Jṉ. 12
12
Marí Jesusan kuṉkuinji̱a̱i̱ ukatma
(Mat. 26:6-13; Mar. 14:3-9)
1Paskua námper jeatin sais tsawant ajasmatai Jesus Petanianam wémiayi. Jesus jakamunmaya̱ iniantkímia nú Rásaru nui̱ pujumiayi. 2Jesus jeamtai ayurawarmiayi. Rásarusha niji̱a̱i̱ yurumámiayi. Mártasha yurumkan ayurkamiayi. 3Tura Marikia kuṉkuinian ti kuitji̱a̱i̱ ritru ajapén sumak itiamiayi. Tura Jesusa nawe̱n kuer ni intiashí̱ji̱a̱i̱ japirmiayi. Je̱a̱sha nu kuṉkuin ti shiir kuṉkuṉmiayi. 4Jútas Iskariúti nui̱ pujumiayi. Nisha Jesusa unuiniamuri̱ntiat ukunam Jesusan surukmiayi máwarat tusa. Nisha chichaak 5“¿Urukamtai nu kuṉkuinian ti kuitji̱a̱i̱ surukchama kuítrinchan súsatniun?” tímiayi. 6Kame kuítrinchan enentáimtak tíchamiayi. Antsu unuiniamu kuítri̱n wainiu asa yúpichuch kasamkamniuyayi. Tuma asa nuna tímiayi. 7Tura Jesus chichaak “Iniaisata. Wi iwiarnakui ukatruktinian sumak ikiurtusuiti. 8Kuítrincha tuke atumji̱a̱i̱ íruntsuk. Antsu Wikia atumji̱a̱i̱ tuke pujuschattajai” tímiayi.
Rásaru maatai tiarma
9Israer shuarsha Jesus Petanianam pujan antukar Jesus íistaitsar weriarmiayi. Rásaruncha Jesus jakamunmaya̱ iniantkímiua nusha iyutai tusar wéarmiayi. 10Túramtai Rásaru maatai tusar Yúsnan pujurniu peṉkeri̱ṉkia chichaman jurusármiayi. 11Untsurí Israer shuar Rásaru iniantkímiun nekaawar Yúsnan pujurniu peṉkeri̱n ikiukiar Jesusan enentáimtusarmiayi. Túrawarmatai Rásaruncha mátniun wakerukarmiayi.
Jesus Jerusaréṉnum shiir waya̱mu
(Mat. 21:1-11; Mar. 11:1-11; Ruk. 19:28-40)
12Paskua namperan pachintiuktajtsa ti untsurí shuar Jerusaréṉnum wéarmiayi. Kashin tsawa̱r Jesus nú peprunam tátinian nekaawarmiayi. 13Nisha tintiuki nuke̱a ániun nukan júurar Jesusan iṉkiuṉtai tusar jíinkiarmiayi. Túrawar untsumainiak “Shiir tatí. Yusa kakarmari̱ji̱a̱i̱ winiana nu tí peṉkeraiti. Israer shuara uuntri̱ asa shiir atí” YKan. 118:26 tu untsumiarmiayi. 14Jesussha umpurun wainiak entsamkamai. Núnisaṉ áarmaiti Yus Chichamnum 15“Seun péprunmaya̱ shuara, ashamkairap. Atumí Akupniuri̱ umpurunam eketka winiawai.” Sak. 9:9 16Nu chichamaik Jesusa unuiniamuri̱ nu túrunamun nekaacharmiayi. Tura ukunam Jesus nayaimpiniam shiir waketkimtai enentáimprarmiayi. Ashí Jesusna aarma núnisaṉ túrunamiayi.
17Jesus Rásarun iwiarsamunmaya̱ iniantkímiun wáinkiarua nú shuar nuna áujmatiarmiayi. 18Tuma asamtai shuar tujintiamun túramtai nekaawar Jesusan iṉkiuṉktaj tusar jíinkiarmiayi. 19Tura Pariséusha nuamtak chichainiak “Iis, peṉké tujintkiaji. Maa Iistá, ashí shuar Nin nemarainiatsuk” tiármiayi.
Kriaku aents Jesusja̱i̱ chichastinian wakerukma
20Paskua nampernum Yus shiir awajsatniun Jerusaréṉnum weriaruka untsurí nuṉkanmaya̱ shuar ármiayi. Kriaku aents ármiayi. 21Nisha Jiripin weantúkarmiayi. Kame nu Jirip Petsaitianmaya̱uyayi. Petsaitiasha Kariréanmaiti. Nincha Kriaku aents seainiak “Uuntá, Jesusja̱i̱ chichastaitsar wakeraji” tiármiayi. 22Jiripsha Antresan werí ujakmiayi. Nuyá̱ niji̱a̱i̱ métek tsaniṉkiar Jesusan weriar ujakármiayi.
23Jesussha chichaak “Wi Aents Ajasuitjiana ju̱ tsawantur jeayi. Túramtai shiir awajnástatjai. 24Wi tájana nu ti nekasaiti. Araachmaka niṉki pujatsuk. Antsu araamka tsapain jiṉkiaichiri̱ miniar amuukaitiat nerek ti untsurí ajatsuk. 25Núnisaṉ shuarsha jiṉkiaiya nuke aya ju̱ nuṉkanam péṉker pujustinian enentáimkiuṉka ni iwiaakmari̱n emeṉkáktatui. Antsu ju̱ nuṉkanam niní̱ wakeramun muí̱jiak tuke iwiaaku pujustinian wainkiattawai. 26Shuar Winia takartustinian wakerakka nemartusti. Túrakka Wi pujajna nui̱ Winia takartinia nu Wiji̱a̱i̱ tuke átatui. Núnisaṉ Winia takartinian Winia Aparsha shiir enentáimtustatui” tímiayi.
