Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">O Jesus hi o Lab, hoi was o Deblestar</div><div class="p"> 1Har o bolepen un i phub gar koi his, his o Lab koi. Kowa, kai hi o Lab, his pash o Debleste. Un job his o Dewel. 2Job his pash o Debleste, har o bolepen un i phub gar koi his. 3Khetne leha kras o Dewel o bolepen un i phub. Tchi hi koi, hoi gar leha kerdo was. 4An leste his o djipen. Un ko djipen his i bari momeli i menshenge. 5Koi momeli chatchella an i rat. Un i rat nai kras koi momeli gar win.</div><div class="p"> 6Koi was i mursh, ko was o Deblestar bitchedo. Leskro lab his Johanni. 7Job was, te penell lo hakeneske, koon koi bari momeli hi, te patsenn halauter ap koi momeli. 8Job his gar koi momeli. Job was, te penell lo, koon koi momeli hi.</div><div class="p"> 9Koi tchatchi momeli was ap i phub, te chatchell li hakeneske.</div><div class="p"> 10Kowa, kai hi o Lab, his ap i phub, un i phub was leha kerdo. Un i menshe ap i phub prindjran les gar. 11Job was an peskro them, un leskre menshe lan les gar pre. 12Halauter kolla, kai lan les pre un ap leste patsan, kolen das job i soor, te wenn jon o Debleskre tchawe. 13Kowa wan le gar, har jon boldo wan. O newo djipen was gar dran o menshengro kamlepen. Na-a, o newo djipen lan le kokres o Deblestar. 14Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.</div><div class="p"> 15O Johanni rakras lestar, un das gole: &#8220;Job hi kowa, kolestar penom: Kowa, kai pal mande wella, hi pral mande. Job his glan mande koi.&#8221;</div><div class="p"> 16Mer halauter lam pale un pale bud latchepen lestar, kai les jaake bud hi. 17O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen. 18Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.</div><div class="p"> 19-20Har bitchran i pralstune bibolde dran o foro Jerusalem i rashajen un i Levitarjen pash o Johanneste, te putchenn le lestar: &#8220;Koon hal tu?&#8221; penas job glan i tsele menshende, kai kote tardo hi: &#8220;Tchatchepah, me hom gar o Kristo#1:19-20 O Kristo hi ko baro rai, kolestar o Dewel penas, te well job..&#8221;</div><div class="p"> 21&#8220;Koon hal tu?&#8221; kaman jon te djinell. &#8220;Hal tu o Elija?&#8221; putchan le lestar.</div><div class="p">&#8220;Na-a,&#8221; penas lo, &#8220;kowa hom me gar!&#8221;</div><div class="p">&#8220;Hal tu o Debleskro rakepaskro, kolestar penlo was, te well job? putchan le lestar.&#8221;</div><div class="p">&#8220;Na-a,&#8221; penas job.</div><div class="p"> 22Jon penan ap leste: &#8220;Pen menge, koon tu hal, te penas mer kowa kolenge, kai bitchran men. Hoi peneh tu tchatchepah, koon tu hal?&#8221;</div><div class="p"> 23Job penas: &#8220;Me hom kowa, kai dell gole an o mulo them: Lenn halauter krik, hoi o Debleske an o drom tchiddo hi. Jaake penas kowa o Debleskro rakepaskro, o Jesaja, glan i rah tsiro.&#8221;</div><div class="p"> 24Kolla, kai wan pash o Johanneste, his i Farisarendar bitchedo. 25Jon putchan lestar: &#8220;Te hal tu gar o Kristo, witar gar o Elija, un witar gar ko Debleskro rakepaskro, kolestar penlo was, te well job, hoske taufreh tu i menshen?