Matío 1
1
Elhu ŋgyā wɔ Yɛɛ́so Klísto
(Lúk 3.23-38)
1Menzēŋ wɔ maŋgānjʉʼ Yɛɛ́so Klísto e emuɔ páʼa. Yɛɛ́so Klísto a lɛ á méŋ Efɔ Ndavít. Efɔ Ndavít á tó ánɛ nzwɛt Ablaham.
2 Ablaham a le zhí á Izak,
Izak á kó nzhí á Yakɔ́p,
Yakɔ́p á kó nzhí á Yúda pɔ́ a epɔ̄ memía pí.
3Yúda á kó nzhí á Falɛs pɔ́ Zela ánɛ Tamaa,
Falɛs á kó nzhí á Ɛslɔm,
Ɛslɔm á kó nzhí á Alam.
4Alam á kó nzhí á Aminadab,
Aminadab á kó nzhí á Nashɔŋ,
Nashɔŋ á kó nzhí á Salmɔŋ.
5Salmɔŋ á kó nzhí á Boz ánɛ Lahab,
Booz á kó nzhí á Jobɛd ánɛ Lwíit, Jobɛd á kó nzhí á Jese.
6Jese á kó nzhí á Efɔ Ndavít,
Efɔ Ndavít á kó nzhí á Salomɔŋ ánɛ nzwí Uli.
7Salomɔŋ á kó nzhí á Loboam,
Loboam á kó nzhí á Abia,
Abia á kó nzhí á Aza.
8Aza á kó nzhí á Jozafat,
Jozafat á kó nzhí á Jolam,
Jolam á kó nzhí á Ozias.
9Ozias á kó nzhí á Joatam,
Joatam á kó nzhí á Akaz,
Akaz á kó nzhí á Ezekias.
10Ezekias á kó nzhí á Manase,
Manase á kó nzhí á Amɔŋ,
Amɔŋ á kó nzhí á Jozias.
11Jozias á kó nzhí á Jekonias pɔ́ a epɔ̄ memía pí.
Afʉʼ mɛ́t, epuɔ Babilɔn é gɔte epuɔ Islaɛl,
ńdɔk ŋgʉ̄ɔ mé Babilɔn, pɔ́ cʉ́ʼ epuʼ ncu.
12Mɛ́ lɔk epuɔ Islaɛl ŋgʉ̄ɔ mé Babilɔn épúp, tɛ aziɛ́ anu á tɔ́k.
Jekonias á zhí á Salatiɛl,
Salatiɛl á kó nzhí á Zolobabɛl.
13Zolobabɛl á kó nzhí á Abiwud,
Abiwud á kó nzhí á Eliakim,
Eliakim á zhí á Azɔ́ɔ.
14Azɔ́ɔ á kó nzhí á Sadɔk,
Sadɔk á kó nzhí á Akim,
Akim á kó nzhí á Eliwud.
15Eliwud á kó nzhí á Eleazaa,
Eleazaa á kó nzhí á Matan,
Matan á kó nzhí á Yakɔ́p.
16Yakɔ́p á kó nzhí á Yosɛ́p ndō Malía.
Malía mé le pīŋ nzhí á Yɛɛ́so,
páʼ mɛ́ zéŋ ntɔ́ŋ á yí é lɛ, Nzaʼ‑Ŋkhʉ á ntɔ̄ŋ apuʼ lā.
17Elhu wɔ Yɛɛ́so é lɔkɔ mbúu ŋgɔ́ɔ mejuŋɔ́ ntsɔp lekua mé legēm, á lefhō ánɛ Ablaham ŋ́gʉɔ ŋkó ánɛ Efɔ Ndavít. Ŋ́gɔ́ ntsɔp lekua mé legēm, á lefhō ánɛ Efɔ Ndavít, ŋ́gʉɔ ŋkó ánɛ afʉʼ zīi, mɛ́ le gɔtē á wɔ́p ndɔk ŋgʉ̄ɔ mé Babilɔn. Ŋ́gɔ́ ntsɔp lekua mé legēm, á lefhō ánɛ afʉʼ jʉɔ mɛ́t, ŋ́gʉɔ ŋkó ánɛ afʉʼ zīi, mɛ́ le zhí á Nzaʼ‑Ŋkhʉ.
