The New Testament in Soli

<div class="version vid2447 iso6393sby" data-vid="2447" data-iso6393="sby">
 <div class="book bkMAT">
 <div class="chapter ch13" data-usfm="MAT.13">
 <div class="label">13</div><div class="s">Mukoshanyo washikumwaya mbuto</div><div class="r">(Maliko 4:1-9; Luka 8:4-8)</div><div class="p"> 1Yesu pa busuba bopelobo walapula mung'anda, ne kuya kwikala panshi mu mbali mwa lwenje. 2Kopeleko kwalabungana bantu bangi, Yesu walengila ne kuya kwikala mubwato, bantu bonse balemana kumutunta.</div><div class="p"> 3Yesu walamba ne bantu aba bintu bingi mumikoshano, walambeti, &#8220;Muntu naumbi walaya kumwaya mbuto. 4Mpwalikumwaya mbuto, nashimbi mbuto shalawila munshila, shalalyewa ne bikeni. 5Imbuto nashimbi shalawila pabulongo bwa mabwe, apo palikubula bulongo bwingi, shalamena bwangu pakwinga bulongo nkabwalikuba bwingi. 6Nomba lisuba mpolyalatako, shalapya ne lumwi, neco shalanyana, pakwinga miyanda nkayalikuba yayapanshi sobwe. 7Imbuto nashimbi shalawila pa myunga. Pakukula matewu, myunga yalashinkilila kukula kwa mbuto shisa. 8Nomba mbuto nashimbi shalawila pa bulongo bwabolela cena, shalasema mifuko ingi namumbi mwalikuba nseke mwanda, namumbi nseke makumi asanu ne limo, namumbi nseke makumi atatu, kupita shalabyalwa&#8221; 9Yesu walambeti, &#8220;Uyo ukute matwi, anyumfwe!&#8221;</div><div class="s">Ncelambanga mikoshanyo</div><div class="r">(Maliko 4:10-12; Luka 8:9-10)</div><div class="p"> 10Panyuma pakendi beshikwiya ba Yesu balamwipusheti, &#8220;Inga nipacebo cini bantu aba ncomulambanga nabo mumikoshanyo?&#8221; 11Nendi walambeti, &#8220;Amwe Lesa walamuyubulwila byasolekwa bya Bwami bwa kwilu, nsombi kuli nabambi uliya kubayubulwilapo sobwe. 12Ukuteko kantu nibakamupeko nabimbi, nakabe ne bintu bingi. Nomba uyo wabula kantu kalikonse, ne kang'anako nkakute nibaka mulamune. 13Ncondambilinga mumikoshanyo ne bantu aba nicebo cakwambeti, nambi balalanganga, nkabalabononga sobwe, nambi balanyumfunga, nkabalanyufunga nambi kunyumfwishisha sobwe. 14Ebantu aba balakwanilisha ncalikwamba mushinshimi Yesaya,&#8221;</div><div class="q">&#8220;Kunyumfwa nimukanyumfwenga, nsombi nteti mukanyumfwishishenga</div><div class="q">kubona nimukabonenga, nsombi nteti mukabonesheshenga sobwe.</div><div class="q"> 15Cakubinga myoyo yabantu yafumpa,</div><div class="q">bashinka bishili mumatwi mwabo,</div><div class="q">bacala menso abo.</div><div class="q">Ne calabula kubeco, ngababona ne menso abo.</div><div class="q">ngabanyumfwa ne matwi abo,</div><div class="q">mano abo ngaishiba</div><div class="q">ne kushinta myoyo,</div><div class="q">kwambeti ame ndibasengule.&#8221;</div><div class="p"> 16&#8220;Nombamwe menso enu alelekwa pakwinga alabononga, nawo matwi enu alanyumfunga. 17Kwamba cakubinga, bashinshimi ne bantu bangi balulama balikuyandishisha kubona bintu ibi mbyomulabononga, nsombi balo baliya kubibonapo sobwe, balikuyandishisha kunyumfwa mbyomulanyumfunga, nsombi baliya kubinyumfwapo sobwe.&#8221;</div><div class="s">Yesu lapandululunga mukoshanyo wa shikumwaya mbuto,</div><div class="r">(Maliko 4:13-20; Luka 8:11-15)</div><div class="p"> 18&#8220;Amwe lino munyumfwishishe bupandulushi bwa mukoshanyo wa muntu usa walikumwaya mbuto. 