Pinongurugan 13
13
Minutondiang si Abram om si Lut
1Mulaiwo yo si Abram kiat so Masir om miano yo so utara sumundur umpak so solatan nu Kanaan maid nu sawo om kiawi' songapan niyo ri, om si Lut nga minaid-a. 2Sobana ko okaya si Abram. Pongayam niyo osuang, pirok om omas niyo nga osuang. 3Mambai-ambai iyo so ido koido nu tontong sumundur so Bitil. Nokologa' iyo so ido tontong so puola'an nu Bitil om Aai, iri pinubosolagan 4om pinongusaa'an niyo gulu ri. Mongusaa'o yo iyo nu TUHAN dii.
5Si Lut nga kianak sawo ya om kikouriponan-a, dumba, kambing om sapi. 6Pagka soko iri, dai muuma' korikutan so tontong iiri so nosiro kiduo, so' osuang sobana pongayam nosiro ri. 7Muolodo yo sono moongipat nu pongayam ni Abram om ni Lut. (Iya oono lobuw Kanaan om lobuw Piris kakal po molak-polak dii.)
8Mutongaro yo sono si Abram so si Lut nu, “Kito yo po sonsuku-sakat. Nadi, dai musuat ong mualod kito om moongipat nu pongayam to no. 9Mutondiang kito yo om pilio yo tontong koinginan mu molak so tana' iitu. Bang molak ko umpak so wanan, molak aku umpak so gibang,” koo.
10Monomburorowo yo si Lut so pililiwut nu tontong oono, om nosiou sono niyo nu kisungoi so pilolongkop nu gona' nu Bowang Yurdan sampai so bandar Joar. Tontong oono soko tonoman nu TUHAN#13:10: Tonoman nu TUHAN, muinong nu tonoman Idin. intawa tana' nu Masir. (Soko ono yo kogoyaan nu dai po noraag nu TUHAN bandar Sodom om Gomura.)#Pgn 2:10 11Indadi, pilio yo sono ni Lut kogona'an nu Yurdan, om murongkato yo iyo umpak so pusitan. Nokoputondiang-o sono nosiro. 12Si Abram tinumotog-a molak so tana' nu Kanaan, nga si Lut minubosalag so puola'an nu bandar so gona' oono orani yo so Sodom. 13Bandar Sodom oono tinotogan molak nu lobuw sobana ko oraai om dadan momaal nu koraayan so ponokodan nu TUHAN.
Minurongkat si Abram so bandar Ibrun
14Nokopanou-o po si Lut, mutongaro yo TUHAN so si Abram nu, “So tontong inundiian mu no, ponomburorou-o so pililiwut mu no. 15Ombo ya osiou mu no, ono yo su songapan mu om solusuk mu musingkolaid.#P'rapan 7:5 16Posuangon Ku sobana solusuk mu sampai dai oiap, so' nosiro yo po soko pantai kosuang. 17Kosiono pogilolongkop-o so tana' iitu, so' niposongapan Ku kiawi' oono so ikau,” koo.
18Soko iri po, mindaa yo sono si Abram nu pubosolagan, om tumotogo yo molak so obi' nu ongo puun nu Mamri so Ibrun. Om dii yo pinomaalan niyo nu ranggar pongusaa'an so TUHAN.
Trenutno izabrano:
Pinongurugan 13: TomPWPgLgPn
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2023 (Active), Wycliffe Bible Translators, Inc. All rights reserved.