Mak Hwa buk enaig esog
Hwa buk enaig esog
Ena buk wa bigim oghunug Sisas kigfutug i afa unehlag nalig i feg sa ma ehe ahnaig ahnaig lahlag gafugag esei. Afa maia ehe elim oghunugim afa nimbasam ningitigigim afa elni amtakwalig hugufaitinigim sa big anwenafig ehe kigfutuk i afa unehlag nalig nai i feg. Sisas enaig esog Kaba Inim El feg afa ka bonam eso ka wahafe asa elim pese wanbife. (10:45)
Mak mang nup Sisasna mom sihiagiah mo afa ehe nup Sisasna gafugagim ohnaig sihifiageg. Yuwana Mak ohnaig esog Jon bu wa aitiag el bonam gafugafeg afa Sisasim bu wa fatig afa Satan Sisasim yuhnagim. Afa sumi yi el sa ahnaig ahnaig kinig kahligim Sisas enaig elim afafenigim asa ehengelim numwehe ogfunig. Yuwana Sisasna pahluhuiag elim mas Sisasna gafugagim numwehe anuwenafini mo. Afa sumi yi wo ehengel ambawa anuwenafig.
Afa Sisasna angoluwag ehem kinig faig afa Makna sumi yi mo ohnaig esog Sisas ati wahagim afa peske buihiag.
Trenutno izabrano:
Mak Hwa buk enaig esog: amn
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2012, Wycliffe Bible Translators, Inc. All rights reserved.