Pinongurugan 6
6
Koraayan nu lobuw
1Osuang-o po sobana lobuw nokolongkop so wonuo tu, om osuang kowoinoyan, 2osiou nu kokusoyan osundu kiat so surga nu ongo poparu' kowoinoyan oono. Indadi, ontuno yo sono nosiro kororaa'an oono ombo koinginan nosiro.#6:2: kokusoyan osundu kiat so surga; intawa: inonakan nu pinokokinoringan; intawa: inonakan nu Kinoringan.
3Mutongaro yo TUHAN nu, “Dai Ku ya potoguyon bana lobuw-o. Nosiro nu ono matoi-a, om opatut matoi. Kiat kosiono, umur nosiro dai yo kotalib maatus duo nopulu toun,” koo. 4Iya oono om nokotalib-o, kuwai lobuw ongo aayo so wonuo. Nosiro yo po solusuk nu kowoinoyan nokoontun nu kokusoyan osundu oono. Lobuw ongo aayo oono yo su obasag om obantug silaid.#Ayb 1:6; 2:1 #Pong 13:33
5Nosiou-o po nu TUHAN nu sobana ko oraai kogoyaan nu lobuw so wonuo tu, om sompini oraai su kiro-kiroon, 6minususun-a sono Iyo nu winaal Niyo nosiro om nipolak so wonuo tu. Sobana ko ororaayan Iyo, 7om minutangar nu, “Luwuson Ku lobuw winaal Ku no, maid nu kiawi' bombolog om kulos-kulos, so' mususun Aku ya sono nu winaal Ku nosiro,” koo. 8Nga ido yo si Nuu koinsanang nu inawo nu TUHAN.#Mat 24:37; Luk 17:26; 1 Ptr 3:20
Kowiawan ni Nuu
9-10Itu yo su kotuturanan ni Nuu. Kianak iyo tolu kusoi, si Sim, si Ham, om si Yapit. Si Nuu yo po dai momaal nu oraai om iyo po su owarong nu iya oono. Miau iyo dadan mido so Kinoringan.#2 Ptr 2:5
11Nga kiawi' lobuw wokon osokakan oraai so tiningkuangon nu Kinoringan, om nokolongkop-o poomuiinsaad nosiro. 12Monsiou Kinoringan so wonuo tu, nga koraayan-o po su osiou Niyo, so' kiawi' lobuw oraai kogoyaan.
13Mutongaro yo sono Kinoringan so si Nuu nu, “Notapus Ku yo nu potoyon Ku kiawi' miau inurug Ku no. Luwuson Ku nosiro maid nu wonuo tu, so' osuang-o sobana koraayan nosiro. 14Indadi, pomaal-o nu kapal kiat so kayu otaan. Waali nu bilik, om gaa-gaa-o dilalom dirimbou-o. 15Langgau nu kapal oono maatus tolu nopulu om tolu mitor, duo nopulu om duo mitor laab, om opulu om tolu mitor pangkat. 16Waali yo nu taap#6:16: taap; intawa: jondila. kapal oono, om puola'an nu taap om rinding-o opat nopulu om opat sintimitor. Waal-o tolu mutingkat kapal oono om waali ya nu pintu so obik-o. 17Poloni'on Ku sono nu maayo mongoluwus momatoi nu kiawi' miau pinuwaal Ku so wonuo tu, 18nga suat so ikau, mongojanji Aku. Asuw-o so kapal oono maid nu anak sawo mu, om sawo nu inonakan mu no. 19-20Owito ya masuw soro sompasang-pasang nu boroginis nu kulos-kulos om bombolog, su' dai oluwus nosiro matoi. 21Pongowit-a masuw nu kiawi' ginis nu tonoman ookanon muyu om kulos-kulos oono,” koo.
22Waalo yo ni Nuu onu yo po nisuu' nu Kinoringan so iyo iiri.#Ibr 11:7
Trenutno izabrano:
Pinongurugan 6: TomPWPgLgPn
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2023 (Active), Wycliffe Bible Translators, Inc. All rights reserved.