Karimojong - 1996 BSU (NT) Drama

<div class="version vid2803 iso6393kdj" data-vid="2803" data-iso6393="kdj">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Yesu ka Sakayo</div><div class="p"> 1Toloma Yesu Yeriko erae ekalunyan. 2Ayai nen ekile &#331;olo anyaritae Sakayo &#331;olo apolokinit &#331;ikatubok ocur, torae da&#331; ekabaran. 3Acamit i&#331;es aanyun atemar ikoni itu&#331;anan ebe Yesu ai, nai ikwa&#331;ina auruwuania i&#331;es, to&#331;op epite &#331;olo i&#331;olikinia i&#331;es Yesu, anerae alalak &#331;itu&#331;a. 4Tosodi nai i&#331;es toem ki&#331;aren &#331;itu&#331;a, todoka kidiama ekitoe, ikotere eanyuwari Yesu &#331;olo etorunit lorot &#331;ol. 5Ani edoli Yesu lokitoe &#331;ol, kireo kidiama tolimok Sakayo tema, &#8220;Sakayo, todoku atipei, acamit ayo&#331; aruwor epeyonon nakolo&#331;it na alokai kon.&#8221;</div><div class="p"> 6Todoku Sakayo atipei, kijau i&#331;es Yesu ka alelyan. 7Togeut &#331;itu&#331;a daada&#331; &#331;ulu eteete i&#331;es aki&#331;uru&#331;ura ebasi, &#8220;Alot itu&#331;anan en aruwor epeyonon &#331;olo ke ekasecan!&#8221;</div><div class="p"> 8Tonyou nai Sakayo tolimok Yesu tema, &#8220;Topupok Ekapolon! Alosi ayo&#331; ainakin atyaket &#331;ina ke ekaabari lokulyak, nabo ani keyai itu&#331;anan &#331;ini sek amodiyarit ikeebore, atacakini &#331;atacakinet &#331;aomwon.&#8221;</div><div class="p"> 9Tolimok Yesu i&#331;es tema, &#8220;Abu aiuno kai na nakolo&#331;it na; anerae erae ekile lo da&#331; ekanateker ka Aburaam. 10Anerae abuni Lokoku a Itu&#331;anan akiwarit ka aiun &#331;ulu eoliyorito.&#8221;</div><div class="s">Akitadapet &#331;ina a &#331;isili&#331;a a &#331;ulu etiyaunitae ke egolid</div><div class="r">(Mat. 25:14-30)</div><div class="p"> 11Ani eri&#331;a &#331;itu&#331;a epupete &#331;una erworo Yesu, tolimok i&#331;es &#331;itu&#331;a akitadapet, anerae aapiyarito ikes Yerusalem, nabo totamakinito &#331;itu&#331;a atemar kori eapi atipei Apukan ka Akuj atakanun. 12Kirworik Yesu tema, &#8220;Ayai ekabaran &#331;olo anyouni tolot nakwap &#331;ina alwanan ecamit akituruworo erwosit, ani ekaku, tobo&#331;u lore ke&#331;. 13Tosodi i&#331;es tonyarau &#331;iketiyak ke&#331; &#331;itomon eri&#331;a i&#331;es nyerotokino, tokorak ikes &#331;isili&#331;a &#331;itomon &#331;ulu etiyaunitae ke egolid itiriyanit tolimok tema, &#8216;Kicurutaata ikes tari &#331;ina abo&#331;unio ayo&#331;.&#8217; 14Nai aremokino &#331;itu&#331;a &#331;ulu ka akwap ke&#331; i&#331;es, kiyakiyasi &#331;itu&#331;a neni alosi i&#331;es temasi, &#8216;Nyikicamit isua itu&#331;anan &#331;in eruwor erwosit kosi.&#8217;</div><div class="p"> 15&#8220;Tobo&#331;u i&#331;es lore kedaun akituruwor erwosit. Tonyarau i&#331;es &#331;ikeeketiyak &#331;ulu ainakinit i&#331;es &#331;isili&#331;a ecamit aanyun etyae &#331;olo kepotu ikes kipoidaut. 