 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">&#204;osa a' Bruidhinn ri Boireannach &#224; Samaria</div><div class="p"> 1Nuair a thuig &#204;osa gun cuala na Pharasaich gun robh e a' d&#232;anamh agus a' baisteadh barrachd dheisciobal na E&#242;in 2(ged nach b' e &#204;osa fh&#232;in a bhaist, ach na deisciobail aige), 3dh'fh&#224;g e Iud&#232;a agus dh'fhalbh e air ais a Ghalile.</div><div class="p"> 4Ach bha aige ri dhol tro Shamaria. 5Mar sin th&#224;inig e gu baile ann an Samaria ris an canar Sichar, faisg air an fhearann a thug I&#224;cob dha mhac I&#242;saph. 6Bha tobar I&#224;coib an sin, agus shuidh &#204;osa, sg&#236;th mar a bha e on turas aige, ri taobh an tobair. Bha e mu mheadhan&#8209;latha.#4:6 Gu lit.: &#8220;mun t&#8209;siathamh uair&#8221;</div><div class="p"> 7Th&#224;inig boireannach o Shamaria airson uisge a tharraing. Thuirt &#204;osa rithe, &#8220;Thoir dhomh deoch.&#8221; 8(Oir bha a dheisciobail air a dhol dhan bhaile airson biadh a cheannach.)</div><div class="p"> 9Thuirt am boireannach o Shamaria ris, &#8220;Ciamar as urrainn dhutsa a tha nad I&#249;dhach deoch iarraidh ormsa a tha nam bhoireannach Samaritanach?&#8221; (Oir chan eil comann aig I&#249;dhaich ri Samaritanaich.)</div><div class="p"> 10Fhreagair &#204;osa i, &#8220;Nam b' aithne dhut tiodhlac Dh&#232; agus c&#242; e a tha ag r&#224;dh riut, &#8216;Thoir dhomh deoch,&#8217; bhiodh tu air iarraidh airsan agus bhiodh e air uisge be&#242; a thoirt dhut.&#8221;</div><div class="p"> 11&#8220;A Thighearna,&#8221; thuirt am boireannach, &#8220;chan eil soitheach&#8209;tarraing agad, agus tha an tobar domhainn. C&#242; &#224;s an tig an t&#8209;uisge be&#242; sin agad? 12Chan eil thusa nas motha na ar n&#8209;athair I&#224;cob, a bheil? Thug esan dhuinne an tobar seo, agus dh'&#242;l e &#224;s e fh&#232;in, mar a rinn a chlann agus a spr&#232;idh cuideachd.&#8221;</div><div class="p"> 13Fhreagair &#204;osa i, &#8220;Neach sam bith a dh'&#242;las dhen uisge seo, bidh pathadh air a&#8209;rithist, 14ach ge b' e a dh'&#242;las dhen uisge a bheir mise dha, cha bhi pathadh gu br&#224;th tuilleadh air. Ach an t&#8209;uisge a bheir mise dha, bidh e na fhuaran uisge ann, ag &#232;irigh suas chun na beatha s&#236;orraidh.&#8221;</div><div class="p"> 15Thuirt am boireannach ris, &#8220;A Thighearna, thoir dhomh an t&#8209;uisge seo gus nach bi pathadh orm agus nach fheum mi tighinn an seo a tharraing uisge.&#8221;</div><div class="p"> 16Thuirt &#204;osa rithe, &#8220;Thalla 's gairm air d' fhear agus till an seo.&#8221;</div><div class="p"> 17&#8220;Chan eil fear&#8209;p&#242;sta agam,&#8221; fhreagair am boireannach.</div><div class="p">Thuirt &#204;osa rithe, &#8220;Tha thu ceart nuair a tha thu ag r&#224;dh, &#8216;Chan eil fear&#8209;p&#242;sta agam,&#8217; 18oir tha c&#242;ignear fhear&#8209;p&#242;sta air a bhith agad, agus am fear a tha agad an&#8209;dr&#224;sta, chan e d' fhear&#8209;p&#242;sta fh&#232;in a th' ann. Tha an rud a thubhairt thu f&#236;or.&#8221;</div><div class="p"> 19Thuirt am boireannach ris, &#8220;A Thighearna, tha mi a' faicinn gur e f&#224;idh a th' annad. 20Rinn ar n&#8209;athraichean adhradh air a' bheinn seo, ach tha sibhse ag r&#224;dh gur e Ierusalem an t&#8209;&#224;ite far am bu ch&#242;ir adhradh a bhith air a dh&#232;anamh.