SAN LUCAS 4:9-12

Nach gwxiye'enə' gozc̱he'en ḻe' yic̱hɉo'o yo'odao' əblao de'en zo Jerosalenṉə', na' gwlequən ḻe' gan' naquə ḻe'ezelaogüe sibə, na' gožen ḻe': ―Šə len' naco' Xi'iṉ Diozən' bexitə' nga par che'elə, la' nyoɉczən ḻe'e Xtižə' Diozən': Eseḻə' Diozən' angl c̱he' ca' par əsa'aclene' le' na' əsa'ape' le'. Na' ḻeczə ca' nan: Eso'ox̱e'e le' par nic̱h bito əc̱hego'o no yeɉ. Nach Jeso'osən' gože'en: ―Ḻeczə ca' nyoɉczən ḻe'e Xtižə' Diozən': “Bito con goncho X̱ancho Diozən' prueb šə ḻeine' can' ne'enə'.”