Salmos 30
30
1Gucá'ana szrena' Lue', Xran, lawe' da bechisu' neda',
ne quebe bnézruju' lataj benne' ca' dxeledábague̱' neda'
xelún le̱' chia'.
2Xrana' Dios, bláwizra' Lue', na' bexunu' neda'.
3Xran, bseláu' neda' lu lataj ba xa'.
Bexunu' neda' chee̱ quebe chu'a xe̱dxu ba.
4Le gul-la chee̱ Xránadxu, le'e nácale benne' cheé̱queze̱'.
Le xe̱ Le̱': “Xcalenu'”, ne dxajsá lázrele naque̱' lá'azxa,
5lawe' da tu chí'idauze dxezré̱'e̱
san chadía chacanna zua xel-la' zri'i lazre' chee̱'.
Wabézredxu tu zreze, san che zílala wabéle̱'e̱dxu.
6Gate guzúa chawa' gunnía': Quebe nu seque' gutá neda',
7lawe' da bze̱ chuchu' neda', Xran, ca tu xi'a zren,
ne blé'enu' neda' cháwedau'.
Gate bcache lau', na' guzúa' ste̱be.
8Xran, guláwizra' Lue', ne gata' xueda' Lue'.
9¿Bizra da ba neza gaca na chiu' che gatia',
ne chu'a xe̱dxu ba?
¿Güe lá'ana' Lue' gate ba naca' xu xrte?
¿Waca nu guzenda' da li chiu'?
10Bze̱ naga neda', Xran, ne bexache lazre' neda'.
Xran, gúcale̱ neda'.
11Be̱nu' bexaca xel-la' dxebezre chia' xel-la' wexá'a.
Bcuasu' xel-la' dxewí'ine lazre' chia', ne bzu' chia' xel-la' dxebé.
12Chee̱ le̱ na' tu gúl-lazqueza' chiu', lawe' da nacu'
da ba neza chia', ne quebe sua zríqueza'.
Xrana' Dios, tu güe lá'anazqueza' Lue' chadía chacanna.
Trenutno izabrano:
Salmos 30: zat
Istaknuto
Podeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 1981, Wycliffe Bible Translators, Inc. All rights reserved.