&#8221;</div><div class="p"> 21Thuirt &#204;osa rithe, &#8220;A bhoireannaich, creid mise, tha an uair a' tighinn nuair nach ann air a' bheinn seo no ann an Ierusalem a n&#236; sibh adhradh dhan Athair. 22Tha sibhse a' d&#232;anamh adhraidh dhan rud nach aithne dhuibh, tha sinne a' d&#232;anamh adhraidh dhan rud as aithne dhuinn, oir is ann o na h&#8209;I&#249;dhaich a tha saoradh. 23Ach tha an uair a' tighinn, agus tha e a&#8209;nis ann, nuair a n&#236; am f&#236;or luchd&#8209;adhraidh adhradh dhan Athair ann an spiorad agus ann am f&#236;rinn, oir is iad a leithid seo de luchd&#8209;adhraidh a tha an t&#8209;Athair a' sireadh. 24Is e spiorad a th' ann an Dia, agus feumaidh an luchd&#8209;adhraidh aige adhradh a dh&#232;anamh dha ann an spiorad agus ann am f&#236;rinn.&#8221;</div><div class="p"> 25Thuirt am boireannach ris, &#8220;Tha fios agam gu bheil am Mesiah (ris an canar Cr&#236;osd) a' tighinn. Nuair a thig esan, innsidh e a h&#8209;uile rud dhuinn.&#8221;</div><div class="p"> 26Thuirt &#204;osa rithe, &#8220;Is mise esan a tha a' bruidhinn riut.&#8221;</div><div class="s1">Na Deisciobail a' Tilleadh gu &#204;osa</div><div class="p"> 27D&#236;reach an uair sin thill a dheisciobail agus chuir e iongnadh orra gun robh e a' c&#242;mhradh ri boireannach. Ach cha do dh'fhaighnich aon neach, &#8220;D&#232; a tha thu a' sireadh?&#8221; no &#8220;Carson a tha thu a' c&#242;mhradh rithe?&#8221;</div><div class="p"> 28Mar sin, a' f&#224;gail a soitheach&#8209;uisge, dh'fhalbh am boireannach dhan bhaile agus thuirt i ris na daoine, 29&#8220;Thigibh 's faicibh duine a dh'innis dh&#242;mhsa a h&#8209;uile rud a rinn mi riamh. Nach e seo an Cr&#236;osd?&#8221; 30Chaidh iad a&#8209;mach &#224;s a' bhaile agus th&#224;inig iad thuigesan.</div><div class="p"> 31Aig a' cheart &#224;m dh'iarr a dheisciobail air, &#8220;A Rabaidh, ith rudeigin.&#8221;</div><div class="p"> 32Ach thuirt esan riutha, &#8220;Tha biadh agamsa ri ithe air nach eil fios agaibhse.&#8221;</div><div class="p"> 33Mar sin thuirt na deisciobail ri ch&#232;ile, &#8220;Cha tug neach sam bith rudeigin thuige ri ithe, an tug?&#8221;</div><div class="p"> 34Thuirt &#204;osa riutha, &#8220;Is e mo bhiadh&#8209;sa toil an aoin a chuir a&#8209;mach mi a dh&#232;anamh, agus an obair aigesan a chr&#236;ochnachadh. 35Nach bi sibhse ag r&#224;dh, &#8216;Tha ceithir m&#236;osan ann fhathast gus an tig am foghar&#8217;? Seallaibh, tha mise ag r&#224;dh ribh, togaibh suas ur s&#249;ilean agus faicibh na h&#8209;achaidhean, oir tha iad geal gu fogharadh. 36Mu thr&#224;th tha an t&#8209;aon a bhuaineas a' faighinn tuarastail, agus a' cruinneachadh toraidh airson na beatha s&#236;orraidh, airson 's gun d&#232;an an t&#8209;aon a chuireas agus an t&#8209;aon a bhuaineas aoibhneas le ch&#232;ile. 37Oir an seo tha an abairt f&#236;or, &#8216;Tha aon neach a' cur agus neach eile a' buain.&#8217; 38Chuir mise sibhse a bhuain rud nach do shaothraich sibh air a shon. Tha feadhainn eile air saothrachadh, agus tha sibhse air buannachd fhaighinn o an saothair&#8209;san.