<div class="version vid1973 iso6393jra" data-vid="1973" data-iso6393="jra">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="s">P&#417;k&#244;&#774; p&#417;jing laih an&#365;n p&#417;r&#417;goh hr&#417;i tal t&#417;juh</div><div class="p"> 1Tui an&#365;n, adai l&#335;n laih an&#365;n abih bang m&#417;n&#417;&#774;ng hm&#226;o p&#417;jing rai gi&#417;&#774;ng laih. 2Hr&#417;i tal t&#417;juh, &#416;i Adai p&#417;gi&#417;&#774;ng h&#301; abih bang bru&#259; &#209;u hm&#226;o ng&#259; laih. Yua k&#417; an&#365;n, am&#259;ng hr&#417;i t&#417;juh &#209;u p&#417;d&#417;i. &#209;u hm&#226;o ng&#259; gi&#417;&#774;ng laih abih bang bru&#259;.#H&#234;b 4:4,10.#T&#417;b 20:11. 3&#416;i Adai br&#417;i t&#417;l&#417;i m&#417;yun hiam k&#417; hr&#417;i tal t&#417;juh laih an&#365;n p&#417;r&#417;goh h&#301; hr&#417;i an&#365;n, yua k&#417; am&#259;ng hr&#417;i an&#365;n &#416;i Adai p&#417;d&#417;i gi&#417;&#774;ng k&#417; &#209;u hm&#226;o ng&#259; p&#417;gi&#417;&#774;ng laih abih bru&#259; hrih p&#417;jing.</div><div class="p"> 4An&#365;n jing ph&#365;n atur k&#417; t&#417;l&#417;i hrih p&#417;jing adai h&#259;ng l&#335;n t&#417;nah.</div><div class="s">War &#202;&#273;en</div><div class="p">T&#417; Y&#234;h&#244;wa#2:4 D&#432;i &#269;ih d&#417;&#774;ng m&#417;&#774;n: Yaweh. &#416;i Adai p&#417;jing rai adai laih an&#365;n l&#335;n t&#417;nah, 5aka hm&#226;o pum k&#417;y&#226;o h&#417;g&#277;t &#269;&#259;t &#384;&#417;i l&#335;n t&#417;nah &#244;h, k&#335;n hm&#226;o l&#417;i ania r&#417;&#774;k &#269;&#259;t &#273;&#301; am&#259;ng &#273;ang hmua, yua k&#417; Y&#234;h&#244;wa &#416;i Adai aka br&#417;i h&#417;jan tr&#365;n p&#417; l&#335;n t&#417;nah &#244;h, laih an&#365;n &#259;t aka hm&#226;o m&#417;&#774;n m&#417;nuih &#269;uar l&#335;n. 6Sam&#417;&#774; hm&#226;o ayuh ia m&#417;&#774;ng gah y&#365; k&#417; l&#335;n bluh &#273;&#301;, pruih dj&#335;p djang l&#335;n t&#417;nah.</div><div class="p"> 7Hl&#259;k an&#365;n, Y&#234;h&#244;wa &#416;i Adai m&#259; &#384;ruih l&#335;n man h&#301; rup m&#417;nuih,#2:7 l&#335;n ... m&#417;nuih: Am&#259;ng t&#417;l&#417;i H&#234;br&#417;, khul boh hr&#259; &#8220;m&#417;nuih&#8221; laih an&#365;n &#8220;l&#335;n&#8221; hm&#226;o d&#417;nai ar&#259;ng p&#417;&#273;ok kar ka&#301; &#273;&#244;&#269;. bluh ayuh m&#365;t &#384;&#417;i dr&#335;ng ad&#365;ng, tui an&#365;n an&#259; m&#417;nuih jing h&#301; sa m&#417;n&#417;&#774;ng h&#417;dip y&#417;h.#I K&#244;r 15:45.</div><div class="p"> 8Gi&#417;&#774;ng an&#365;n, Y&#234;h&#244;wa &#416;i Adai p&#417;jing sa boh war &#384;&#417;i &#202;&#273;en, p&#417; gah ng&#335;, laih an&#365;n pioh m&#417;nuih &#209;u phr&#226;o hrih p&#417;jing rai an&#365;n am&#259;ng war an&#365;n. 9Y&#234;h&#244;wa &#416;i Adai ng&#259; br&#417;i l&#335;n t&#417;nah &#269;&#259;t &#273;&#301; khul ph&#365;n k&#417;y&#226;o l&#259;ng hiam laih an&#365;n &#384;&#417;&#774;ng j&#417;man. T&#417;&#774;ng krah war an&#365;n hm&#226;o k&#417;y&#226;o t&#417;l&#417;i h&#417;dip#B&#417;r&#273; 2:7; 22:2,14. laih an&#365;n ph&#365;n k&#417;y&#226;o th&#226;o kr&#259;n t&#417;l&#417;i hiam, t&#417;l&#417;i sat.