Hadiyya - 1992 BSE Non-Drama (NT)

Hadiyya - 1992 BSE Drama (NT)

<div class="version vid3498 iso6393hdy" data-vid="3498" data-iso6393="hdy">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Mat Buxichchi Meentichcho Waa'ina Uwwito'i Luwwa</div><div class="r">(Mar 12:41-44)</div><div class="p"> 1Keesammi Minenne diinate uwwakkam mu'utanne goddaan diinate issukkuuyyi Yesuus asi'mmaa moo'ukko. 2Mat buxichchi busara lam saantiba ee mu'utanne issito'o. 3Yesuusim &#171;Hanqinam an ki'nnuwwina kuroommo; tu buxichchi busara ka mu'utanne issito'i diinat mulli keen hundim issito'aanniinsi lobane. 4Mashka'oomim mulli keen hundim uwwito'ok ixxuwwina ihaa gatukkaanniinsette. Ihukkaarem ise ma'lluchchim bee'i buxichchotte ikka'a isena yoo qaxichcho hundichchom uwwito'o&#187; yukko.</div><div class="s">Yesuus Hanenne Waaroo luwwi Bikkina Hiraagukkisa</div><div class="r">(Mat 24:1-14; Mar 13:1-13)</div><div class="p"> 5Mat mat manni &#171;Ka Keesammi Mine mishisoo kininnee Waa'ina uwwakko'i mu'utinnee wereeggisakka'a baxakko'is hinkaa'nna mishisoolla?&#187; yita'a wocco'o. 6Yesuusim ixxuwwina dabaraa &#171;Ka moo'llakkam mi'nnek kin ki'n hanenne ihaa baxamukkok mat kinchim gatoo'n gindamaa uboo balli waarookko&#187; yukko.</div><div class="p"> 7Ixxuwwim Yesuusina &#171;Losisaancho! Kuk ihookkok hinki ammane? Iheena hincukkisa moo'isoo mare'i maruchcho?&#187; yita'a xa'mmito'o.</div><div class="p"> 8Yesuusim ixxuwwina dabaraa &#171;Ayyim ki'nnuwwa huushansoobee'isa ege'llehe! Lobakat keen &#8249;Kiristoos anette; doollim afaakko&#8250; yitu'uuyyi waattamo. Ee keeno awwontakkotte. 9Odim orii hambalaachchii gaassaa ihimmi hasisoohan ihu bikkina eekka macceessakkam ammane baa'llakkotte. Ihukkaarem lasaanchi afukkoyyome.</div><div class="p"> 10Yesuus odim ixxuwwina &#171;Minaadab minaadabanne adilim adilanne ki'ookko. 11Malaayyaam uulli huxechchi, annanni annanni beyyonne qaanne'ii boobanii ihookko. Iimaniinsim baddisoo luwwii maalalsiisoo mare'ii moo'amookko. 12Ihukkaarem oo woshshi iheena illageen i summi bikkina ki'nnuwwa amadakka'a hawwisakkamo. Dummichchinaa karatinaa higisakka'a uwwakkamo. Odim adilluwwi illagennee gassaa'n illagennee hincaa'akkamo. 13Oohim i bikkina kuttakkamisina danaam amman ihookko. 14#Luq 12:11-12 Ee bikkina xa'mmantakkam xa'mmichchina &#8249;Maha daballoommo&#8250; yitakka'a hawwitakkotte. 15Anim ki'nnuwwi maso'uwwik ayyim ki'nnuwwinne uullixxameena te'im gafe'ameena xanoobee'i woccakkam sagaraa qooroomaa uwwoommo. 16Ki'nnuwwik anno'i, amo'i, abbaayyuwwi, qarmannii beshshuwwii gattoo'n ki'nnuwwa higissa'a uwwitamo. Ki'nnuwwiinsim mat mat keeno shitamo. 17I mashka'inne manni hundim ki'nnuwwa sabookko. 18Ihukkaarem ki'nnuwwi horoo'l saraatik matichchim bi'ooyyo. 19Ki'nnuwwim xa'nnimminne ki'nnuwwi foore gatixxitakkamo.