19Muntu uliyense anyumfwa Maswi, kwakubula kwanyumfwishisha, Waipa ukute kwisakufunyamo Maswi abyalwa mumoyo, Ishi embuto shisa shalabyalwa munshila. 20Imbuto shalabyalwa pabulongo bwa mabwe shilapandululunga muntu ukute kunyumfwa Maswi ne kwatambula mwabwangu bwangu mwakukondwa. 21Lino pacebo cakubula miyanda yashimpa cena, ukute kulikakatishako kwakacindi kang'anowa, cakwinseti aba mumapensho ne kunyumfwa bishikubaba pacebo ca Maswi asa, muntuyo ukute kubwelela panyuma pacindi copeleco. 22Imbuto shisa shalabyalwa pa myunga shilapandululunga muntu ukute kunyumfwa Maswi a Lesa, nomba cebo cakutatilwa ne bintu byapacishi ne kuyandishisha mali, kukute kutyompwesha kukula kwa Maswi asa, neco nkakute kusemapo bisepo sobwe. 23Nomba mbuto shisa shalabyalwa pabulongo bwabolela shilapandululunga muntu uyo ukute kwatambula Maswi a Lesa ne kwanyumfwishisha, Muntuyu ukute kusema bisepo, mwanda, nacimbi cindi makumi asanu ne limo, nambi makumi atatu a bishango byalabyalwa.&#8221;</div><div class="s">Mukoshanyo wa musonde ne maila</div><div class="p"> 24Yesu walabambila kayi mukoshanyo naumbi, walambeti, &#8220;Bwami bwakwilu bwakoshana ne muntu walabyala mbuto shaina mulibala lyakendi. 25Nomba cindi ncobalikuba bonatulo bantu bonse, mulwani wakendi walesa kubyalamo musonde pakati pa maila, ne kufumapo. 26Lino mumena wa maila mpowalikukula nekuba ne mapumpu, nawo musonde walatatika kuboneka.&#8221; 27Basebenshi bakendi mwine libala usa, balamwipusheti, &#8220;Nkambo, sena nte mwalabyalamo'wa mbuto shaina mulibala lyenu? Inga nawo musonde ulabonekenga mongeconi?&#8221; 28Nendi walabakumbuleti, &#8220;Nimulwani wakame wenseco,&#8221; Nabo basebenshi balamwipusha kayi, &#8220;Sena twenga tutumunemo?&#8221; 29Walambeti, &#8220;Sobwe! Mwenseco ngamutumwina kumo ne maila mwatumunanga musonde uwo. 30Kamubilekani bikulile pamo mpaka cindi cakucesa. Pacindico ninkambile beshikucesa Kamucesani nanshi musonde, musunge mitolo mitolo, muutente. Panyuma pakendi mubunganye maila ne kuya kwabika mu lyanga lyakame.&#8221;</div><div class="s">Mukoshanyo wa nseke shakatondo ka masitadi</div><div class="r">(Maliko 4:30-32; Luka 13:18-19)</div><div class="p"> 31Kayi Yesu walabapa mukoshanyo naumbi walambeti, &#8220;Bwami bwakwilu bulyeti nseke shakatondo ka masitadi ako muntu nkalakabyala mulibala lyakendi. 32Nseke shakatondo aka ni shing'anashing'ana mwelanisha ne nseke nashimbi. Nomba mbuto yakendi yakula, ikute kupita bifukusa nabimbi, ikute kuba citondo cinene, umo bikeni bikute kwisa kwibakamo bisangala mu misampi yakendi.&#8221;</div><div class="s">Mukoshanyo wa cishikufufumusha</div><div class="r">(Luka 13:20-21)</div><div class="p"> 33Yesu walabapa mukoshanyo naumbi kayi, walambeti, &#8220;Bwami bwakwilu bulyeti cishikufufumisha shinkwa, ico mutukashi naumbi ncalasankanya pamo ne bunga bwakwana bikopo bibili, mpaka bunga bonse bwalafufumuka.&#8221;</div><div class="p"> 34Yesu byonsebi walikubambila bantu mumikoshanyo, pacindici uliya kwambapo nabo cintu ciliconse kwabula mukoshanyo. 35Uko kwalikuba kukwanilisha calambwa ne mushinshimi, kwambeti,</div><div class="q">&#8220;Ninkambenga nabo mumikoshanyo,</div><div class="q">Ninkayubulule byalikuba byasolekwa</div><div class="q">kufuma pakulengwa kwacishi capanshi.