<div class="version vid3487 iso6393ajz" data-vid="3487" data-iso6393="ajz">
 <div class="book bkMAT">
 <div class="chapter ch4" data-usfm="MAT.4">
 <div class="label">4</div><div class="s">Jisu yok Honjat Kilang</div><div class="r">(Mrk. 1:12-13; Luk. 4:1-13)</div><div class="p"> 1La-aphel, Jisu long si-ik parasi honjat kilangpon ayok, anangyok ajiuli parasi ingnam aju ponno. 2Aro angkol-hini adin pen angkol-hini ajo an kihum aphel, Jisu an-chiro. 3La-amun si-ik anang dung wangsi pulo, &#8220;Nang Arnam Aso, tene labang arlong hel him kachiplang yok thanot.&#8221; 4Lalong Jisu puphakngo, &#8220;Munusi ke an pen detke hreng un-eh ye, manta Arnam angho para kiwang alamthe pensi hrenge,&#8221; labadi pusi kiwi do. 5La-aphel si-ik anangyok kangthir rongpe yok ponsi, Arnam ahem kartulchot long parjap damsi, 6aro anang yok pulo, &#8220;Nang Arnam Aso lo, tene nang alingyok wang chonnot; piyok pu tene lo-kangthir long wido, &#8220;Nang Arnam atharlonhel yok nang phan thane; aro nangkeng arlong athak kijangje ayok, la-amun nangyok ari pen wangdeng dun loknge.&#8221; 7Jisu puphak ngo, &#8220;Manta lo-kangthir longke pudo, nang Arnam Hemphu yok honjat langek.&#8221; 8Aro si-ik ke anangyok inglong longklam yok ponsi, pirthepe long ahuwit longri aro lalong kilang me pomar paklango; 9aro si-ik anangyok pulo, &#8220;Nang tarhukne, neyok chirdom, tene labang ahuwit nangyok piye.&#8221; 10La-amun Jisu anangyok pulo, &#8220;Damot! si-ik!&#8221; piyok pu tene lo-kangthir long kiwi do, &#8216;Nang Hemphu Arnam yok chirdom, aro anangsal detsi tiki.&#8221; 11Laparake si-ik Jisu yok tikango; aro langot, ethakpe atharlonhel wangsi anangyok al wang eno.</div><div class="s">Jisu Galililong Sal Kicheng</div><div class="r">(Mrk. 1:14-15; Luk. 4:14-15)</div><div class="p"> 12Minonke Johon po ayok nepsi akrol kibeng alam arjusi, Jisu Galili ayok damo; 13aro Najaret tikangsi, Jebulun pen Naptali ajat ahol long, langpe akung kido Kaparnaum rongso long dodamo; 14lake Jisoya turki po parasi kapathan alam chokpeno: 15&#8220;Jebulun alongri aro Naptali alongri, langpe akung aduwar, aro Jordan langjonpe ha aga apar kido angbong, Bang-ajat hel kido Galili, 16lake inghosi kangting long kido abang, anali akithe katha-ang isi thek hlongo, aro inghosi kithi alongri aro aben long kido, anali phuthakta Arnam katha-ang wano;&#8221; labang alamthe kichokyok labadisi chiplango. 17La-apor para Jisu Arnam alam kithan chengpono, &#8220;Aneng chipharlep mot; piyok pu tene ethakpe-alongri adung hetno.&#8221;</div><div class="s">Jisu Kataram Cheng Adunhel</div><div class="r">(Mrk. 1:16-20; Luk. 5:1-11)</div><div class="p"> 18La-aphel Jisu Galili langpe akung-akung kidam amun, bang hini korte-muso, lake Simon po, anangyok Pitor po puta taramman, aro anang muso Andriu poyok, langpe long lan kiwar thekngo; piyok pu tene analike ok kirhi arleng kido. 19Aro Jisu analiyok pulo, &#8220;Ne phel wangot, ne naliyok arleng kirhi arleng inghole.&#8221; 20La-jongsi anali lan tikangsi anang phel phel duno. 21Aro anang lalong para damjongsi, prek bang-hini korte-muso lake Jebedi po aso Jems po aro anang muso Johon poyok, anali apa Jebedi po pen tilong athak anali lanhel chipademsi kido theksi, Jisu analiyokta taramo. 22Lalong analita la-amunsi tilong aro anali apa yok tikangsi, anang phel phel angduno.</div><div class="s">Jisu Kiso Kapame Aro Kapaklang</div><div class="r">(Luk. 6:17-19)</div><div class="p"> 23La-aphel Jisu ajal-dungsi Galili alongri artingworsi, Jihudi Arnam ahem along paklangsi, Arnam-alongri kime-alamthe paharsi, arleng hel asitem kamprek kiso kilak aro ajat-jat kiso-kilak hel pamelo. 24Lalong anang kime katiki jortangpo Siriya alongridung chitha-ang det no; aro si-ik kachu-uh, tengrai kiso, atot kangwe kiso mehel prek-prek kiso-kilak aro duk-tap kido kiso arleng helyok anang dungyok wansi, anang analiyok pame detno. 25Aro Galili, Dekopolis, Jerusalem aro Judiya para, aro Jordon ha aga apar parata ako-ong arleng anang aphel aphel duno.</div>
 </div>
 </div>
</div>

