ferstan san Mi e taigi unu? Na fu di un no man teki san Mi e taki. 44Didibri na un p'pa, &#232;n un lobi fu du san a wani. Sensi na a bigin a de wan kiriman. A no man taki wan sani san tru, bika a no sabi san na tru. Te a e lei, a e taki leki fa en srefi de, bika a de wan leiman &#232;n na en meki lei. 45Ma fu di Mi e taki san na tru, meki un no e bribi Mi. 46Suma kan sori tak' Mi du wan sondu? Efu Mi e taki san tru, fu sanede un no e bribi Mi dan? 47A sma di de fu Gado, e arki san Gado e taki. Ma unu a no sma fu Gado, dat' meki un no e arki.&#8221;</div><div class="s">Yesus nanga Abraham</div><div class="p"> 48Den Dyusma taigi Yesus taki: &#8220;Un ben abi leti di un taki tak' Yu na wan Samariasma &#232;n tak' Yu abi wan takruyeye na Yu tapu!&#8221;</div><div class="p"> 49Ma Yesus piki den taki: &#8220;Mi no abi no wan takruyeye na Mi tapu. Mi e gi Mi P'pa grani, ma unu e broko Mi saka. 50Mi no e suku grani gi Misrefi. Wan Trawan de di e suku grani gi Mi, &#232;n na En e krutu libisma. 51Fu tru Mi e taigi un taki: A sma di e du san Mi taki, no sa dede noiti.&#8221;</div><div class="p"> 52Dan den Dyusma taigi En taki: &#8220;Now wi sabi trutru tak' Yu abi wan takruyeye na Yu tapu. Abraham nanga den profeiti dede. Ma Yu e taki tak' a sma di e du san Yu taki, no sa dede noiti. 53Yu denki tak' Yu bigi moro un afo Abraham? A dede, &#232;n den profeiti srefi dede tu. San Yu e prakseri fu Yusrefi?&#8221;</div><div class="p"> 54Yesus piki den taki: &#8220;Efu Mi e suku grani gi Misrefi, dan a no abi warti. A Wan di e gi Mi grani na Mi P'pa. Un e kari En un Gado, 55ma un no sabi En. Mi sabi En, &#232;n efu Mi ben sa taki tak' Mi no sabi En, dan Mi bo de wan leiman leki unu. Ma Mi sabi En &#232;n Mi e du san A wani. 56Un afo Abraham ben wakti nanga prisiri fu si a dei fu Mi. A si a dei dati &#232;n a ben breiti.&#8221;</div><div class="p"> 57Dan den Dyu taki: &#8220;Fa a kan tak' Yu si Abraham? Yu no abi feifitenti yari ete!&#8221;</div><div class="p"> 58Yesus piki den taki: &#8220;Fu tru Mi e taigi un taki: Fosi Abraham gebore, Mi ben de!&#8221; 59Dan den sma teki ston fu fringi na En tapu, ma Yesus kibri fu den no si En, dan A kmoto ini a mamakerki.</div>
 </div>
 </div>
</div>

ma Yesus go na a Oleifbergi.
A tra mamanten fruk'fruku A go baka na a mamakerki èn a heri folku kon na En. Dan Yesus go sidon èn A bigin gi den leri. Dan den sabiman fu Gado wèt nanga den Fariseiman tyari wan frow kon di den kisi di a ben e huru gi en masra. Den poti en mindri den sma di ben lontu Yesus, dan den taigi En taki: “Meister, den kisi a uma disi di a ben e huru gi en masra. A wèt fu Moses e leri un tak' un mus ston sowan sma kiri. San Yu e taki fu a sani disi?” Den ben aksi En a sani disi fu tesi En, fu di den ben e suku wan sani fu tyari En go na krutu.
Ma Yesus boigi En ede, dan A bigin skrifi nanga En finga na gron. Di den tan aksi En nomo, Yesus opo En ede dan A taigi den taki: “Meki a sma di noiti no du wan sondu, fringi a fosi ston naki en.” Dan A saka En ede, èn A bigin skrifi na gron baka.
Ma di den yere dati, den gwe wan fru wan, te leki Yesus nanga a frow wawan ben tan na baka. Den owru wan ben de den fosi wan di gwe. Yesus opo En ede dan A aksi a frow taki: “Frow, pe den man de? No wan fu den no krutu Yu?”
A frow piki taki: “Nono, Masra. No wan fu den.”
Ne Yesus taigi en taki: “Dan Mi no e krutu yu tu. Yu kan go, ma yu mus tapu nanga a sondu libi.”