&#8221;</div><div class="s">Yesu lapandululunga mukoshanyo wa Musonde ne Maila</div><div class="p"> 36Yesu walashiya makoto abantu basa, ne kuya kwingila mung'anda, beshikwiya bakendi balamusengeti, &#8220;Kamutupandulwilako mukoshanyo wa musonde wa mulibala usa.&#8221; 37&#8220;Yesu nendi walambeti, Usa shikumwaya mbuto shaina endiye Mwana Muntu. 38Libala lisa ecishi cino capanshi. Shisa mbuto shaina ebantu bene Bwami bwa Lesa. Musonde ni bantu baipa bakendi Waipa usa. 39Mulwani usa walabyala musonde ni Muyungaushi. Kucesa maila kusa ekupwa kwacishi capanshi, ne beshikucesa ni bangelo. 40Mbuli ncobalabunganya musonde ne kutenta pamulilo, nicikabeco pakupwa kwa cishicapanshi 41Mwana Muntu nakatume bangelo bakendi, kwisa kufunyamo mu Bwami bwakendi bantu bonse bakute kwipisha banabo, pamo ne bonse bamicito yaipa. 42Nibakabawale mubufuni bwa mulilo, kopeloko nibakalilenga ne kukokota meno. 43Nomba bantu balulama nibakabaleti lisuba mu Bwami bwa Bameshabo, Uyo ukute matwi, anyumfwe!</div><div class="s">Mukoshanyo wa mali asolekwa</div><div class="p"> 44&#8220;Bwami bwakwilu ngatubwelanika cisa; Muntu naumbi walafumbula mali asolekwa mulibala. neye kayi walafumbika pambi, panyuma pakendi mwakukondwa, walakaulisha bintu byonse mbyalikukute ne kuya kula libala lisa.</div><div class="s">Mukoshano wa malungu amulo wadula</div><div class="p"> 45&#8220;Kayi Bwami bwakwilu ngatubwelanika cisa; Muntu naumbi shimakwebo, walayakulangaula malungu a mulo wadula. 46Mpwalacana libwe limo lya mulo wadula, walaya kuyakulisha bintu byonse mbyalikukute ne kuyakula libwe lyamulo wadula lisa ndyalikuyandishisha.</div><div class="s">Mukoshanyo wa kombe</div><div class="p"> 47&#8220;Bwami bwakwilu ngatubwelanika cisa; Basulishi balawala kombe mulwenje nekubungulula nswi sha mishobo yonse, 48kesula bakute kukakwelela kumutunta, bakute kwikala panshi nekutatika kusalapo nswi shaina kababika mu mitanga, shaipa nikushitaya. 49Nicikenshikeco pakupwa kwacishici, bangelo nibakafunyepo bantu baipa pakati pa bantu balulama, 50ne kubawala mubufuni bwamulilo, kopeloko nibakalilenga ne kukokota meno.&#8221;</div><div class="s">Buboni bwakaindi ne bwalinolino</div><div class="p"> 51Yesu walabepusha beshikwiya bakendi, &#8220;Sena mulanyumfwishishi cena bintu ibi byonse?&#8221; Balo balambeti, &#8220;Ee&#8221; 52Kayi walabambileti, &#8220;Ecebo cakendi shikwiyisha uliyense wa milawo laba shikwiya wa Bwami bwakwilu, ulyeti mwine ng'anda uyo ukute kupulisha bintu bya linolino ne byakaindi kufuma mulyanga lya buboni bwakendi.&#8221;</div><div class="s">Balamukananga Yesu ku Nasaleti</div><div class="r">(Maliko 6:1-6; Luka 4:16-30)</div><div class="p"> 53Yesu mpwalapwisha kwamba mikoshanyo walafumako. 54Mpwalashika mucibela cakucomwabo, walatatika kwiyisha bantu mu ng'anda yakupaililamo. Abo balikumunyumfwa balikunkamana ne kwipusheti, &#8220;Mano, ne ngofu shakankamanisha shilicisa muntuyu walashifunya kupeyo? 55Sena uyu nte mwana wa shikupala mapulanga usa? Sena nte mwanendi Maliya? Sena bamakwabo nte Jemusi ne Yosefe ne Shimoni ne Yuda? 56Sena nkashi shakendi shonse ntetulinasho pamo pano? Inga bintu ibi walabicana kupeyo?&#8221; 57Neco balamusula, nomba nendi Yesu walabambileti, Mushinshimi nkakute kupewa bulemu ne banse bendi mbaikala nabo mumunshi, nsombi bantu bakumbi. 58Neco, Yesu uliya kwinsako bintu bingi byangofu, pacebo cakubula lushomo kwabo.</div>
 </div>
 </div>
</div>