Jesus ni jákatniun étserui
27 “Yamaikia enentái̱rui̱ ti itiurchat pujajai. ¿Warittiajak. ‘Aparu, ju̱ túrunatniunmaya̱ uwemtikrurta’ titiajash? Antsu jú̱ túrunatniun táwitjiai. 28Aparu, wi túramuja̱i̱ ashí shuar ame náarmin shiir enentáimturarti” tímiayi Jesus. Tutai nayaimpinmaya̱ chichaman antukarmiayi “Winia náarun shiir awajsaitjiai tura ataksha shiir awajsattajai” tímiayi.
29Shuarsha nui̱ pujuinia “ipiamtachuashit” tiármiayi. Tura chikitcha “Nayaimpinmaya̱ suntar Nin chichasai” tiármiayi. 30Jesussha chichaak “Wi antuktinian chichaschayi antsu átum nekaatarum tusa chichasai. 31Yamaikia nuṉkanam makumatin jeayi. Tura iwianchi uuntri̱ ju̱ nuṉkanam akupniua nu nupetnak ajapnattawai. 32Tura numiniam awajnaimtai ashí nuṉkanmaya̱ṉka shuar enentáimturartatui” tímiayi. 33Ju̱na taku krúsnum jákatniun ujakmiayi.
34Shuarsha awajirar chichainiak “Yaunchu Yus akupkámu papiniumia̱ áujsar nékaji. Kristu tutai tuke jáatsuk iwiaaku pujustiniaiti. ¿Itiurak nuikia ‘Aents Ajasu numiniam awajnaitniuiti’ tame? Aents Ajasuka Krístuchukait, Yus anaikiamu. ¿Núchaitkiuiṉkia Aents Ajasuka yait?” tiármiayi. 35Nuiṉkia Jesus chichaak “Wi tsáapninia áintsaṉketjai. Tsáapnisha atumíin aya ishichik tsawantin tsáapniartatui. Tsáapin ana ju̱i̱k wekasatarum kirit ajatsa̱i̱ṉ. Kame kiritniunam wekaana nusha nékatsui itiuranimpia wea. 36Tsáapnin wáinkiuram niin enentáimtustarum. Túrakrum winia tsáapnintrui̱ wekasattarme.” Jesussha nuna ti wémiayi ú̱mak pujustaj tusa.
Untsurí Israer shuar Jesusan enentáimtuscharma
37Jesus aentsti tujintiamun ti untsurí túramtaisha Niin enentáimtuscharmiayi. 38Yúsnan etserin Isayas yaunchu aarma uminkiatniuyi. “Uuntá, ¿ya ii ujam antukuit. Yusa kakarmari̱sha yana iniaktusuit?” Isa. 53:1; Rum. 10:16 tu áarmaiti. 39Nuna uminiak Jesusan enentáimtuscharmiayi. Tura nu arantcha Isayas áarmiayi. 40“Yus nin kusuru awajsaiti tura ni enentái̱ncha kátsuram awajsaiti. Ni ji̱ji̱a̱i̱ íimsa̱i̱ṉ tusa tura ni enentái̱ji̱a̱i̱ nekaawa̱i̱ṉ tusa túraiti. Kame ni tunaarí̱ iisar enentáimtuiniakui Yus nin tsuárainti.” Isa. 6:10 41Isayas yaunchu Jesusan nayaimpiniam ti shiir pujan wainiak nuna tímiayi.
42Tuma ai̱ṉ untsurí Israer shuarsha tura ni úuntri̱nmaya̱sha Jesusan nekas enentáimtusarmiayi. Tura nisha Pariséun ashamainiak paant tícharmiayi. Israer shuara iruntai̱ri̱ya̱ ji̱i̱ki̱ awetama̱i̱j tusa ashamiarmiayi. 43Yus shiir enentáimtursati tútsuk antsu shuar shiir enentáimtursati tusar túrawarmiayi.
Jesus aentsun uwemtikratniun táwitjiai tama
44Jesus kakantar untsumuk “Winia enentáimturuk aya Winiak enentáimturtsui antsu winia Aparun Winia akuptúkua nunasha enentáimtawai. 45Winia wáitkiusha Winia Aparnasha wainiui. 46Wikia tsáapnin asan Winia enentáimturainia nuka kiritniunam wekasa̱i̱ṉ tusan ju̱ nuṉkanam táwitjiai. 47Shuaran sumamtikiatniun táchaitjiai antsu uwemtikratniun táwitjiai. Tuma asamtai shuar winia chichamprun antuk umíachkuṉka sumamaiti. Tura Wikia sumamtikiachuitjiai. 48Winia nakitrur chichampruncha enentáimtachuka sumamtikiamuiti. Wi tímiaj nuka amuukatin tsawantai̱ nin sumamtikiattawai. 49Wi enentáimmiaja̱i̱ṉ chichaatsjai. Winia Apar akattúr akuptúkuiti. Tura chichastinia nuna surusuiti. 50Wisha nékajai, ashí winia Apar akupeamuka yamaram iwiaakman tuke amuukashtinian suawai. Tuma asamtai winia Apar turutmia núnisnak tajai” tímiayi Jesus.
Trenutno izabrano:
Jṉ. 12: jiv
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
©2009 Avant Ministries in cooperation with Wycliffe Bible Translators, Inc. All rights reserved.