16Bu &#331;olo ke eki&#331;aren tolimok i&#331;es tema, &#8216;Ekapolon, aryamu ayo&#331; alosili&#331; kon &#331;ice &#331;itomon.&#8217; 17Tolimok ekapolon i&#331;es tema, &#8216;Ejok nooi, irae iyo&#331; eketiyan &#331;olo ikikinyomitae! Ikwa&#331;ina ikikinyomitere iyo&#331; anibore a &#331;ini cici, ipolokini iyo&#331; &#331;itaunio &#331;itomon.&#8217; 18Tosodi bu &#331;olo a &#331;iarei tema, &#8216;Ekapolon, aryamu ayo&#331; alosili&#331;a kon &#331;ice &#331;ikan.&#8217; 19Tolimok ekapolon &#331;olo da&#331; tema, &#8216;Ipolokini iyo&#331; &#331;itaunio &#331;ikan.&#8217;</div><div class="p"> 20&#8220;Bu eketiyan &#331;oloce tema, &#8216;Ekapolon, ekonisili&#331; lo; ewuait ayo&#331; alidakinit narac. 21Akakerit ayo&#331; iyo&#331;, anerae irae iyo&#331; ekile &#331;olo atyonon. Ilemanari iyo&#331; &#331;ini nyerae ikon, nabo ilemi iyo&#331; &#331;ini pa itakinit.&#8217; 22Tolimok ekapolon eketiyan &#331;ol tema, &#8216;Irae iyo&#331; eketiyan &#331;olo aronon! Akatubokini ayo&#331; iyo&#331; a &#331;akiro a &#331;una ilimu iyo&#331; elope! Iyeni iyo&#331; atemar arae ayo&#331; ekile &#331;olo atyonon &#331;olo alemanari ibore &#331;ini nyerae ika&#331;, nabo alemi &#331;ini nyitakina ayo&#331;. 23Nyo bo ani kikote neni, pa iwuakinia iyo&#331; esili&#331; ka&#331; nabe&#331;ki, ikotere ani abo&#331;uni ayo&#331;, orukau kiyatakin?&#8217;</div><div class="p"> 24&#8220;Tolimok ekapolon &#331;itu&#331;a &#331;ulu awuasi a nen tema, &#8216;Tolemasi esili&#331; aneni ke&#331;, inakis &#331;olo a &#331;isili&#331;a a &#331;ulutomon.&#8217; 25Tolimokis ikes ekapolon temasi, &#8216;Ekapolon, eyakasi sek i&#331;es &#331;itomon!&#8217; 26Tobo&#331;ok ekapolon ikes tema, &#8216;Akalimokini ayo&#331; iyes atemar, &#331;initu&#331;anan eyakar ibore, iyatakinio. Nai itu&#331;anan &#331;ini emamukar ibore, edemaryo tari &#331;inidio cici da&#331; &#331;ini eyakar i&#331;es! 27Nai ani ikwa &#331;imoi ka&#331; lu, &#331;ulu nyakacamito ayo&#331; akipuka ikes, torikutu ikes ne to&#331;olae ete ayo&#331;!&#8217;&#8221;</div><div class="s">Toloma Yesu Yerusalem</div><div class="r">(Mat. 21:1-11; Mar. 11:1-11; Yoa. 12:12-19)</div><div class="p"> 28Ani kedau Yesu erwor &#331;akiro &#331;un, torubak elosi Yerusalem ki&#331;arenik ikes. 29Ani eapikini i&#331;es &#331;itaunio &#331;ulu a Betepage ka Betania, &#331;ulu aya diye emoru a &#331;ikito a &#331;ulu enyaritae Olipa, kiyakiya i&#331;es &#331;ikasyomak ke&#331; &#331;iarei ki&#331;aren, 30tolimok ikes tema, &#8220;Apesi lore &#331;olo eyai ki&#331;aren kus; ani ilomarete, iryamunete eenitae isigirya &#331;ini emam itu&#331;anan adok, tolacut torikut nege. 31Ani kiki&#331;it idiotu&#331;anan iyes atemar, &#8216;Kaanukiro ilacata iyes isigirya?