#2:9,17 D&#432;i p&#417;blang d&#417;&#774;ng m&#417;&#774;n: th&#226;o abih bang t&#417;l&#417;i.</div><div class="p"> 10Hm&#226;o sa roh ia krong ro m&#417;&#774;ng &#202;&#273;en ki&#259;ng tuh p&#417;sah war, laih an&#365;n m&#417;&#774;ng an&#365;n &#241;u p&#417;pha h&#301; jing p&#259; roh ia krong. 11Ia krong tal sa jing Pis&#244;n, hnoh anai ro jum dar &#269;ar Hawila, jing anih hm&#226;o mah. 12Mah am&#259;ng &#269;ar anai hiam bi&#259; m&#259;; p&#417; an&#365;n &#259;t d&#335; hm&#226;o d&#417;&#774;ng m&#417;&#774;n ia &#384;&#226;u m&#417;ng&#432;i laih an&#365;n boh p&#417;t&#226;o &#244;nik. 13Ia krong tal dua an&#259;n &#241;u jing Gih&#244;n, ro jum dar &#269;ar Kus.#2:13 D&#432;i p&#417;blang d&#417;&#774;ng: &#202;thi&#244;pi. 14Ia krong tal kl&#226;o an&#259;n &#241;u jing Tigris;#2:14 Boh hr&#259; h&#417;&#273;&#259;p: Hid&#234;ke. ro tr&#365;n p&#417; gah y&#365; &#269;ar Asiri. Ia krong tal p&#259; jing &#416;phrat.</div><div class="p"> 15Y&#234;h&#244;wa &#416;i Adai pioh an&#259; m&#417;nuih am&#259;ng war &#202;&#273;en ki&#259;ng k&#417; g&#417;&#241;u pla laih an&#365;n wai l&#259;ng war an&#365;n. 16Y&#234;h&#244;wa &#416;i Adai p&#417;t&#259; k&#417; an&#259; m&#417;nuih tui anai: &#8220;Ih d&#432;i &#384;&#417;&#774;ng dj&#335;p m&#417;ta boh k&#417;y&#226;o am&#259;ng &#273;ang, 17sam&#417;&#774; k&#417; boh k&#417;y&#226;o th&#226;o kr&#259;n t&#417;l&#417;i hiam t&#417;l&#417;i sat, ih &#384;u d&#432;i &#384;&#417;&#774;ng &#244;h, yua k&#417; hr&#417;i p&#259; ih &#384;&#417;&#774;ng boh k&#417;y&#226;o an&#365;n, s&#301;t bi&#259; m&#259; ih &#269;i djai y&#417;h.&#8221;</div><div class="s">P&#417;jing t&#417;l&#417;i d&#335; r&#417;k&#417;i b&#417;nai</div><div class="p"> 18Y&#234;h&#244;wa &#416;i Adai la&#301;: &#8220;An&#259; m&#417;nuih d&#335; h&#417;j&#259;n p&#259;n &#384;u hiam &#244;h. K&#226;o &#269;i p&#417;jing sa &#269;&#244; p&#244; djru l&#259;p dj&#417;&#774; k&#417; &#241;u.&#8221; 19Y&#234;h&#244;wa &#416;i Adai m&#259; l&#335;n man h&#301; abih bang hl&#244; m&#417;n&#417;&#774;ng am&#259;ng hmua laih an&#365;n &#269;&#301;m am&#259;ng adai, laih an&#365;n ba rai &#384;&#417;i an&#259;p an&#259; m&#417;nuih ki&#259;ng l&#259;ng l&#259;ng an&#259; m&#417;nuih p&#417;an&#259;n g&#417;&#241;u jing h&#417;g&#277;t, laih an&#365;n r&#301;m an&#259;n an&#259; m&#417;nuih hm&#226;o p&#417;an&#259;n laih br&#417;i k&#417; r&#301;m hl&#244; h&#417;dip leng k&#417; jing h&#301; an&#259;n g&#417;&#241;u p&#244; soh sel. 20A&#273;am#2:20 