Soli New Testament © The Word For The World International, 2018.

Yesu pa busuba bopelobo walapula mung'anda, ne kuya kwikala panshi mu mbali mwa lwenje. Kopeleko kwalabungana bantu bangi, Yesu walengila ne kuya kwikala mubwato, bantu bonse balemana kumutunta.
Yesu walamba ne bantu aba bintu bingi mumikoshano, walambeti, “Muntu naumbi walaya kumwaya mbuto. Mpwalikumwaya mbuto, nashimbi mbuto shalawila munshila, shalalyewa ne bikeni. Imbuto nashimbi shalawila pabulongo bwa mabwe, apo palikubula bulongo bwingi, shalamena bwangu pakwinga bulongo nkabwalikuba bwingi. Nomba lisuba mpolyalatako, shalapya ne lumwi, neco shalanyana, pakwinga miyanda nkayalikuba yayapanshi sobwe. Imbuto nashimbi shalawila pa myunga. Pakukula matewu, myunga yalashinkilila kukula kwa mbuto shisa. Nomba mbuto nashimbi shalawila pa bulongo bwabolela cena, shalasema mifuko ingi namumbi mwalikuba nseke mwanda, namumbi nseke makumi asanu ne limo, namumbi nseke makumi atatu, kupita shalabyalwa” Yesu walambeti, “Uyo ukute matwi, anyumfwe!”


Panyuma pakendi beshikwiya ba Yesu balamwipusheti, “Inga nipacebo cini bantu aba ncomulambanga nabo mumikoshanyo?” Nendi walambeti, “Amwe Lesa walamuyubulwila byasolekwa bya Bwami bwa kwilu, nsombi kuli nabambi uliya kubayubulwilapo sobwe. Ukuteko kantu nibakamupeko nabimbi, nakabe ne bintu bingi. Nomba uyo wabula kantu kalikonse, ne kang'anako nkakute nibaka mulamune. Ncondambilinga mumikoshanyo ne bantu aba nicebo cakwambeti, nambi balalanganga, nkabalabononga sobwe, nambi balanyumfunga, nkabalanyufunga nambi kunyumfwishisha sobwe. Ebantu aba balakwanilisha ncalikwamba mushinshimi Yesaya,”
“Kunyumfwa nimukanyumfwenga, nsombi nteti mukanyumfwishishenga
kubona nimukabonenga, nsombi nteti mukabonesheshenga sobwe.
Cakubinga myoyo yabantu yafumpa,
bashinka bishili mumatwi mwabo,
bacala menso abo.
Ne calabula kubeco, ngababona ne menso abo.
ngabanyumfwa ne matwi abo,
mano abo ngaishiba
ne kushinta myoyo,
kwambeti ame ndibasengule.”
“Nombamwe menso enu alelekwa pakwinga alabononga, nawo matwi enu alanyumfunga. Kwamba cakubinga, bashinshimi ne bantu bangi balulama balikuyandishisha kubona bintu ibi mbyomulabononga, nsombi balo baliya kubibonapo sobwe, balikuyandishisha kunyumfwa mbyomulanyumfunga, nsombi baliya kubinyumfwapo sobwe.”