&#8217; Tolimokis i&#331;es atemar, &#8216;Ekapolon iitanit i&#331;es.&#8217; &#8221;</div><div class="p"> 32Toloto ikes toryamut ibore daada&#331; ikoni neni alimokinitor Yesu ikes. 33Ani eri&#331;a ikes elacete isigirya, ki&#331;ita &#331;ilopeyek ikes temasi, &#8220;Kaanukiro ilacata iyes isigirya?&#8221;</div><div class="p"> 34Tobo&#331;okis ikes temasi, &#8220;Ekapolon iitanit i&#331;es.&#8221; 35Torikut nai ikes isigirya neni a Yesu, kidokokis &#331;ikecelowi kidiama, ido ki&#331;arakis Yesu adokar nisigirya. 36Ani erotokini i&#331;es a isigirya, topetakis &#331;itu&#331;a &#331;ilowi kec lorot.</div><div class="p"> 37Ani eapuuni Yesu Yerusalem neni etiyaaror erot &#331;olo eteni moru a &#331;ikito a &#331;ulu enyaritae Olipa, tolomak asepic a &#331;ikasyomak alelyan ka akipuro Akuj iworoete nooi, ikotere &#331;akiro &#331;una kepotu ikes toanyut. Temasi ikes, 38&#8220;Erere&#331; erwosit &#331;olo ebunit alokiro ke Ekapolon! Toyai ekisil nakuj ka akipuro neni ka Akuj alokidiama nooi!&#8221; 39Tolimokis &#330;iparisayon &#331;ice &#331;ulu aya nasepic a &#331;itu&#331;a Yesu temasi, &#8220;Eketataman, kiyayak &#331;ikonikiyakia kilili&#331;a!&#8221;</div><div class="p"> 40Tobo&#331;ok Yesu ikes tema, &#8220;Akalimokini ayo&#331; iyes atemar, ani kilili&#331;a ikes, ecelunete &#331;amoru nu.&#8221;</div><div class="s">Kigwor Yesu a&#331;una a &#331;itu&#331;a a &#331;ulu a Yerusalem</div><div class="p"> 41Toapiya Yesu Yerusalem; ani i&#331;olikini, kikalou a&#331;una a &#331;itu&#331;a a &#331;ulu ke etaun a &#331;ol, 42tema, &#8220;Okoe, kerae ca toyenete iyes nakuwar na ibore &#331;ini erae ikisilet! Nai tokona iwuaitae anakonyen kus! 43Epote &#331;irwa &#331;ulu ikirikauniata iyes &#331;imoi kus itoroosi alowaetin a daada&#331;. 44Ikinyasunete ikes iyes ka &#331;idwe kus &#331;ulu eya tooma &#331;akorya kus; emam amoru tari apei da&#331; &#331;ina imyekinio ewuoi, anerae pa iyenete iyes apaki &#331;ina ebunio Akuj aiun iyes!&#8221;</div><div class="s">Toloma Yesu Kai ka Akuj</div><div class="r">(Mat. 21:12-17; Mar. 11:15-19; Yoa. 2:13-22)</div><div class="p"> 45Toloma Yesu Kai ka Akuj, kirita &#331;imucurus. 46Tolimok ikes tema, &#8220;Elimunitoe a Nakigireta ebe, &#8216;Enyarao Akai ka&#331; Akai &#331;inakilipet.&#8217; Nai tokona ituruwosi iyes i&#331;es akai &#331;ina e&#331;opitotor &#331;ikokolak!&#8221;</div><div class="p"> 47Etatami Yesu &#331;irwa daada&#331; alo Kai ka Akuj. Acamito &#331;isacaradotin &#331;ulu apolok ka &#331;iketatamak a &#330;ikisila ta &#331;ikatukok akiar Yesu; 48nai to&#331;opik ikes epite &#331;oloaret i&#331;es, anerae apupete &#331;itu&#331;a daada&#331; &#331;akiro a Yesu, emam &#331;ini acamit tari apeikirot ebucar.</div>
 </div>
 </div>
</div>

Ngakarimojong Interconfessional Bible © Bible Society of Uganda, 2008.