Cɔʼ Ndém a á ega mbhʉ́ɛ á lezhī Yɛɛ́so á mbū Yosɛ́p
18Menu mīi é le tɔ́kē, tɛ́ mɛ́ zhí á Yɛɛ́so Klísto e emuɔ páʼa. Malía mía Yɛɛ́so mɛ́t, a lɛ amaʼ‑ephʉ mmɔʼ ŋiŋ, lezēŋ tsí é gɔ́ lɛ Yosɛ́p. A le zɛ́t á ŋgyā pɔ́p, tɛ nzɛ́t té zhɛ́ á ŋiŋ mbaŋa, mɛ́ piŋ njʉ́ɔ á gɔ́ ŋgɔ Ndém. Mbɔ Azwakne Ndém mé ke ghʉ̄ʉ̄. 19Ndō yi Yosɛ́p, éyi a lɛ si ŋgɔ́ á ŋiŋ ndeŋ ndeŋ#1.19 Ŋiŋ ndeŋ ndeŋ, a á si ŋgɔ́ á ŋiŋ yīi a kuʼteé lepé Mɔɔ́sɛ., á jʉ́ɔ épúp, ḿbiŋ nnɔ̄ŋ te ŋkɔ̄ŋɔ á lemaʼ esē á athū Malía á ntentā á, ńcʉ́ʼɛ efāʼa áa lekɔ̄ŋne ndʉ̄ʼ á yí. 20A le fhʉtē épúp, ḿbiŋ nnɔ̄ŋ ndíi, cɔʼ Atsyapuɔ á shʉʼ á ntē njʉɔ‑athū, ńdé mé yí ŋ́gɛ: «Yosɛ́p, ndhu ŋgyā Efɔ Ndavít, Malía, amaʼ‑ephʉ jú, a á ŋgɔ Ndém páʼā, mbɔ Azwakne Ndém mé ke ghʉ̄ʉ̄. Ndɛ́ʼ o ezéŋ mbɔ́k, á letswī á yí nnéŋ á ŋgyā. 21A a shʉʼ ezhí á mɔ́ mbaŋa, o etswhī lezēŋ tsí lɛ Yɛɛ́so. O etɔ́ŋ á yí épúp melaʼ mīi, yí mé shʉʼ efɛʼ ndɔ ánɛ athū alāʼ zí, melaʼ mefa mɔ́p. »
22Emuɔ menu mɛ́t ntsem é le pīŋ ntɔ́k páʼā, tɛ́ á lɔk mbō páʼ, Ndém a le lɔ̄k nchu ntswi‑ŋke yi ndé ŋ́gɛ: 23«Ayi mɔ́ ŋgɔ a shʉʼ ezɛ́t té zhɛ́ á ŋiŋ mbaŋa, égɔ́ ŋgɔ Ndém, ézhí á mɔ́ mbaŋa, mɛ́ etswhī á yí lɛ, Emanuɛl lāa. » Lezēŋ cʉɔ mɛ́t e lɔkɔ ŋ́gɛ, Ndém a á nnɔ pímpɛ. 24Njʉɔ‑athū mɛ́t é ge emii, Yosɛ́p á ziɛ, ŋ́ghʉ̄ páʼ cɔʼ Atsyapuɔ a á lé épúp. Ńtswí á nzwí yi, ńnéŋ á ŋgyā. 25Táʼ, pɔ́ yí é láʼ té á ndo ekó pote, tɛ á láʼ nzhí á mɔ́ mɛ́t. Yosɛ́p á tswhi lezēŋ tsí lɛ Yɛɛ́so.
Trenutno izabrano:
Matío 1: ybb
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© CABTAL