Am&#259;ng boh p&#417;hi&#259;p H&#234;br&#417; A&#273;am ki&#259;ng pia: &#8220;an&#259; m&#417;nuih&#8221;. p&#417;an&#259;n br&#417;i k&#417; abih hl&#244; m&#417;n&#417;&#774;ng rong laih an&#365;n &#269;&#301;m am&#259;ng adai h&#259;ng abih bang hl&#244; glai; gah k&#417; A&#273;am, &#241;u &#384;uh &#384;u hm&#226;o hl&#417;i djru l&#259;p dj&#417;&#774; k&#417; &#241;u &#244;h. 21Y&#234;h&#244;wa &#416;i Adai ng&#259; br&#417;i A&#273;am p&#301;t w&#417;r, laih an&#365;n m&#259; h&#301; sa &#384;&#277; klang s&#365;, gi&#417;&#774;ng an&#365;n p&#417;b&#335; h&#301; &#241;u h&#259;ng asar. 22Y&#234;h&#244;wa &#416;i Adai m&#259; klang s&#365; &#209;u hm&#226;o m&#259; laih m&#417;&#774;ng A&#273;am p&#417;jing rai sa &#269;&#244; &#273;ah k&#417;m&#417;i laih an&#365;n ba rai p&#417; A&#273;am. 23A&#273;am la&#301;:</div><div class="q1">&#8220;R&#259; anai hm&#226;o laih m&#417;nuih anai,</div><div class="q2">Klang m&#417;&#774;ng klang k&#226;o, asar m&#417;&#774;ng asar k&#226;o.</div><div class="q1">Ar&#259;ng &#269;i i&#226;u &#241;u jing &#273;ah k&#417;m&#417;i,</div><div class="q2">Yua k&#417; &#241;u d&#432;i hm&#226;o rai yua m&#417;&#774;ng &#273;ah r&#417;k&#417;i.&#8221;#2:23 &#273;ah k&#417;m&#417;i ... &#273;ah r&#417;k&#417;i: Am&#259;ng boh p&#417;hi&#259;p &#384;ing H&#234;br&#417;, boh hr&#259; &#8220;&#273;ah k&#417;m&#417;i&#8221; laih an&#365;n &#8220;&#273;ah r&#417;k&#417;i&#8221; ar&#259;ng p&#417;&#273;ok &#241;u kar ka&#301; &#273;&#244;&#269;.</div><div class="m"> 24Yua k&#417; an&#365;n y&#417;h, &#273;ah r&#417;k&#417;i &#269;i &#269;&#417;lah h&#301; m&#417;&#774;ng am&#301; ama &#241;u laih an&#365;n d&#335; klep h&#301; h&#259;ng b&#417;nai &#241;u, laih an&#365;n dua g&#417;&#241;u jing h&#301; sa asar.#Mat 19:5; Mar 10:7-8; I K&#244;r 6:16; &#202;ph 5:31. 25A&#273;am h&#259;ng b&#417;nai &#241;u, abih dua g&#417;&#241;u leng k&#417; d&#335; m&#417;hl&#365;n sam&#417;&#774; &#384;u hm&#226;o t&#417;l&#417;i ml&#226;o ha&#241; &#244;h.</div>
 </div>
 </div>
</div>

Tui anŭn, adai lŏn laih anŭn abih bang mơnơ̆ng hmâo pơjing rai giơ̆ng laih. Hrơi tal tơjuh, Ơi Adai pơgiơ̆ng hĭ abih bang bruă Ñu hmâo ngă laih. Yua kơ anŭn, amăng hrơi tơjuh Ñu pơdơi. Ñu hmâo ngă giơ̆ng laih abih bang bruă. Ơi Adai brơi tơlơi mơyun hiam kơ hrơi tal tơjuh laih anŭn pơrơgoh hĭ hrơi anŭn, yua kơ amăng hrơi anŭn Ơi Adai pơdơi giơ̆ng kơ Ñu hmâo ngă pơgiơ̆ng laih abih bruă hrih pơjing.
Anŭn jing phŭn atur kơ tơlơi hrih pơjing adai hăng lŏn tơnah.

Tơ Yêhôwa Ơi Adai pơjing rai adai laih anŭn lŏn tơnah, aka hmâo pum kơyâo hơgĕt čăt ƀơi lŏn tơnah ôh, kŏn hmâo lơi ania rơ̆k čăt đĭ amăng đang hmua, yua kơ Yêhôwa Ơi Adai aka brơi hơjan trŭn pơ lŏn tơnah ôh, laih anŭn ăt aka hmâo mơ̆n mơnuih čuar lŏn. Samơ̆ hmâo ayuh ia mơ̆ng gah yŭ kơ lŏn bluh đĭ, pruih djŏp djang lŏn tơnah.