&#8221;</div><div class="p"> 26Penas o Johanni lenge: &#8220;Me taufrau len an o pani. Mashkral tumende hi jek, koles prindjrenn tumer gar. 27Kowa well pal mande. Me hom gar mishto doha, te krap leskre kircha pre.&#8221;</div><div class="p"> 28Har o Johanni kowa rakras, his job an o foro Betani ap i wawar rig o panjestar Jordan, kote, kai taufras lo i menshen.</div><div class="p"> 29Ap o wawar diwes dikas o Johanni, kai o Jesus pash leste wella. Un o Johanni penas: &#8220;Dikenn, kawa hi o Debleskro bakro, kai lell i menshengri doosh#1:29 doosh shulta, sinda ap peste. 30Kawa hi ko mursh, kai penom lestar: Pal mande wella i mursh, ko his pral mande. Job his koi, har me gar koi homs. 31Me djinom gar, koon kowa hi. Me wom, te taufrap i menshen an Israel an o pani, te sikrap nai len, koon job hi.&#8221;</div><div class="p"> 32Un o Johanni penas: &#8220;Tchatchepah, me dikom o Debleskro Ducho har i parno tchirklo, kai was dran o bolepen pral tele, un atchas ap leste. 33Un me prindjrom les gar. Kowa, kai bitchras man, te taufrap i menshen an o pani, kowa penas ap mande: Tu dikeh, har well o Debleskro Ducho ap i mursheste un atchell ap leste. Kowa hi ko mursh, kai dell i menshen o Debleskro Ducho.</div><div class="p"> 34Me dikom kowa halauter. Doleske nai penau me ninna: Kau mursh hi o Debleskro tchawo.&#8221;</div><div class="s1">O Jesuseskre mala</div><div class="p"> 35O wawar diwes his o Johanni pale koi tardo. Dui leskre malendar his pash leste.</div><div class="p"> 36Un har job dikas, kai o Jesus koi djal, penas lo: &#8220;Dikenn, kawa hi o Debleskro bakro!&#8221; 37Har kol dui kowa shunan, djan le o Jesuseske palla. 38Un o Jesus rissras pes trujel, un dikas len. Un job putchas lendar: &#8220;Hoi rodenn tumer?&#8221;</div><div class="p">Penan jon: &#8220;Sikepaskro, kai chah un soweh tu?&#8221;</div><div class="p"> 39&#8220;Awenn un dikenn!&#8221; penas job.</div><div class="p">Koi djan kol dui leha, un dikan, kai job chala un sowella. His deshenge. Un jon atchan ko diwes pash leste.</div><div class="p"> 40Jek kol dujendar, kai shunan, hoi o Johanni penas, un o Jesuseha djan, his o Andreas. Leskro phraal his o Simon Petro.#1:40 O lab Petrus his o lataintikro lab, ap Sintetikes: Petro.</div><div class="p"> 41Kowa hatsas peskro phrales Simon, un penas ap leste: &#8220;Mer hatsam ko baro rajes, kolestar o Dewel penas, te well job#1:41 Kowa hi ap hebretikes o Messias..&#8221; Kowa kharella ap grichtikes Kristo. 42Un o Andreas anas peskro phrales pash o Jesuseste. Har o Jesus koles dikas, penas lo: &#8220;Tu hal o Simon, ko Johanneskro tchawo. Tu khareh kanna Kefas.&#8221; Ko kharella baro bar.</div><div class="p"> 43O wawar diwes kamas o Jesus an o them Galilea te djal. Ap o drom tapras lo o Filipo, un penas ap leste: &#8220;Dja mantsa!&#8221;</div><div class="p"> 44O Filipo his dran o foro Betsaida. Ninna o Andreas un o Petro his dran ko foro.</div><div class="p"> 45O Filipo hatsas o Natanael un penas ap leste: &#8220;Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.&#8221;</div><div class="p"> 46Un o Natanael penas ap leste: &#8220;Dran Nazaret nai well tchi, hoi mishto hi.&#8221;</div><div class="p">&#8220;Am un dik!&#8221; penas o Filipo.