</div><div class="s">Yerusaalee'm Bichchi Bikkina Yesuus Wocukkisa</div><div class="r">(Mat 24:15-21; Mar 13:14-19)</div><div class="p"> 20&#171;Yerusaalee'm beero'i diina'inne kibbamaa moo'llakkam ammane bichchina hincukkisa laqqehe. 21Ee ammane Yihuxxi uullanne yo'i keen duunnuwwanne gibbona. Ee beero'onnem yo'i keen beero'iinsi fitta'a gibbona. Odim beero'iinsi tochchi uullanne yo'i keenim beero'o aaggoone. 22#Hos 9:7 Mashka'oomim Keesammi Kitaabanne kitaabamukkok wo'mmoo'isina oo ayyaam Waa'i baado miqisoo ayyaamo. 23Ka uullanne kee'mmaalli hawwi ihoo bikkinaa ka minaadabanne Waa'i quunqi dilloo bikkinaa ee ammane lamfoor meentinaa iicisaaninaa aayye! 24Ixxuwwiinsim mat qax bisa'inne beedditamo. Qeefadanta'atim mulli minaadaphphi lambe'ennem binnitamo. Ixxuwwina uwwamu doolli beeddeebe'i afeebe'e mulli minaadab Yerusaalee'm beero'o hance'lla'a gassitamo.</div><div class="s">Manchi Beet La'mmaagge Waaroo'isa</div><div class="r">(Mat 24:29-31; Mar 13:24-27)</div><div class="p"> 25 # 
 Isa 13:10; Hiz 32:7; Iyo 2:31; Kal 6:12 &#171;Eelliinchonne, aganannee boollaankannee maalalsiisoo mare'i ihookko. Uulli minaadab hundim dambalaqikaa womoo'llekaa baddisoo guga macceessa'a u'nnantamo. 26Iima'n malaayyuwwi heekke'oo bikkina uullanne ihoo luwwa moo'imminne baa'aa mannik tiir bi'ookko. 27#Dan 7:13; Kal 1:7 Ee lasage Manchi Beet malaayyinnee lobakat lombinnee ihaa duubinne waarukkuuyyi moo'llamo. 28Oo luwwi hundim ihukkuuyyi moo'llakkam ammane Waa'i ki'nnuwwa gatisoo ayyaam hincu bikkina xabbitakka'a iim moo'llehe&#187; yukko.</div><div class="s">Oda'i Kobi'llishshinne Yesuus Losisukkisa</div><div class="r">(Mat 24:32-35; Mar 13:28-31)</div><div class="p"> 29Yesuusim ixxuwwina kobi'llishshinne &#171;Oda'aa mulli haqqaa moo'llehe. 30Oo oda'ii mulli haqqii lataa moo'llakkam ammane billi hincukkisa laqqakkamo. 31Ee'isam oo luwwi ihukkuuyyi moo'llakkam ammane Waa'i adillan hincukkisa laqqakkamo. 32Hanqinam an ki'nnuwwina kuroommo; ku luwwi hundim iheebe'i afeebe'e ku qaranchi higooyyo. 33Iimanii uullii higookko. Ihukkaarem i sagar hore'em higooyyo.</div><div class="p"> 34&#171;Oo balli dangonnem qaashisa amadoobee'isa hundi luwwam abdaadakku'uuyyi hasakko'isa hee'imminne, dimbimminnee ka uulli heechchina hawwimminnee ki'nnuwwi wodan hoogoobee'isa qoxxitakka'a ki'nnuwwi gaga ege'llehe. 35Mashka'oomim oo balli uullanne hee'oo minaadab hundam qaashisa amadookko. 36Ihukkaarem ee afoo luwwi hundam qoxxitakka'a higimminaa Manchi Beet illagenne uullimminaa hundi ammanem Waa'a uunxatonne qoxxehe&#187; yukko.</div><div class="p"> 37 # 
 Luq 19:47
 Yesuusim ballina ballina Keesammi Minenne losisam hee'ukko. Ihukkaarem hiim hiimo Wee'l duunanne firaa garam hee'ukko. 38Minaadab hundim ixxi losisoo losishsha macceesseena soodaraarom Keesammi Mine waattam hee'llo'o.</div>
 </div>
 </div>
</div>

