Pwo Kayin Bible © Bible Society of Myanmar, 1883.

စအၫဒၫ့ၥ့ၪယၫအမၫ နးအံၫတၭ, အဝ့ၫဒၧၩ့ထၪ့ဝ့ၫ နီၪ, အီၪဖျဲၪန့အဖိၪ စကံၫ့တၭ, စံၭဝ့ၫဒၪ, ယန့ဘၪယူၭ ၦၡၩအခွၫလဂၩ လၧယဟိဝၩယူၭ.- တၭအီၪဖျဲၪန့ဒီၭ အဖုစအၫဘလၭလီၫ. စအၫဘလၭနီၪ မွဲၦယူၬၥိၪအ ဒီၪ့လဖၪလီၫ, အ့ၪမွဲစကံၫ့လဂၩနီၪ မွဲၦမၩအၪ့ ကၩ လၧဂၪ့ခိၪလီၫ.
တၭဆၧမၩအၥၭလၧ အဆၧၫ့အထီဖီၩ့ခွံၬနီၪ,စကံၫ့ ဂဲၫဆိၬဂၪ့ခိၪအဆၧၥၪတၭ, မၩဘိၪ့ယဟိဝၩလီၫ. တၭစအၫဘလၭ ဂဲၫဆိၬဆ့ၥိၪအဖိၪဝဲၡါလဖၪ ဒဲအၥိၪ လီၫ.- တၭဘၪယဟိဝၩအၥၭ လၧစအၫဘလၭ ဒဲအ ဆၧမၩဘိၪ့လီၫ. အ့ၪမွဲစကံၫ့ ဒဲအဆၧမၩဘိၪ့နီၪလ ဘၪဘၪအၥၭတၭ, စကံၫ့အၥၭထၪ့ဒိၪမၬတၭ အမ့ၬ လၩ့ၡါဝ့ၫဒၪလီၫ.- တၭယဟိဝၩစံၭစကံၫ့နီၪ, မွဲဘၪနီၫ နၥၭထၪ့လဲၪ, မွဲဘၪနီၫနမ့ၬလၩ့ၡါလဲၪ.- နအ့ၪမၩဆၧ ဂ့ၩတၭ, ဆၧအီၪက့ၪထၪ့ထီၫနၧၩနီၪ, မွဲအ့ၬဧၪ, နအ့ၪ မၩဆၧ လဂ့ၩဘၪနီၪ, ဆၧဒဲၩဘၭခိၭဆၧ လၧတရၫ့ ထံၭတၭ, အဆၧဆိၫ့န့ဘၪနီၪ, မွဲလၧနၧၩတၭ, နဝ့ၫဒၪ မၩနၧၩ့မၩစၪဆၧနီၪဆံၭ.
စကံၫ့လီၩဘၪဝ့ၫလၧအဖု စအၫဘလၭတၭ,ဆၧမၩ အၥၭလၧအဝ့ၫၥံၪ အီၪလၧဆၧပျၩ့ဖၧၩ့ အဘိၩ့ဘၭနီၪ, စကံၫ့ဂဲထုၪ့ထၫ့ဒုၪဒၩ အဖုစအၫဘလၭတၭ, မၩၥံၫဝ့ၫ လီၫ.- တၭယဟိဝၩစံၭစကံၫ့, နဖုလဂၩနီၪ, မွဲအအီၪခီၫ ခီၫလဲၪ, တၭအဝ့ၫဒၪစံၭဆၧၫ့ဝ့ၫ, ယၥ့ၪယၫအ့ၬ, ယ ဝ့ၫဒၪယီၩ ယမွဲၦခိၭယိယဖုဆ့ဧၪ.- တၭအဝ့ၫဒၪစံၭ ဆၧၫ့ဝ့ၫ, မွဲနမၩယူၭဆၧနီၪ လမံၩ့လဲၪ, နဖုအၥွံၪအၥီၫ နီၪကိၭထၪ့ယၧၩ လၧဂၪ့ခိၪလၬလီၫ.- တၭဘိၩ့နဲၪ့ယီၩ နဘၪဆိၪအၧၩ့ လၧဂၪ့ခိၪလၧအအၩ့ထၪ့ အနိၭဘဲၫၥိၭ အမိဒိၭန့နဖုအၥွံၪ လၧနစူၪဖၧၩ့လီၫ.- ထီးနမၩကၩ လၧဂၪ့ခိၪနီၪ, ဆၧလမိဖ့ၪလၫ့ဘၪနၧၩ လၧအဂဲးအဘၭ တၭ, နမိကဲၪထၪ့ၦလ့ၩလိၭဝၭၡၫ, ဒဲၦစဲၪ့ဝံၩ့ဝၩ့ လၧ ဂၪ့ခိၪချိၫ့လီၫ.- တၭစကံၫ့စံၭယဟိဝၩ, ယဆၧဒဲၩဘၭ ဒိၪထီးယထိးနၧၩ့အ့ၬ.- ယိခွါ, မုဆၫလနံၩယီၩနနၫ့ ထၪ့ခွံၬယၧၩ လၧဂၪ့ခိၪချိၫ့တၭ, ဒဲယဘၪအီၪကဒုၩ ခွံၬယၥၭလၧနမ့ၬ, ဒဲယမိကဲၪထၪ့ၦစဲၪ့ဖျိၭ, ဒဲၦစဲၪ့ဝံၩ့ ဝၩ့လၧဂၪ့ခိၪချိၫ့လီၫ. တၭဆၧမိမၩအၥၭ ထီးဒၪၦလၧ အဒၪန့ယၧၩ လဂၩလါလါနီၪ မိမၩၥံၫယၧၩလီၫ.-တၭ ယဟိဝၩ စံၭအဝ့ၫဒၪ, မၩအၥၭဘဲၫနီၪတၭ, ကယဲၦ လၧအမၩၥံၫစကံၫ့ လဂၩဂၩနီၪ မိဘၪထိးဆၧဒဲၩဘၭ နွ့ၫစၩလီၫ. တၭယဟိဝၩ အီၪက့ၪဆၧမၩနဲၪ့ လၧစကံၫ့ အဂး, ဘဲၫၥိၭၦလၧအဒၪန့အဝ့ၫနီၪ, မွဲအထီးမၩၥံၫဝ့ၫ နးဂၩလဂ့ၩလီၫ.

