<div class="version vid3590 iso6393mzj" data-vid="3590" data-iso6393="mzj">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Kitabu s&#603;v&#603;ko kun</span></div><div class="ip"><span class="content">Isa k&#596;biladen d&#596; le ka kitabu min s&#603;v&#603;, min t&#596;&#596; yi ko Yohana. Komi ale ni Isa diyanin t&#603;&#603; i &#626;&#596;&#596; y&#603; kos&#603;v&#603;, wo l&#596;, a na a j&#603;l&#603; t&#596;&#596;masela ko Isa diyanan k&#596;biladen. Yohana ka waate jaan k&#603; Isa f&#603;. Wo l&#596;, a na ko minu yena ani a na kuma minu m&#603;nna Isa da, a na wolu le s&#603;v&#603;la.</span></div><div class="ip"><span class="content">Kitabu min damina kumalu yi m&#596; lal&#596;nnila ko Isa yi Ala ya habadan kuma le le, min na k&#603;la adamaden ne, k'i sii m&#596; t&#603;ma (</span><span class="content">1.14</span><span class="content">). Yohana ka kitabu min s&#603;v&#603; f&#596;sa a kalanbalu yi limaniya k'a f&#596; ko Isa yi Masa T&#596;&#596;masenin ne le, ani Ala Denk&#603;. Ni ai do ka limaniya Isa ma, ai k&#603;t&#596; niimaya s&#596;l&#596;nna ale le f&#603; (</span><span class="content">20.31</span><span class="content">).</span></div><div class="ip"><span class="content">Isa ka baale minu k&#603; Galile koovi l&#596;, Yohana ya kitabu yi wolu le &#626;af&#596;la m&#596; y&#603;. A do yi Isa ya kawanankolu &#626;af&#596;la ka wolu tuuntuun i &#626;&#596;&#596; na, ani aa kawanililu.</span></div><div class="ip"><span class="content">Matiyu k'a jiya ko Isa yi Lakisilik&#603;ba le le, Mal&#603;k&#603; k'a jiya ko Isa yi Ala ya b&#596;iden ne le, ado Luka ka Isa ya m&#596;&#596;nivinya jiya. K&#603;&#603; do, Yohana ya kitabu y'a jiyala m&#596; la ko Isa yi Ala Denk&#603; le le. Isa na ko siyama f&#596;la ka b&#603;n a j&#603;l&#603; ma, kela d&#596;lu t&#603;nala sena wo suu f&#596;la. Isa bolo ko ale le dunu&#626;a k&#603;n&#603;ya le, ani niimaya bulu, ani ji min yi mink&#603;l&#596;&#596; banna, ani fulenilulawuliba, ani niimayadiba. A do t&#603;&#603; kawananko siyama k&#603;la, m&#596;&#596; m&#596;&#596; t&#603;nala wo suu k&#603;la ni a ma b&#596; Ala f&#603;.</span></div><div class="ip"><span class="content">Kitabu min haya b&#603; l&#596; bubata le ne, ko: &#171;Kamas&#596;l&#596;n Ala na dunu&#626;am&#596;&#596;lu kanula bolo&#626;a min ne ma, a na a Denk&#603; kelenpesa dila, f&#596;sa ni m&#596;&#596; m&#596;&#596; ka limaniya a ma, wo tii kana halaki, k&#603;&#603; wo tii yi niimaya banbali s&#596;l&#596;n.&#187; (</span><span class="content">Yohana 3.16</span><span class="content">)</span></div><div class="iot"><span class="content">Kitabu k&#596;n&#596;l&#596;kolu</span></div><div class="io1"><span class="content">Ala Kumakan </span><span class="ior"><span class="content">(</span><span class="content">1.1-18</span><span class="content">)</span></span></div><div class="io1"><span class="content">Makolik&#603;ba Yaya k&#596;biladen kunf&#596;l&#596;lu </span><span class="ior"><span class="content">(</span><span class="content">1.19-51</span><span class="content">)</span></span></div><div class="io1"><span class="content">Isa ka aa baale damina m&#596;&#596;lu &#626;ak&#596;l&#596; teme </span><span class="ior"><span class="content">(</span><span class="content">2&#8211;12</span><span class="content">)</span></span></div><div class="io1"><span class="content">Ai ka Isa mina ani ka faa teme Jelusal&#603;mu </span><span class="ior"><span class="content">(</span><span class="content">13&#8211;19</span><span class="content">)</span></span></div><div class="io1"><span class="content">Isa k'i wuli teme ka b&#596; saya l&#596;, k'a j&#603;l&#603; jiya a k&#596;biladennu la </span><span class="ior"><span class="content">(</span><span class="content">20&#8211;21</span><span class="content">)</span></span></div>
      </div>
   </div>
</div>