Keesammi Minenne diinate uwwakkam mu'utanne goddaan diinate issukkuuyyi Yesuus asi'mmaa moo'ukko. Mat buxichchi busara lam saantiba ee mu'utanne issito'o. Yesuusim «Hanqinam an ki'nnuwwina kuroommo; tu buxichchi busara ka mu'utanne issito'i diinat mulli keen hundim issito'aanniinsi lobane. Mashka'oomim mulli keen hundim uwwito'ok ixxuwwina ihaa gatukkaanniinsette. Ihukkaarem ise ma'lluchchim bee'i buxichchotte ikka'a isena yoo qaxichcho hundichchom uwwito'o» yukko.


Mat mat manni «Ka Keesammi Mine mishisoo kininnee Waa'ina uwwakko'i mu'utinnee wereeggisakka'a baxakko'is hinkaa'nna mishisoolla?» yita'a wocco'o. Yesuusim ixxuwwina dabaraa «Ka moo'llakkam mi'nnek kin ki'n hanenne ihaa baxamukkok mat kinchim gatoo'n gindamaa uboo balli waarookko» yukko.
Ixxuwwim Yesuusina «Losisaancho! Kuk ihookkok hinki ammane? Iheena hincukkisa moo'isoo mare'i maruchcho?» yita'a xa'mmito'o.
Yesuusim ixxuwwina dabaraa «Ayyim ki'nnuwwa huushansoobee'isa ege'llehe! Lobakat keen ‹Kiristoos anette; doollim afaakko› yitu'uuyyi waattamo. Ee keeno awwontakkotte. Odim orii hambalaachchii gaassaa ihimmi hasisoohan ihu bikkina eekka macceessakkam ammane baa'llakkotte. Ihukkaarem lasaanchi afukkoyyome.
Yesuus odim ixxuwwina «Minaadab minaadabanne adilim adilanne ki'ookko. Malaayyaam uulli huxechchi, annanni annanni beyyonne qaanne'ii boobanii ihookko. Iimaniinsim baddisoo luwwii maalalsiisoo mare'ii moo'amookko. Ihukkaarem oo woshshi iheena illageen i summi bikkina ki'nnuwwa amadakka'a hawwisakkamo. Dummichchinaa karatinaa higisakka'a uwwakkamo. Odim adilluwwi illagennee gassaa'n illagennee hincaa'akkamo. Oohim i bikkina kuttakkamisina danaam amman ihookko. Ee bikkina xa'mmantakkam xa'mmichchina ‹Maha daballoommo› yitakka'a hawwitakkotte. Anim ki'nnuwwi maso'uwwik ayyim ki'nnuwwinne uullixxameena te'im gafe'ameena xanoobee'i woccakkam sagaraa qooroomaa uwwoommo. Ki'nnuwwik anno'i, amo'i, abbaayyuwwi, qarmannii beshshuwwii gattoo'n ki'nnuwwa higissa'a uwwitamo. Ki'nnuwwiinsim mat mat keeno shitamo. I mashka'inne manni hundim ki'nnuwwa sabookko. Ihukkaarem ki'nnuwwi horoo'l saraatik matichchim bi'ooyyo. Ki'nnuwwim xa'nnimminne ki'nnuwwi foore gatixxitakkamo.


«Yerusaalee'm beero'i diina'inne kibbamaa moo'llakkam ammane bichchina hincukkisa laqqehe. Ee ammane Yihuxxi uullanne yo'i keen duunnuwwanne gibbona. Ee beero'onnem yo'i keen beero'iinsi fitta'a gibbona. Odim beero'iinsi tochchi uullanne yo'i keenim beero'o aaggoone. Mashka'oomim Keesammi Kitaabanne kitaabamukkok wo'mmoo'isina oo ayyaam Waa'i baado miqisoo ayyaamo. Ka uullanne kee'mmaalli hawwi ihoo bikkinaa ka minaadabanne Waa'i quunqi dilloo bikkinaa ee ammane lamfoor meentinaa iicisaaninaa aayye! Ixxuwwiinsim mat qax bisa'inne beedditamo. Qeefadanta'atim mulli minaadaphphi lambe'ennem binnitamo. Ixxuwwina uwwamu doolli beeddeebe'i afeebe'e mulli minaadab Yerusaalee'm beero'o hance'lla'a gassitamo.


«Eelliinchonne, aganannee boollaankannee maalalsiisoo mare'i ihookko. Uulli minaadab hundim dambalaqikaa womoo'llekaa baddisoo guga macceessa'a u'nnantamo. Iima'n malaayyuwwi heekke'oo bikkina uullanne ihoo luwwa moo'imminne baa'aa mannik tiir bi'ookko. Ee lasage Manchi Beet malaayyinnee lobakat lombinnee ihaa duubinne waarukkuuyyi moo'llamo. Oo luwwi hundim ihukkuuyyi moo'llakkam ammane Waa'i ki'nnuwwa gatisoo ayyaam hincu bikkina xabbitakka'a iim moo'llehe» yukko.


Yesuusim ixxuwwina kobi'llishshinne «Oda'aa mulli haqqaa moo'llehe. Oo oda'ii mulli haqqii lataa moo'llakkam ammane billi hincukkisa laqqakkamo. Ee'isam oo luwwi ihukkuuyyi moo'llakkam ammane Waa'i adillan hincukkisa laqqakkamo. Hanqinam an ki'nnuwwina kuroommo; ku luwwi hundim iheebe'i afeebe'e ku qaranchi higooyyo. Iimanii uullii higookko. Ihukkaarem i sagar hore'em higooyyo.
«Oo balli dangonnem qaashisa amadoobee'isa hundi luwwam abdaadakku'uuyyi hasakko'isa hee'imminne, dimbimminnee ka uulli heechchina hawwimminnee ki'nnuwwi wodan hoogoobee'isa qoxxitakka'a ki'nnuwwi gaga ege'llehe. Mashka'oomim oo balli uullanne hee'oo minaadab hundam qaashisa amadookko. Ihukkaarem ee afoo luwwi hundam qoxxitakka'a higimminaa Manchi Beet illagenne uullimminaa hundi ammanem Waa'a uunxatonne qoxxehe» yukko.
Yesuusim ballina ballina Keesammi Minenne losisam hee'ukko. Ihukkaarem hiim hiimo Wee'l duunanne firaa garam hee'ukko. Minaadab hundim ixxi losisoo losishsha macceesseena soodaraarom Keesammi Mine waattam hee'llo'o.

Lyssna på Luqaas Mishiraachcha 21