Toloma Yesu Yeriko erae ekalunyan. Ayai nen ekile ŋolo anyaritae Sakayo ŋolo apolokinit ŋikatubok ocur, torae daŋ ekabaran. Acamit iŋes aanyun atemar ikoni ituŋanan ebe Yesu ai, nai ikwaŋina auruwuania iŋes, toŋop epite ŋolo iŋolikinia iŋes Yesu, anerae alalak ŋituŋa. Tosodi nai iŋes toem kiŋaren ŋituŋa, todoka kidiama ekitoe, ikotere eanyuwari Yesu ŋolo etorunit lorot ŋol. Ani edoli Yesu lokitoe ŋol, kireo kidiama tolimok Sakayo tema, “Sakayo, todoku atipei, acamit ayoŋ aruwor epeyonon nakoloŋit na alokai kon.”
Todoku Sakayo atipei, kijau iŋes Yesu ka alelyan. Togeut ŋituŋa daadaŋ ŋulu eteete iŋes akiŋuruŋura ebasi, “Alot ituŋanan en aruwor epeyonon ŋolo ke ekasecan!”
Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”
Tolimok Yesu iŋes tema, “Abu aiuno kai na nakoloŋit na; anerae erae ekile lo daŋ ekanateker ka Aburaam. Anerae abuni Lokoku a Ituŋanan akiwarit ka aiun ŋulu eoliyorito.”


Ani eriŋa ŋituŋa epupete ŋuna erworo Yesu, tolimok iŋes ŋituŋa akitadapet, anerae aapiyarito ikes Yerusalem, nabo totamakinito ŋituŋa atemar kori eapi atipei Apukan ka Akuj atakanun. Kirworik Yesu tema, “Ayai ekabaran ŋolo anyouni tolot nakwap ŋina alwanan ecamit akituruworo erwosit, ani ekaku, toboŋu lore keŋ. Tosodi iŋes tonyarau ŋiketiyak keŋ ŋitomon eriŋa iŋes nyerotokino, tokorak ikes ŋisiliŋa ŋitomon ŋulu etiyaunitae ke egolid itiriyanit tolimok tema, ‘Kicurutaata ikes tari ŋina aboŋunio ayoŋ.’ Nai aremokino ŋituŋa ŋulu ka akwap keŋ iŋes, kiyakiyasi ŋituŋa neni alosi iŋes temasi, ‘Nyikicamit isua ituŋanan ŋin eruwor erwosit kosi.’
“Toboŋu iŋes lore kedaun akituruwor erwosit. Tonyarau iŋes ŋikeeketiyak ŋulu ainakinit iŋes ŋisiliŋa ecamit aanyun etyae ŋolo kepotu ikes kipoidaut. Bu ŋolo ke ekiŋaren tolimok iŋes tema, ‘Ekapolon, aryamu ayoŋ alosiliŋ kon ŋice ŋitomon.’ Tolimok ekapolon iŋes tema, ‘Ejok nooi, irae iyoŋ eketiyan ŋolo ikikinyomitae! Ikwaŋina ikikinyomitere iyoŋ anibore a ŋini cici, ipolokini iyoŋ ŋitaunio ŋitomon.’ Tosodi bu ŋolo a ŋiarei tema, ‘Ekapolon, aryamu ayoŋ alosiliŋa kon ŋice ŋikan.’ Tolimok ekapolon ŋolo daŋ tema, ‘Ipolokini iyoŋ ŋitaunio ŋikan.’
“Bu eketiyan ŋoloce tema, ‘Ekapolon, ekonisiliŋ lo; ewuait ayoŋ alidakinit narac. Akakerit ayoŋ iyoŋ, anerae irae iyoŋ ekile ŋolo atyonon. Ilemanari iyoŋ ŋini nyerae ikon, nabo ilemi iyoŋ ŋini pa itakinit.’ Tolimok ekapolon eketiyan ŋol tema, ‘Irae iyoŋ eketiyan ŋolo aronon! Akatubokini ayoŋ iyoŋ a ŋakiro a ŋuna ilimu iyoŋ elope! Iyeni iyoŋ atemar arae ayoŋ ekile ŋolo atyonon ŋolo alemanari ibore ŋini nyerae ikaŋ, nabo alemi ŋini nyitakina ayoŋ. Nyo bo ani kikote neni, pa iwuakinia iyoŋ esiliŋ kaŋ nabeŋki, ikotere ani aboŋuni ayoŋ, orukau kiyatakin?’