La-aphel, Jisu long si-ik parasi honjat kilangpon ayok, anangyok ajiuli parasi ingnam aju ponno. Aro angkol-hini adin pen angkol-hini ajo an kihum aphel, Jisu an-chiro. La-amun si-ik anang dung wangsi pulo, “Nang Arnam Aso, tene labang arlong hel him kachiplang yok thanot.” Lalong Jisu puphakngo, “Munusi ke an pen detke hreng un-eh ye, manta Arnam angho para kiwang alamthe pensi hrenge,” labadi pusi kiwi do. La-aphel si-ik anangyok kangthir rongpe yok ponsi, Arnam ahem kartulchot long parjap damsi, aro anang yok pulo, “Nang Arnam Aso lo, tene nang alingyok wang chonnot; piyok pu tene lo-kangthir long wido, “Nang Arnam atharlonhel yok nang phan thane; aro nangkeng arlong athak kijangje ayok, la-amun nangyok ari pen wangdeng dun loknge.” Jisu puphak ngo, “Manta lo-kangthir longke pudo, nang Arnam Hemphu yok honjat langek.” Aro si-ik ke anangyok inglong longklam yok ponsi, pirthepe long ahuwit longri aro lalong kilang me pomar paklango; aro si-ik anangyok pulo, “Nang tarhukne, neyok chirdom, tene labang ahuwit nangyok piye.” La-amun Jisu anangyok pulo, “Damot! si-ik!” piyok pu tene lo-kangthir long kiwi do, ‘Nang Hemphu Arnam yok chirdom, aro anangsal detsi tiki.” Laparake si-ik Jisu yok tikango; aro langot, ethakpe atharlonhel wangsi anangyok al wang eno.


Minonke Johon po ayok nepsi akrol kibeng alam arjusi, Jisu Galili ayok damo; aro Najaret tikangsi, Jebulun pen Naptali ajat ahol long, langpe akung kido Kaparnaum rongso long dodamo; lake Jisoya turki po parasi kapathan alam chokpeno: “Jebulun alongri aro Naptali alongri, langpe akung aduwar, aro Jordan langjonpe ha aga apar kido angbong, Bang-ajat hel kido Galili, lake inghosi kangting long kido abang, anali akithe katha-ang isi thek hlongo, aro inghosi kithi alongri aro aben long kido, anali phuthakta Arnam katha-ang wano;” labang alamthe kichokyok labadisi chiplango. La-apor para Jisu Arnam alam kithan chengpono, “Aneng chipharlep mot; piyok pu tene ethakpe-alongri adung hetno.”


La-aphel Jisu Galili langpe akung-akung kidam amun, bang hini korte-muso, lake Simon po, anangyok Pitor po puta taramman, aro anang muso Andriu poyok, langpe long lan kiwar thekngo; piyok pu tene analike ok kirhi arleng kido. Aro Jisu analiyok pulo, “Ne phel wangot, ne naliyok arleng kirhi arleng inghole.” La-jongsi anali lan tikangsi anang phel phel duno. Aro anang lalong para damjongsi, prek bang-hini korte-muso lake Jebedi po aso Jems po aro anang muso Johon poyok, anali apa Jebedi po pen tilong athak anali lanhel chipademsi kido theksi, Jisu analiyokta taramo. Lalong analita la-amunsi tilong aro anali apa yok tikangsi, anang phel phel angduno.


La-aphel Jisu ajal-dungsi Galili alongri artingworsi, Jihudi Arnam ahem along paklangsi, Arnam-alongri kime-alamthe paharsi, arleng hel asitem kamprek kiso kilak aro ajat-jat kiso-kilak hel pamelo. Lalong anang kime katiki jortangpo Siriya alongridung chitha-ang det no; aro si-ik kachu-uh, tengrai kiso, atot kangwe kiso mehel prek-prek kiso-kilak aro duk-tap kido kiso arleng helyok anang dungyok wansi, anang analiyok pame detno. Aro Galili, Dekopolis, Jerusalem aro Judiya para, aro Jordon ha aga apar parata ako-ong arleng anang aphel aphel duno.

Lyssna på MOTHI 4