Wan tra leisi Yesus taigi den sma taki: “Mi na a faya fu grontapu. A sma di e waka na Mi baka, no sa waka ini dungru noiti moro, ma a sa abi a faya di e gi libi.”
Dan den Fariseiman taigi En taki: “Yu e taki gi Yusrefi. A sani san Yu taki no abi warti.”
Yesus piki den taki: “Awinsi Mi e taki gi Misrefi, a abi warti, bika Mi sabi pe Mi kmopo èn pe Mi o go. Ma un dati no sabi pe Mi kmopo noso pe Mi o go. Un e krutu libisma fasi. Ma Mi no e krutu no wan sma. Ma efu Mi e krutu wan sma, dan Mi e krutu tapu wan leti fasi. Bika Mi no de Mi wawan, ma a P'pa di seni Mi kon de nanga Mi. Na ini un eigi wèt a skrifi taki: Efu tu sma e kotoigi fu wan sani, dan a sani tru. Mi e taki gi Misrefi, èn Mi P'pa di seni Mi kon, e taki fu Mi tu.”
Dan den aksi En taki: “Pe Yu P'pa de?”
Yesus piki den taki: “Un no sabi Mi èn un no sabi Mi P'pa. Efu un ben sabi Mi, dan un bo sabi Mi P'pa tu.”
Yesus taki den sani disi di A ben e gi den sma leri ini a mamakerki pe a kisi de pe yu mus poti moni.

Dan Yesus bigin taki baka nanga den sma. A taigi den taki: “Mi e gwe èn un o suku Mi. Un o dede sondro fu un kisi pardon fu un sondu. Pe Mi e go, un no man kon.”
A sani disi meki den Dyusma taki: “Fu sanede A taki: ‘Pe Mi e go, un no man kon?’ Na kiri A o kiri Ensrefi?”
Ma Yesus taigi den taki: “Unu na fu dya, ma Mi na fu loktu. Unu na fu a grontapu disi, ma Mi a no fu a grontapu disi. Mi taigi un kba tak' un o dede sondro fu un kisi pardon fu un sondu. Bika efu un no e bribi tak' Mi de suma Mi de, dan un o dede ini un sondu.”
Dan den aksi En taki: “Suma na Yu dan?”
Yesus piki den taki: “Na dati Mi taigi unu someni langa kba. Mi abi furu sani san Mi kan taki fu unu, nanga furu sani fu san Mi kan krutu unu. A Wan di seni Mi kon, na a Trutru Wan. Èn san Mi yere fu En, na dati Mi e taigi den sma na grontapu.”
Ma den no ben ferstan tak' Yesus ben e taki nanga den fu a P'pa. Dan Yesus taigi den taki: “Baka te un opo a Manpikin fu Libisma na loktu, dan un o si tak' na Mi. Dan un o si tak' Mi no e du noti fu Misrefi, ma tak' Mi e taki soso san Mi P'pa leri Mi. A Wan di seni Mi kon de nanga Mi. A no libi Mi wawan, bika Mi e tan du san A lobi.” Di Yesus taki den sani disi, furu sma bigin bribi ini En.