&#8221;</div><div class="s1">M&#242;ran Shamaritanach a' Creidsinn ann an &#204;osa</div><div class="p"> 39Chreid m&#242;ran Shamaritanach on bhaile sin annsan &#8211; air sg&#224;th facal fianais a' bhoireannaich, &#8220;Dh'innis e dhomh a h&#8209;uile rud a rinn mi riamh.&#8221; 40Mar sin, nuair a th&#224;inig na Samaritanaich thuige, dh'iarr iad air fantainn c&#242;mhla riutha, agus dh'fhuirich e an sin d&#224; latha. 41Agus chreid m&#242;ran a bharrachd air sg&#224;th an fhacail aige.</div><div class="p"> 42Thuirt iad ris a' bhoireannach, &#8220;Chan ann air sg&#224;th na thuirt thusa a tha sinn a' creidsinn tuilleadh; oir chuala sinn fh&#232;in e, agus tha fios againn gur esan dha&#8209;r&#236;ribh Sl&#224;naighear an t&#8209;saoghail.&#8221;</div><div class="s1">&#204;osa a' Leigheas Mac an Oifigich</div><div class="p"> 43&#192;s d&#232;idh an d&#224; latha sin dh'fhalbh e, agus chaidh e &#224;s a sin a Ghalile. 44(Oir bha &#204;osa fh&#232;in air fianais a thoirt nach eil urram aig f&#224;idh na th&#236;r fh&#232;in.) 45Nuair a th&#224;inig e gu Galile, ghabh na Galil&#232;aich ris. Bha iad air a h&#8209;uile rud a rinn e ann an Ierusalem aig an Fh&#232;ill fhaicinn, oir chaidh iadsan cuideachd chun na F&#232;ille.</div><div class="p"> 46Th&#224;inig &#204;osa a&#8209;rithist gu C&#224;na Ghalile far an do rinn e uisge na fh&#236;on. Agus bha oifigeach r&#236;oghail &#224;raidh ann aig an robh mac a bha tinn ann an Capern&#224;um. 47Nuair a chuala an duine seo gun robh &#204;osa air tighinn a&#8209;nuas &#224; Iud&#232;a gu Galile, chaidh e thuige agus dh'iarr e air tighinn a&#8209;nuas agus a mhac a shl&#224;nachadh, oir bha e gus b&#224;sachadh.</div><div class="p"> 48Mar sin thuirt &#204;osa ris, &#8220;Mura faic sibh comharraidhean m&#236;orbhaileach agus iongantasan cha chreid sibh.&#8221;</div><div class="p"> 49Thuirt an t&#8209;oifigeach r&#236;oghail, &#8220;A Thighearna, thig a&#8209;nuas mus b&#224;saich mo leanabh.&#8221;</div><div class="p"> 50Fhreagair &#204;osa, &#8220;Thalla, tha do mhac be&#242;.&#8221;</div><div class="p">Chreid an duine am facal a thuirt &#204;osa ris agus dh'fhalbh e. 51Fhad 's a bha e a' dol s&#236;os, choinnich a sheirbheisich ris, leis an naidheachd gun robh a mhac be&#242;. 52Mar sin dh'fhaighnich e dhaibh cuin a dh'fh&#224;s e na b' fhe&#224;rr, agus thuirt iad ris, &#8220;Dh'fh&#224;g am fiabhras e an&#8209;d&#232; aig uair feasgar.&#8221;#4:52 Gu lit.: &#8220;an t&#8209;seachdamh uair&#8221;</div><div class="p"> 53Mar sin thuig an t&#8209;athair gum b' e sin an dearbh uair nuair a thuirt &#204;osa ris, &#8220;Tha do mhac be&#242;.&#8221; Agus chreid e fh&#232;in agus a theaghlach uile.</div><div class="p"> 54B' e seo a&#8209;nis an dara comharra m&#236;orbhaileach a rinn &#204;osa, nuair a bha e air tighinn &#224; Iud&#232;a gu Galile.</div>
 </div>
 </div>
</div>

Nuair a thuig Ìosa gun cuala na Pharasaich gun robh e a' dèanamh agus a' baisteadh barrachd dheisciobal na Eòin (ged nach b' e Ìosa fhèin a bhaist, ach na deisciobail aige), dh'fhàg e Iudèa agus dh'fhalbh e air ais a Ghalile.
Ach bha aige ri dhol tro Shamaria. Mar sin thàinig e gu baile ann an Samaria ris an canar Sichar, faisg air an fhearann a thug Iàcob dha mhac Iòsaph. Bha tobar Iàcoib an sin, agus shuidh Ìosa, sgìth mar a bha e on turas aige, ri taobh an tobair. Bha e mu mheadhan‑latha.