“Amwe lino munyumfwishishe bupandulushi bwa mukoshanyo wa muntu usa walikumwaya mbuto. Muntu uliyense anyumfwa Maswi, kwakubula kwanyumfwishisha, Waipa ukute kwisakufunyamo Maswi abyalwa mumoyo, Ishi embuto shisa shalabyalwa munshila. Imbuto shalabyalwa pabulongo bwa mabwe shilapandululunga muntu ukute kunyumfwa Maswi ne kwatambula mwabwangu bwangu mwakukondwa. Lino pacebo cakubula miyanda yashimpa cena, ukute kulikakatishako kwakacindi kang'anowa, cakwinseti aba mumapensho ne kunyumfwa bishikubaba pacebo ca Maswi asa, muntuyo ukute kubwelela panyuma pacindi copeleco. Imbuto shisa shalabyalwa pa myunga shilapandululunga muntu ukute kunyumfwa Maswi a Lesa, nomba cebo cakutatilwa ne bintu byapacishi ne kuyandishisha mali, kukute kutyompwesha kukula kwa Maswi asa, neco nkakute kusemapo bisepo sobwe. Nomba mbuto shisa shalabyalwa pabulongo bwabolela shilapandululunga muntu uyo ukute kwatambula Maswi a Lesa ne kwanyumfwishisha, Muntuyu ukute kusema bisepo, mwanda, nacimbi cindi makumi asanu ne limo, nambi makumi atatu a bishango byalabyalwa.”

Yesu walabambila kayi mukoshanyo naumbi, walambeti, “Bwami bwakwilu bwakoshana ne muntu walabyala mbuto shaina mulibala lyakendi. Nomba cindi ncobalikuba bonatulo bantu bonse, mulwani wakendi walesa kubyalamo musonde pakati pa maila, ne kufumapo. Lino mumena wa maila mpowalikukula nekuba ne mapumpu, nawo musonde walatatika kuboneka.” Basebenshi bakendi mwine libala usa, balamwipusheti, “Nkambo, sena nte mwalabyalamo'wa mbuto shaina mulibala lyenu? Inga nawo musonde ulabonekenga mongeconi?” Nendi walabakumbuleti, “Nimulwani wakame wenseco,” Nabo basebenshi balamwipusha kayi, “Sena twenga tutumunemo?” Walambeti, “Sobwe! Mwenseco ngamutumwina kumo ne maila mwatumunanga musonde uwo. Kamubilekani bikulile pamo mpaka cindi cakucesa. Pacindico ninkambile beshikucesa Kamucesani nanshi musonde, musunge mitolo mitolo, muutente. Panyuma pakendi mubunganye maila ne kuya kwabika mu lyanga lyakame.”


Kayi Yesu walabapa mukoshanyo naumbi walambeti, “Bwami bwakwilu bulyeti nseke shakatondo ka masitadi ako muntu nkalakabyala mulibala lyakendi. Nseke shakatondo aka ni shing'anashing'ana mwelanisha ne nseke nashimbi. Nomba mbuto yakendi yakula, ikute kupita bifukusa nabimbi, ikute kuba citondo cinene, umo bikeni bikute kwisa kwibakamo bisangala mu misampi yakendi.”


Yesu walabapa mukoshanyo naumbi kayi, walambeti, “Bwami bwakwilu bulyeti cishikufufumisha shinkwa, ico mutukashi naumbi ncalasankanya pamo ne bunga bwakwana bikopo bibili, mpaka bunga bonse bwalafufumuka.”
Yesu byonsebi walikubambila bantu mumikoshanyo, pacindici uliya kwambapo nabo cintu ciliconse kwabula mukoshanyo. Uko kwalikuba kukwanilisha calambwa ne mushinshimi, kwambeti,
“Ninkambenga nabo mumikoshanyo,
Ninkayubulule byalikuba byasolekwa
kufuma pakulengwa kwacishi capanshi.”