Manya Bible Translation, © SIM International, 2023 

Kitabu sɛvɛko kun
Isa kɔbiladen dɔ le ka kitabu min sɛvɛ, min tɔɔ yi ko Yohana. Komi ale ni Isa diyanin tɛɛ i ɲɔɔ yɛ kosɛvɛ, wo lɔ, a na a jɛlɛ tɔɔmasela ko Isa diyanan kɔbiladen. Yohana ka waate jaan kɛ Isa fɛ. Wo lɔ, a na ko minu yena ani a na kuma minu mɛnna Isa da, a na wolu le sɛvɛla.
Kitabu min damina kumalu yi mɔ lalɔnnila ko Isa yi Ala ya habadan kuma le le, min na kɛla adamaden ne, k'i sii mɔ tɛma (1.14). Yohana ka kitabu min sɛvɛ fɔsa a kalanbalu yi limaniya k'a fɔ ko Isa yi Masa Tɔɔmasenin ne le, ani Ala Denkɛ. Ni ai do ka limaniya Isa ma, ai kɛtɔ niimaya sɔlɔnna ale le fɛ (20.31).
Isa ka baale minu kɛ Galile koovi lɔ, Yohana ya kitabu yi wolu le ɲafɔla mɔ yɛ. A do yi Isa ya kawanankolu ɲafɔla ka wolu tuuntuun i ɲɔɔ na, ani aa kawanililu.
Matiyu k'a jiya ko Isa yi Lakisilikɛba le le, Malɛkɛ k'a jiya ko Isa yi Ala ya bɔiden ne le, ado Luka ka Isa ya mɔɔnivinya jiya. Kɛɛ do, Yohana ya kitabu y'a jiyala mɔ la ko Isa yi Ala Denkɛ le le. Isa na ko siyama fɔla ka bɛn a jɛlɛ ma, kela dɔlu tɛnala sena wo suu fɔla. Isa bolo ko ale le dunuɲa kɛnɛya le, ani niimaya bulu, ani ji min yi minkɛlɔɔ banna, ani fulenilulawuliba, ani niimayadiba. A do tɛɛ kawananko siyama kɛla, mɔɔ mɔɔ tɛnala wo suu kɛla ni a ma bɔ Ala fɛ.
Kitabu min haya bɛ lɔ bubata le ne, ko: «Kamasɔlɔn Ala na dunuɲamɔɔlu kanula boloɲa min ne ma, a na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.» (Yohana 3.16)
Kitabu kɔnɔlɔkolu
Ala Kumakan ( 1.1-18 )
Makolikɛba Yaya kɔbiladen kunfɔlɔlu ( 1.19-51 )
Isa ka aa baale damina mɔɔlu ɲakɔlɔ teme ( 2–12 )
Ai ka Isa mina ani ka faa teme Jelusalɛmu ( 13–19 )
Isa k'i wuli teme ka bɔ saya lɔ, k'a jɛlɛ jiya a kɔbiladennu la ( 20–21 )

Lyssna på Yohana Kitabu sɛvɛko kun