</div><div class="p"> 47Har o Jesus dikas, kai o Natanael was, penas job: &#8220;Dikenn, koi well i tchatcho Israelitari. Un kek chochepen hi an leste.&#8221;</div><div class="p"> 48&#8220;Har nai djineh tu, koon me hom?&#8221; putchas o Natanael lestar.</div><div class="p">Penas o Jesus: &#8220;Har tu tel o faigetikro ruk hals, dikom me tut, glan ko tsiro, kai o Filipo das tut gole.&#8221;</div><div class="p"> 49&#8220;Sikepaskro,&#8221; penas o Natanael, &#8220;tu hal o Debleskro tchawo. Tu hal o baro rai pral Israel.&#8221;</div><div class="p"> 50Penas o Jesus ap leste: &#8220;Me penom tuke: Me dikom tut tel ko ruk. Doleske patseh tu. Tu dikeh bareder koowa, har kawa.</div><div class="p"> 51Kowa hi tchatcho, hoi me tumenge penau: Tumer dikenn har o bolepen pre djala. Un o Debleskre bolepangre#1:51a bolepangre engle djan pral un wenn pale tele ap o Menshengro Tchaweste.&#8221; #1:51b Mensheskro Tchawo hi ko lab, kai das o Jesus pes kokres.</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Har o bolepen un i phub gar koi his, his o Lab koi. Kowa, kai hi o Lab, his pash o Debleste. Un job his o Dewel. Job his pash o Debleste, har o bolepen un i phub gar koi his. Khetne leha kras o Dewel o bolepen un i phub. Tchi hi koi, hoi gar leha kerdo was. An leste his o djipen. Un ko djipen his i bari momeli i menshenge. Koi momeli chatchella an i rat. Un i rat nai kras koi momeli gar win.
Koi was i mursh, ko was o Deblestar bitchedo. Leskro lab his Johanni. Job was, te penell lo hakeneske, koon koi bari momeli hi, te patsenn halauter ap koi momeli. Job his gar koi momeli. Job was, te penell lo, koon koi momeli hi.
Koi tchatchi momeli was ap i phub, te chatchell li hakeneske.
Kowa, kai hi o Lab, his ap i phub, un i phub was leha kerdo. Un i menshe ap i phub prindjran les gar. Job was an peskro them, un leskre menshe lan les gar pre. Halauter kolla, kai lan les pre un ap leste patsan, kolen das job i soor, te wenn jon o Debleskre tchawe. Kowa wan le gar, har jon boldo wan. O newo djipen was gar dran o menshengro kamlepen. Na-a, o newo djipen lan le kokres o Deblestar. Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.
O Johanni rakras lestar, un das gole: “Job hi kowa, kolestar penom: Kowa, kai pal mande wella, hi pral mande. Job his glan mande koi.”
Mer halauter lam pale un pale bud latchepen lestar, kai les jaake bud hi. O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen. Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.
Har bitchran i pralstune bibolde dran o foro Jerusalem i rashajen un i Levitarjen pash o Johanneste, te putchenn le lestar: “Koon hal tu?” penas job glan i tsele menshende, kai kote tardo hi: “Tchatchepah, me hom gar o Kristo.”
“Koon hal tu?” kaman jon te djinell. “Hal tu o Elija?” putchan le lestar.
“Na-a,” penas lo, “kowa hom me gar!”
“Hal tu o Debleskro rakepaskro, kolestar penlo was, te well job? putchan le lestar.”
“Na-a,” penas job.
Jon penan ap leste: “Pen menge, koon tu hal, te penas mer kowa kolenge, kai bitchran men. Hoi peneh tu tchatchepah, koon tu hal?”
Job penas: “Me hom kowa, kai dell gole an o mulo them: Lenn halauter krik, hoi o Debleske an o drom tchiddo hi. Jaake penas kowa o Debleskro rakepaskro, o Jesaja, glan i rah tsiro.”
