Matyo Ato aga mbɔʼ aŋwɛʼrɛ zɔnɔ

Ato aga mbɔʼ aŋwɛʼrɛ zɔnɔ

Ebwa Ekɔn ǹchwɔ̀ wɛ Matyo à ŋwɛʼrɛ mbɔʼ Yeso ngɛ na tòʼrò aŋu Yeso mwɔ m̀pwèerèse yɛ Ngwe à tɔ̧ɔrɔ é sàa efwɔ ese ngɛ. E ne nyɛrɛ zeʼe achim engɔ wɛ Ngwe à le ebwa wɛ engɔ à tɔ̧ɔrɔ bɔ mɔ efwɔ Ebuumu Sam nè Ngwe é gli éŋwaʼa ngɛ. Ekɔn ǹchwɔ̀ wunɔ ke tye ebe bɔ Juu byɛ â bê Yeso abwe angɔ ngɛ bo, ekɔn mɔmbwo ne mwɔ ebe bɔ gimkpaʼ efwɔ ese.

Aŋwɛʼrɛ zɔnɔ ne klada aŋu â bê Yeso, Yeso nu ndim e gɛrɛ kwà̧ʼrà engɔ ngɛ. E gɛrɛ ga na aŋu engɔ à ma sɛ̀ɛrɛ̀ ega Ngwe, tee abwa gɛ̀rɛ̀ gli bɔ a Galilii, gɛ̀rɛ̀ nyɛ̀rɛ̀ ngɔɔ a Jerusalɛm ngɛ. E ga mbɔʼ abwa yɛ engɔ à fwɛʼ efwɔ ngùdu ǹkyɛ̀ ngɛ, ngɔɔ ngùdù ene ewu ngɔ azɔd baʼra mane aŋu Ngwe à zhwɛɛmɛ engɔ ene ewu ngɛ. Ekɔn ǹchwɔ̀ wunɔ ne tee aŋu Yeso à ma àtee abwa kɛkɛ yɛ à me le ekama é tòʼrò atsɛrɛ Ngwe gɛ̀rɛ̀ tee abwa mbɔʼ ebwa m̀fɔ̀ Ngwe. E ne gɛ̀bbɛ abwa yɛ engɔ à ma tee ngɛ ene entiri tan: (1) Ega wɛ engɔ à sɛɛrɛ edɔm egu ngɛ. (Ebɔʼ 5-7). (2) Abwa yɛ Yeso à ga ebe bɔ bɛɛrɛ abwa mɔ wum ǹchwɔ̀ fyee mbɔʼ afwɛʼ yɛ angɔ à ma ngo fwɛʼ ngɛ. (Abɔʼ 10). (3) Aga timi mbɔʼ ebwa m̀fɔ̀ ekere (Abɔʼ 13). (4) E tee abwa mbɔʼ ǹji ene é mwɔ gho bɛ̀ɛrɛ abwa. (Abɔʼ 18). (5) E tee abwa mbɔʼ aŋu ese zɔnɔ ma ye ngùdu ngɛ mane aŋu ebwa m̀fɔ̀ ekere ma zeʼe ngɛ. (Ebɔʼ 24-25)

Aŋu e me gɛ̀bbɛ abwa efwɔ aŋwɛʼrɛ zɔnɔ ngɛ

Elɔ ètɛ sam Yeso mane aŋu â bê Yeso ngɛ 1:1–2:23

Afwɛʼ Eyɔɔ Andɛʼndim 3:1-12

Aŋu Yeso à nu ndim e gɛrɛ kwà̧ʼrà engɔ ngɛ 3:13–4:11

Afwɛʼ Yeso a Galilii 4:12–18:35

Aŋu Yeso à nyɛn a Galilii ngɔɔ a Jerusalɛm ngɛ 19:1–20:34

Ǹkyɛ̀ ngùdu ebara mane efwɔ abɛ Jerusalɛm 21:1–27:66

Aŋu Masakɛ à zhwɛm ene ewu gɛ̀rɛ̀ tee amɔ apɛpɛ ngɛ 28:1-20

Trenutno izabrano:

Matyo Ato aga mbɔʼ aŋwɛʼrɛ zɔnɔ: nbt

Istaknuto

Podijeli

Kopiraj

Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi

Saznaj više o Aŋwɛʼrɛ Ebuumu Fe Nè Ngwe

Matyo Ato aga mbɔʼ aŋwɛʼrɛ zɔnɔ

Popularni biblijski stihovi iz
Matyo Ato aga mbɔʼ aŋwɛʼrɛ zɔnɔ

Biblija:

Ngwo

Prevod: Aŋwɛʼrɛ Ebuumu Fe Nè Ngwe - nbt