စကံၫ့စဲၪ့ထၪ့ခွံၬ လၧယဟိဝၩ အမ့ၬယၫတၭ,လ့ၩ အီၪဝ့ၫလၧခးနီၭအဖၧၩ့ အီၪလၧအံဒံၫ့မုထၪ့လခီၫ လီၫ.- တၭစကံၫ့ၥ့ၪယၫအမၫတၭ, အဝ့ၫဒၪဒၧၩ့ထၪ့ တၭအီၪဖျဲၪန့ စအံနၧၭလီၫ. မွဲအမၩကဲၪထၪ့ ဒိၩ့လ ဖျိၪ့တၭ ဖျိၬဝ့ၫအမံၩ့ ဘဲၫအဖိၪခွၫစအံနၧၭ အမံၩ့အၥိၭ နီၪလီၫ.- စအံနၧၭထၪ့ဖိၪ စအဲရၭတၭ, စအဲရၭနီၪထၪ့ ဖိၪ စမဟုယလၭတၭ, စမဟုယလၭနီၪ ထၪ့ဖိၪစမၥု စလၭတၭ, စမၥုစလၭနီၪ ထၪ့ဖိၪစလၫမ့ၭလီၫ.
တၭစလၫမ့ၭနီၪ န့အမၫနံၫဂၩလီၫ. အလဂၩနီၪအ မံၩ့မွဲနးအၫဒၫတၭ, အဝ့ၫလဂၩအမံၩ့မွဲ နးဇံလၫလီၫ. နးအၫဒၫနီၪအီၪဖျဲၪန့ စယၫဘလၭလီၫ, အဝ့ၫနီၪ မွဲၦ လၧအအီၪဝ့ၫ လၧတဲၩဖၧၩ့ ဒဲယိအဆၧဖိၪဆၧဎါအဒိၩ့ လဖၪအဖါလီၫ.-အထၧၫ့ဖုဝဲလဂၩ အမံၩ့မွဲစယုဘလၭ လီၫ. အဝ့ၫလဂၩနီၪ မွဲၦလၧအဒံၩ့နါဒံၩ့, ဒဲအူၪပံၩလ ဖၪအဖါလီၫ.- တၭနးဇံလၫအီၪဖျဲၪန့ စတုၫဘလၭကံၫ့ ၦလၧအၥီၪ့လိၪ ကယဲၦ လၧအမၩထမၬထၭ ဒဲထမၬ ထီးကိၭဂၩဒ့ၭလီၫ. တၭစတုၫဘလၭကံၫ့ အထၧၫ့ဖုဝဲ မုၪမွဲနးန့အမၫလီၫ.
စလၫမ့ၭစံၭအမၫၥံၪ, နးအၫဒၫ, ဒဲနးဇံလၫလဖၪနီၪ, နါဂၧၫ့ယလူစလၫမ့ၭအမၫၥံၪဧ့, ခိၭနၪယဆၧချဲၩ့ယီၩ ဆံၭ, အဂဲးဘဲၫယီၩ ယမၩၥံၫၦလဂၩ လၧယဘၪထူၬ အဂး, ဒဲဖိၪၥၪခွၫလဂၩ လၧယဘၪထး အလး အဂး လီၫ.- တၭၦလၧအမၩၥံၫ စကံၫ့နီၪ အ့ၪဘၪထိးဆၧဒဲၩ ဘၭနွ့ၫစၩတၭ, မွဲမၬၦလၧအမၩၥံၫ စလၫမ့ၭနီၪမိဘၪ ဆၧဒဲၩဘၭ နွ့ၫဆံၫနွ့ၫစၩလီၫ.

စအၫဒၫ့ၥ့ၪယၫဒီၭ အမၫတၭ, အဝ့ၫဒၪအီၪဖျဲၪန့အ ဖိၪခွၫတၭ, ကိၭဝ့ၫအမံၩ့စစ့ၥၭလီၫ. အဂဲးဘဲၫယီၩယွၩ အီၪက့ၪယၧၩ လၧဆၧအချံၫအၥၪအဂူၫဂၩ လၧစအၫ ဘလၭအလး, အဂဲးဘဲၫယီၩ စကံၫ့မၩၥံၫအဝ့ၫလဂၩ လီၫ.
စစ့ၥၭထၪ့ဖိၪအဖိၪခွၫဆ့တၭ, ကိၭဝ့ၫအမံၩ့လၧ စအံနိၭလီၫ. ထီးနီၪလဖၧၫ့ ၦကိၭထၪ့ၥၫ့ယဟိဝၩအ မံၩ့လီၫ.

Lyssna på ၥ မိ 4