Hlăk anŭn, Yêhôwa Ơi Adai mă ƀruih lŏn man hĭ rup mơnuih, bluh ayuh mŭt ƀơi drŏng adŭng, tui anŭn ană mơnuih jing hĭ sa mơnơ̆ng hơdip yơh.
Giơ̆ng anŭn, Yêhôwa Ơi Adai pơjing sa boh war ƀơi Êđen, pơ gah ngŏ, laih anŭn pioh mơnuih Ñu phrâo hrih pơjing rai anŭn amăng war anŭn. Yêhôwa Ơi Adai ngă brơi lŏn tơnah čăt đĭ khul phŭn kơyâo lăng hiam laih anŭn ƀơ̆ng jơman. Tơ̆ng krah war anŭn hmâo kơyâo tơlơi hơdip laih anŭn phŭn kơyâo thâo krăn tơlơi hiam, tơlơi sat.
Hmâo sa roh ia krong ro mơ̆ng Êđen kiăng tuh pơsah war, laih anŭn mơ̆ng anŭn ñu pơpha hĭ jing pă roh ia krong. Ia krong tal sa jing Pisôn, hnoh anai ro jum dar čar Hawila, jing anih hmâo mah. Mah amăng čar anai hiam biă mă; pơ anŭn ăt dŏ hmâo dơ̆ng mơ̆n ia ƀâu mơngưi laih anŭn boh pơtâo ônik. Ia krong tal dua anăn ñu jing Gihôn, ro jum dar čar Kus. Ia krong tal klâo anăn ñu jing Tigris; ro trŭn pơ gah yŭ čar Asiri. Ia krong tal pă jing Ơphrat.
Yêhôwa Ơi Adai pioh ană mơnuih amăng war Êđen kiăng kơ gơñu pla laih anŭn wai lăng war anŭn. Yêhôwa Ơi Adai pơtă kơ ană mơnuih tui anai: “Ih dưi ƀơ̆ng djŏp mơta boh kơyâo amăng đang, samơ̆ kơ boh kơyâo thâo krăn tơlơi hiam tơlơi sat, ih ƀu dưi ƀơ̆ng ôh, yua kơ hrơi pă ih ƀơ̆ng boh kơyâo anŭn, sĭt biă mă ih či djai yơh.”

Yêhôwa Ơi Adai laĭ: “Ană mơnuih dŏ hơjăn păn ƀu hiam ôh. Kâo či pơjing sa čô pô djru lăp djơ̆ kơ ñu.” Yêhôwa Ơi Adai mă lŏn man hĭ abih bang hlô mơnơ̆ng amăng hmua laih anŭn čĭm amăng adai, laih anŭn ba rai ƀơi anăp ană mơnuih kiăng lăng lăng ană mơnuih pơanăn gơñu jing hơgĕt, laih anŭn rĭm anăn ană mơnuih hmâo pơanăn laih brơi kơ rĭm hlô hơdip leng kơ jing hĭ anăn gơñu pô soh sel. Ađam pơanăn brơi kơ abih hlô mơnơ̆ng rong laih anŭn čĭm amăng adai hăng abih bang hlô glai; gah kơ Ađam, ñu ƀuh ƀu hmâo hlơi djru lăp djơ̆ kơ ñu ôh. Yêhôwa Ơi Adai ngă brơi Ađam pĭt wơr, laih anŭn mă hĭ sa ƀĕ klang sŭ, giơ̆ng anŭn pơbŏ hĭ ñu hăng asar. Yêhôwa Ơi Adai mă klang sŭ Ñu hmâo mă laih mơ̆ng Ađam pơjing rai sa čô đah kơmơi laih anŭn ba rai pơ Ađam. Ađam laĭ:
“Ră anai hmâo laih mơnuih anai,
Klang mơ̆ng klang kâo, asar mơ̆ng asar kâo.
Arăng či iâu ñu jing đah kơmơi,
Yua kơ ñu dưi hmâo rai yua mơ̆ng đah rơkơi.”
Yua kơ anŭn yơh, đah rơkơi či čơlah hĭ mơ̆ng amĭ ama ñu laih anŭn dŏ klep hĭ hăng bơnai ñu, laih anŭn dua gơñu jing hĭ sa asar. Ađam hăng bơnai ñu, abih dua gơñu leng kơ dŏ mơhlŭn samơ̆ ƀu hmâo tơlơi mlâo hañ ôh.

Lyssna på Čơdơ̆ng Phŭn 2