Yesu walashiya makoto abantu basa, ne kuya kwingila mung'anda, beshikwiya bakendi balamusengeti, “Kamutupandulwilako mukoshanyo wa musonde wa mulibala usa.” “Yesu nendi walambeti, Usa shikumwaya mbuto shaina endiye Mwana Muntu. Libala lisa ecishi cino capanshi. Shisa mbuto shaina ebantu bene Bwami bwa Lesa. Musonde ni bantu baipa bakendi Waipa usa. Mulwani usa walabyala musonde ni Muyungaushi. Kucesa maila kusa ekupwa kwacishi capanshi, ne beshikucesa ni bangelo. Mbuli ncobalabunganya musonde ne kutenta pamulilo, nicikabeco pakupwa kwa cishicapanshi Mwana Muntu nakatume bangelo bakendi, kwisa kufunyamo mu Bwami bwakendi bantu bonse bakute kwipisha banabo, pamo ne bonse bamicito yaipa. Nibakabawale mubufuni bwa mulilo, kopeloko nibakalilenga ne kukokota meno. Nomba bantu balulama nibakabaleti lisuba mu Bwami bwa Bameshabo, Uyo ukute matwi, anyumfwe!

“Bwami bwakwilu ngatubwelanika cisa; Muntu naumbi walafumbula mali asolekwa mulibala. neye kayi walafumbika pambi, panyuma pakendi mwakukondwa, walakaulisha bintu byonse mbyalikukute ne kuya kula libala lisa.

“Kayi Bwami bwakwilu ngatubwelanika cisa; Muntu naumbi shimakwebo, walayakulangaula malungu a mulo wadula. Mpwalacana libwe limo lya mulo wadula, walaya kuyakulisha bintu byonse mbyalikukute ne kuyakula libwe lyamulo wadula lisa ndyalikuyandishisha.

“Bwami bwakwilu ngatubwelanika cisa; Basulishi balawala kombe mulwenje nekubungulula nswi sha mishobo yonse, kesula bakute kukakwelela kumutunta, bakute kwikala panshi nekutatika kusalapo nswi shaina kababika mu mitanga, shaipa nikushitaya. Nicikenshikeco pakupwa kwacishici, bangelo nibakafunyepo bantu baipa pakati pa bantu balulama, ne kubawala mubufuni bwamulilo, kopeloko nibakalilenga ne kukokota meno.”

Yesu walabepusha beshikwiya bakendi, “Sena mulanyumfwishishi cena bintu ibi byonse?” Balo balambeti, “Ee” Kayi walabambileti, “Ecebo cakendi shikwiyisha uliyense wa milawo laba shikwiya wa Bwami bwakwilu, ulyeti mwine ng'anda uyo ukute kupulisha bintu bya linolino ne byakaindi kufuma mulyanga lya buboni bwakendi.”


Yesu mpwalapwisha kwamba mikoshanyo walafumako. Mpwalashika mucibela cakucomwabo, walatatika kwiyisha bantu mu ng'anda yakupaililamo. Abo balikumunyumfwa balikunkamana ne kwipusheti, “Mano, ne ngofu shakankamanisha shilicisa muntuyu walashifunya kupeyo? Sena uyu nte mwana wa shikupala mapulanga usa? Sena nte mwanendi Maliya? Sena bamakwabo nte Jemusi ne Yosefe ne Shimoni ne Yuda? Sena nkashi shakendi shonse ntetulinasho pamo pano? Inga bintu ibi walabicana kupeyo?” Neco balamusula, nomba nendi Yesu walabambileti, Mushinshimi nkakute kupewa bulemu ne banse bendi mbaikala nabo mumunshi, nsombi bantu bakumbi. Neco, Yesu uliya kwinsako bintu bingi byangofu, pacebo cakubula lushomo kwabo.

Lyssna på Mateyo 13