“Tolimok ekapolon ŋituŋa ŋulu awuasi a nen tema, ‘Tolemasi esiliŋ aneni keŋ, inakis ŋolo a ŋisiliŋa a ŋulutomon.’ Tolimokis ikes ekapolon temasi, ‘Ekapolon, eyakasi sek iŋes ŋitomon!’ Toboŋok ekapolon ikes tema, ‘Akalimokini ayoŋ iyes atemar, ŋinituŋanan eyakar ibore, iyatakinio. Nai ituŋanan ŋini emamukar ibore, edemaryo tari ŋinidio cici daŋ ŋini eyakar iŋes! Nai ani ikwa ŋimoi kaŋ lu, ŋulu nyakacamito ayoŋ akipuka ikes, torikutu ikes ne toŋolae ete ayoŋ!’”


Ani kedau Yesu erwor ŋakiro ŋun, torubak elosi Yerusalem kiŋarenik ikes. Ani eapikini iŋes ŋitaunio ŋulu a Betepage ka Betania, ŋulu aya diye emoru a ŋikito a ŋulu enyaritae Olipa, kiyakiya iŋes ŋikasyomak keŋ ŋiarei kiŋaren, tolimok ikes tema, “Apesi lore ŋolo eyai kiŋaren kus; ani ilomarete, iryamunete eenitae isigirya ŋini emam ituŋanan adok, tolacut torikut nege. Ani kikiŋit idiotuŋanan iyes atemar, ‘Kaanukiro ilacata iyes isigirya?’ Tolimokis iŋes atemar, ‘Ekapolon iitanit iŋes.’ ”
Toloto ikes toryamut ibore daadaŋ ikoni neni alimokinitor Yesu ikes. Ani eriŋa ikes elacete isigirya, kiŋita ŋilopeyek ikes temasi, “Kaanukiro ilacata iyes isigirya?”
Toboŋokis ikes temasi, “Ekapolon iitanit iŋes.” Torikut nai ikes isigirya neni a Yesu, kidokokis ŋikecelowi kidiama, ido kiŋarakis Yesu adokar nisigirya. Ani erotokini iŋes a isigirya, topetakis ŋituŋa ŋilowi kec lorot.
Ani eapuuni Yesu Yerusalem neni etiyaaror erot ŋolo eteni moru a ŋikito a ŋulu enyaritae Olipa, tolomak asepic a ŋikasyomak alelyan ka akipuro Akuj iworoete nooi, ikotere ŋakiro ŋuna kepotu ikes toanyut. Temasi ikes, “Erereŋ erwosit ŋolo ebunit alokiro ke Ekapolon! Toyai ekisil nakuj ka akipuro neni ka Akuj alokidiama nooi!” Tolimokis Ŋiparisayon ŋice ŋulu aya nasepic a ŋituŋa Yesu temasi, “Eketataman, kiyayak ŋikonikiyakia kililiŋa!”
Toboŋok Yesu ikes tema, “Akalimokini ayoŋ iyes atemar, ani kililiŋa ikes, ecelunete ŋamoru nu.”

Toapiya Yesu Yerusalem; ani iŋolikini, kikalou aŋuna a ŋituŋa a ŋulu ke etaun a ŋol, tema, “Okoe, kerae ca toyenete iyes nakuwar na ibore ŋini erae ikisilet! Nai tokona iwuaitae anakonyen kus! Epote ŋirwa ŋulu ikirikauniata iyes ŋimoi kus itoroosi alowaetin a daadaŋ. Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”


Toloma Yesu Kai ka Akuj, kirita ŋimucurus. Tolimok ikes tema, “Elimunitoe a Nakigireta ebe, ‘Enyarao Akai kaŋ Akai ŋinakilipet.’ Nai tokona ituruwosi iyes iŋes akai ŋina eŋopitotor ŋikokolak!”
Etatami Yesu ŋirwa daadaŋ alo Kai ka Akuj. Acamito ŋisacaradotin ŋulu apolok ka ŋiketatamak a Ŋikisila ta ŋikatukok akiar Yesu; nai toŋopik ikes epite ŋoloaret iŋes, anerae apupete ŋituŋa daadaŋ ŋakiro a Yesu, emam ŋini acamit tari apeikirot ebucar.

Lyssna på Luk. 19