Kolla, kai wan pash o Johanneste, his i Farisarendar bitchedo. Jon putchan lestar: “Te hal tu gar o Kristo, witar gar o Elija, un witar gar ko Debleskro rakepaskro, kolestar penlo was, te well job, hoske taufreh tu i menshen?”
Penas o Johanni lenge: “Me taufrau len an o pani. Mashkral tumende hi jek, koles prindjrenn tumer gar. Kowa well pal mande. Me hom gar mishto doha, te krap leskre kircha pre.”
Har o Johanni kowa rakras, his job an o foro Betani ap i wawar rig o panjestar Jordan, kote, kai taufras lo i menshen.
Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste. Kawa hi ko mursh, kai penom lestar: Pal mande wella i mursh, ko his pral mande. Job his koi, har me gar koi homs. Me djinom gar, koon kowa hi. Me wom, te taufrap i menshen an Israel an o pani, te sikrap nai len, koon job hi.”
Un o Johanni penas: “Tchatchepah, me dikom o Debleskro Ducho har i parno tchirklo, kai was dran o bolepen pral tele, un atchas ap leste. Un me prindjrom les gar. Kowa, kai bitchras man, te taufrap i menshen an o pani, kowa penas ap mande: Tu dikeh, har well o Debleskro Ducho ap i mursheste un atchell ap leste. Kowa hi ko mursh, kai dell i menshen o Debleskro Ducho.
Me dikom kowa halauter. Doleske nai penau me ninna: Kau mursh hi o Debleskro tchawo.”

O wawar diwes his o Johanni pale koi tardo. Dui leskre malendar his pash leste.
Un har job dikas, kai o Jesus koi djal, penas lo: “Dikenn, kawa hi o Debleskro bakro!” Har kol dui kowa shunan, djan le o Jesuseske palla. Un o Jesus rissras pes trujel, un dikas len. Un job putchas lendar: “Hoi rodenn tumer?”
Penan jon: “Sikepaskro, kai chah un soweh tu?”
“Awenn un dikenn!” penas job.
Koi djan kol dui leha, un dikan, kai job chala un sowella. His deshenge. Un jon atchan ko diwes pash leste.
Jek kol dujendar, kai shunan, hoi o Johanni penas, un o Jesuseha djan, his o Andreas. Leskro phraal his o Simon Petro.
Kowa hatsas peskro phrales Simon, un penas ap leste: “Mer hatsam ko baro rajes, kolestar o Dewel penas, te well job.” Kowa kharella ap grichtikes Kristo . Un o Andreas anas peskro phrales pash o Jesuseste. Har o Jesus koles dikas, penas lo: “Tu hal o Simon, ko Johanneskro tchawo. Tu khareh kanna Kefas .” Ko kharella baro bar .
O wawar diwes kamas o Jesus an o them Galilea te djal. Ap o drom tapras lo o Filipo, un penas ap leste: “Dja mantsa!”
O Filipo his dran o foro Betsaida. Ninna o Andreas un o Petro his dran ko foro.
O Filipo hatsas o Natanael un penas ap leste: “Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.”
Un o Natanael penas ap leste: “Dran Nazaret nai well tchi, hoi mishto hi.”
“Am un dik!” penas o Filipo.
Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”
“Har nai djineh tu, koon me hom?” putchas o Natanael lestar.
Penas o Jesus: “Har tu tel o faigetikro ruk hals, dikom me tut, glan ko tsiro, kai o Filipo das tut gole.”
“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”
Penas o Jesus ap leste: “Me penom tuke: Me dikom tut tel ko ruk. Doleske patseh tu. Tu dikeh bareder koowa, har kawa.
Kowa hi tchatcho, hoi me tumenge penau: Tumer dikenn har o bolepen pre djala. Un o Debleskre bolepangre djan pral un wenn pale tele ap o Menshengro Tchaweste.”

Lyssna på Johanni 1