Dan Yesus taigi den Dyu di bribi ini En taki: “Efu un e tan du san Mi taki, dan un o de trutru sma fu Mi. Dan un sa sabi san na tru, èn na dati o meki un kon fri.”
Ma den sma taigi En taki: “Un na bakapikin fu Abraham. Noiti un ben de srafu fu wan sma. Fa Yu kan taki dan tak' un sa kon fri?”
Yesus piki den taki: “Fu tru Mi e taigi unu: Ibri sma di e sondu, na wan srafu fu sondu. Wan srafu no e tan fu têgo ini a famiri, ma a manpikin e tan fu têgo. Fu dat'ede efu a Manpikin meki un kon fri, dan un o fri fu tru. Mi sabi tak' un na bakapikin fu Abraham. Ma un e suku fu kiri Mi, fu di un no wani teki san Mi e taki. Mi e ferteri unu san Mi si na Mi P'pa, ma unu e du san un yere fu un p'pa.”
Den piki En taki: “Abraham na wi p'pa.”
Yesus piki den baka taki: “Efu un ben de pikin fu Abraham, dan un bo du den sani san Abraham ben e du. Ma now un e suku fu kiri Mi, Mi di ferteri unu den tru sani san Mi yere fu Gado. Abraham no bo du sowan sani. Ma unu e du san un p'pa e du.”
Den taigi En now taki: “Na Gado wawan na wi P'pa. Wi a no doroseipikin.”
Yesus taigi den taki: “Efu Gado ben de un P'pa, dan un bo lobi Mi, bika Mi kmopo fu Gado. Mi no kon fu Misrefi, ma na En seni Mi kon. Un sabi fu sanede un no e ferstan san Mi e taigi unu? Na fu di un no man teki san Mi e taki. Didibri na un p'pa, èn un lobi fu du san a wani. Sensi na a bigin a de wan kiriman. A no man taki wan sani san tru, bika a no sabi san na tru. Te a e lei, a e taki leki fa en srefi de, bika a de wan leiman èn na en meki lei. Ma fu di Mi e taki san na tru, meki un no e bribi Mi. Suma kan sori tak' Mi du wan sondu? Efu Mi e taki san tru, fu sanede un no e bribi Mi dan? A sma di de fu Gado, e arki san Gado e taki. Ma unu a no sma fu Gado, dat' meki un no e arki.”

Den Dyusma taigi Yesus taki: “Un ben abi leti di un taki tak' Yu na wan Samariasma èn tak' Yu abi wan takruyeye na Yu tapu!”
Ma Yesus piki den taki: “Mi no abi no wan takruyeye na Mi tapu. Mi e gi Mi P'pa grani, ma unu e broko Mi saka. Mi no e suku grani gi Misrefi. Wan Trawan de di e suku grani gi Mi, èn na En e krutu libisma. Fu tru Mi e taigi un taki: A sma di e du san Mi taki, no sa dede noiti.”
Dan den Dyusma taigi En taki: “Now wi sabi trutru tak' Yu abi wan takruyeye na Yu tapu. Abraham nanga den profeiti dede. Ma Yu e taki tak' a sma di e du san Yu taki, no sa dede noiti. Yu denki tak' Yu bigi moro un afo Abraham? A dede, èn den profeiti srefi dede tu. San Yu e prakseri fu Yusrefi?”
Yesus piki den taki: “Efu Mi e suku grani gi Misrefi, dan a no abi warti. A Wan di e gi Mi grani na Mi P'pa. Un e kari En un Gado, ma un no sabi En. Mi sabi En, èn efu Mi ben sa taki tak' Mi no sabi En, dan Mi bo de wan leiman leki unu. Ma Mi sabi En èn Mi e du san A wani. Un afo Abraham ben wakti nanga prisiri fu si a dei fu Mi. A si a dei dati èn a ben breiti.”
Dan den Dyu taki: “Fa a kan tak' Yu si Abraham? Yu no abi feifitenti yari ete!”
Yesus piki den taki: “Fu tru Mi e taigi un taki: Fosi Abraham gebore, Mi ben de!” Dan den sma teki ston fu fringi na En tapu, ma Yesus kibri fu den no si En, dan A kmoto ini a mamakerki.

Lyssna på Yohanes 8