Thàinig boireannach o Shamaria airson uisge a tharraing. Thuirt Ìosa rithe, “Thoir dhomh deoch.” (Oir bha a dheisciobail air a dhol dhan bhaile airson biadh a cheannach.)
Thuirt am boireannach o Shamaria ris, “Ciamar as urrainn dhutsa a tha nad Iùdhach deoch iarraidh ormsa a tha nam bhoireannach Samaritanach?” (Oir chan eil comann aig Iùdhaich ri Samaritanaich.)
Fhreagair Ìosa i, “Nam b' aithne dhut tiodhlac Dhè agus cò e a tha ag ràdh riut, ‘Thoir dhomh deoch,’ bhiodh tu air iarraidh airsan agus bhiodh e air uisge beò a thoirt dhut.”
“A Thighearna,” thuirt am boireannach, “chan eil soitheach‑tarraing agad, agus tha an tobar domhainn. Cò às an tig an t‑uisge beò sin agad? Chan eil thusa nas motha na ar n‑athair Iàcob, a bheil? Thug esan dhuinne an tobar seo, agus dh'òl e às e fhèin, mar a rinn a chlann agus a sprèidh cuideachd.”
Fhreagair Ìosa i, “Neach sam bith a dh'òlas dhen uisge seo, bidh pathadh air a‑rithist, ach ge b' e a dh'òlas dhen uisge a bheir mise dha, cha bhi pathadh gu bràth tuilleadh air. Ach an t‑uisge a bheir mise dha, bidh e na fhuaran uisge ann, ag èirigh suas chun na beatha sìorraidh.”
Thuirt am boireannach ris, “A Thighearna, thoir dhomh an t‑uisge seo gus nach bi pathadh orm agus nach fheum mi tighinn an seo a tharraing uisge.”
Thuirt Ìosa rithe, “Thalla 's gairm air d' fhear agus till an seo.”
“Chan eil fear‑pòsta agam,” fhreagair am boireannach.
Thuirt Ìosa rithe, “Tha thu ceart nuair a tha thu ag ràdh, ‘Chan eil fear‑pòsta agam,’ oir tha còignear fhear‑pòsta air a bhith agad, agus am fear a tha agad an‑dràsta, chan e d' fhear‑pòsta fhèin a th' ann. Tha an rud a thubhairt thu fìor.”
Thuirt am boireannach ris, “A Thighearna, tha mi a' faicinn gur e fàidh a th' annad. Rinn ar n‑athraichean adhradh air a' bheinn seo, ach tha sibhse ag ràdh gur e Ierusalem an t‑àite far am bu chòir adhradh a bhith air a dhèanamh.”
Thuirt Ìosa rithe, “A bhoireannaich, creid mise, tha an uair a' tighinn nuair nach ann air a' bheinn seo no ann an Ierusalem a nì sibh adhradh dhan Athair. Tha sibhse a' dèanamh adhraidh dhan rud nach aithne dhuibh, tha sinne a' dèanamh adhraidh dhan rud as aithne dhuinn, oir is ann o na h‑Iùdhaich a tha saoradh. Ach tha an uair a' tighinn, agus tha e a‑nis ann, nuair a nì am fìor luchd‑adhraidh adhradh dhan Athair ann an spiorad agus ann am fìrinn, oir is iad a leithid seo de luchd‑adhraidh a tha an t‑Athair a' sireadh. Is e spiorad a th' ann an Dia, agus feumaidh an luchd‑adhraidh aige adhradh a dhèanamh dha ann an spiorad agus ann am fìrinn.”
Thuirt am boireannach ris, “Tha fios agam gu bheil am Mesiah (ris an canar Crìosd) a' tighinn. Nuair a thig esan, innsidh e a h‑uile rud dhuinn.”
Thuirt Ìosa rithe, “Is mise esan a tha a' bruidhinn riut.”

Dìreach an uair sin thill a dheisciobail agus chuir e iongnadh orra gun robh e a' còmhradh ri boireannach. Ach cha do dh'fhaighnich aon neach, “Dè a tha thu a' sireadh?” no “Carson a tha thu a' còmhradh rithe?”
Mar sin, a' fàgail a soitheach‑uisge, dh'fhalbh am boireannach dhan bhaile agus thuirt i ris na daoine, “Thigibh 's faicibh duine a dh'innis dhòmhsa a h‑uile rud a rinn mi riamh. Nach e seo an Crìosd?” Chaidh iad a‑mach às a' bhaile agus thàinig iad thuigesan.
Aig a' cheart àm dh'iarr a dheisciobail air, “A Rabaidh, ith rudeigin.”
Ach thuirt esan riutha, “Tha biadh agamsa ri ithe air nach eil fios agaibhse.”
Mar sin thuirt na deisciobail ri chèile, “Cha tug neach sam bith rudeigin thuige ri ithe, an tug?”
Thuirt Ìosa riutha, “Is e mo bhiadh‑sa toil an aoin a chuir a‑mach mi a dhèanamh, agus an obair aigesan a chrìochnachadh. Nach bi sibhse ag ràdh, ‘Tha ceithir mìosan ann fhathast gus an tig am foghar’? Seallaibh, tha mise ag ràdh ribh, togaibh suas ur sùilean agus faicibh na h‑achaidhean, oir tha iad geal gu fogharadh. Mu thràth tha an t‑aon a bhuaineas a' faighinn tuarastail, agus a' cruinneachadh toraidh airson na beatha sìorraidh, airson 's gun dèan an t‑aon a chuireas agus an t‑aon a bhuaineas aoibhneas le chèile. Oir an seo tha an abairt fìor, ‘Tha aon neach a' cur agus neach eile a' buain.’ Chuir mise sibhse a bhuain rud nach do shaothraich sibh air a shon. Tha feadhainn eile air saothrachadh, agus tha sibhse air buannachd fhaighinn o an saothair‑san.”

Chreid mòran Shamaritanach on bhaile sin annsan – air sgàth facal fianais a' bhoireannaich, “Dh'innis e dhomh a h‑uile rud a rinn mi riamh.” Mar sin, nuair a thàinig na Samaritanaich thuige, dh'iarr iad air fantainn còmhla riutha, agus dh'fhuirich e an sin dà latha. Agus chreid mòran a bharrachd air sgàth an fhacail aige.
Thuirt iad ris a' bhoireannach, “Chan ann air sgàth na thuirt thusa a tha sinn a' creidsinn tuilleadh; oir chuala sinn fhèin e, agus tha fios againn gur esan dha‑rìribh Slànaighear an t‑saoghail.”

Às dèidh an dà latha sin dh'fhalbh e, agus chaidh e às a sin a Ghalile. (Oir bha Ìosa fhèin air fianais a thoirt nach eil urram aig fàidh na thìr fhèin.) Nuair a thàinig e gu Galile, ghabh na Galilèaich ris. Bha iad air a h‑uile rud a rinn e ann an Ierusalem aig an Fhèill fhaicinn, oir chaidh iadsan cuideachd chun na Fèille.
Thàinig Ìosa a‑rithist gu Càna Ghalile far an do rinn e uisge na fhìon. Agus bha oifigeach rìoghail àraidh ann aig an robh mac a bha tinn ann an Capernàum. Nuair a chuala an duine seo gun robh Ìosa air tighinn a‑nuas à Iudèa gu Galile, chaidh e thuige agus dh'iarr e air tighinn a‑nuas agus a mhac a shlànachadh, oir bha e gus bàsachadh.
Mar sin thuirt Ìosa ris, “Mura faic sibh comharraidhean mìorbhaileach agus iongantasan cha chreid sibh.”
Thuirt an t‑oifigeach rìoghail, “A Thighearna, thig a‑nuas mus bàsaich mo leanabh.”
Fhreagair Ìosa, “Thalla, tha do mhac beò.”
Chreid an duine am facal a thuirt Ìosa ris agus dh'fhalbh e. Fhad 's a bha e a' dol sìos, choinnich a sheirbheisich ris, leis an naidheachd gun robh a mhac beò. Mar sin dh'fhaighnich e dhaibh cuin a dh'fhàs e na b' fheàrr, agus thuirt iad ris, “Dh'fhàg am fiabhras e an‑dè aig uair feasgar.”
Mar sin thuig an t‑athair gum b' e sin an dearbh uair nuair a thuirt Ìosa ris, “Tha do mhac beò.” Agus chreid e fhèin agus a theaghlach uile.
B' e seo a‑nis an dara comharra mìorbhaileach a rinn Ìosa, nuair a bha e air tighinn à Iudèa gu Galile.

Lyssna på Eòin 4