ማ̈ርቆ̈ሳ 5
5
ዬሱ̈ሲ ኢ̈ታ ኣያ̇ናባር ኤ̈ንቲ̇ኖ ኣስ ፋዴ
5፡1-20፤ ማ̈ቶ̈ሳ 8፡28-34፤ ሉቃ̈ሳ 8፡26-39
1ዬሱ̈ሳኬ ኢ ታማ̈ራን ባሃ̈ሪን ፊ̈ጛሪ ጌርሴኖ̈ና ጋዝ ጋዲን ጋርታ̇ ዬይዴ። 2ዬሱ̈ሲ ጎጚን ጋርታፖ̇ ቢርት ሶ̈ቢኖ̈ንዲፌ̈ኒ፥ ኢ̈ታ ኣያ̇ናባር ኤ̈ንቲ̇ኖ ፔቲ̇ ኣሲ ጎሪ ጋርታ̇ፖ̇ ኬስካር ኢ̈ክ ዬይዴ። 3ና̈ሳ ዪ ዶኢዛ ጎሪ ጋርታዶ̈ኒ፥ ሜላ ኣቲ̇ን ሳንሳላታ̈ባር ቃቺ̇ ጋዳ̇ንዳብ ኦ̈ናካር ኢያ ዳንዳኣካ̇ዮ ኣሴ። 4ዎይሊን ጋላስ ካ̈ቲናባርኬ ሳንሳላታባር ቃቺ̇ንቲ̈ርዶ̈ኒ፥ ፌ ኩሽታ̇ፖ̇ ሳንሳላቲን ዱ̈ ካ̈ታኒንዳ̇ር ፌ ቶሂታፖ ሜይሲ ቶጚ ዪስቲዛኮታ̇ቦ ኦ̈ናካር ኢያ ኤ̈̇ ጋዳ̇ንዳብ ዳንዳኣካ̇ዬ።
5ጋላሳ̇ሬ ቃማ̇ሬ ዎይ ዉይሲ ሙታ̇ ጎሪ ጋርስባራ፥ ኢንዳ ጋልባራ ቢሪንቲ̇ ሹችባር ፌ̈ና ቃጺ፥ ፌ ጋላ̇ ሱ̈ ዪስቲሬ።
6ና̈ሳ ዪ̈ዲ ዬሱ̈ሲ ጎት ዎዶ̈ን ቤቃ̇ሪ ዎባራ ኢ̈ክ ሉካ̇ሪ ኢ ቲ̈ን ቡቂንቲ̇ ኢ̈ብ ሞ̈ኪንታሪ፥ 7“ዎይ̈ፖ̇ ሾክ ጌይኖ ጾ̈ሳ̇̇̈ቦ ናኣ ዬሱ̈ሶ! ኔ̈ናኬ ታ̈ናክ ኣብዚ ዎል ዬል̈ራ? ዋ̈ዴ፥ ኔ ታ̈ና ቢጻ ቤይሳካ̇ይፌ̈ኒ ጾ̈ሳ̇̇ ሱምባር ቴ ኔ̈ና ጌሻሬ!” ዪዝ ጋ̈ሪ ጴች ዉይሲዴ። 8ዪና̇ ኢ ጌይኖ̈ንዳ ዬሱ̈ሲ ኢ̈ኮ “ኣን ኢ̈ታ ኣያ̇ና̈ዶ ና̈ሳ ዓ̈ ጋልዳፖ ኬስካ̇ቤ” ጌይኖኮታ̇ቦ።
9ዬሱ̈ሲ ኢ̈ኮ “ኔ ሱም ኦ̈ኖ?” ጋ̈ር ኦይጪ̇ን “ኑ̈ኒ ዎይሊን ማ̈ቂኖኮታ̇ቦ ቴ ሱም ሌ̈ጎ̈ና”#5፡9 ሌ̈ጎና፥ ሮማ ዎታ̇ዳራንቦ ፔቲ̇ ጩጋ ጋርታ 3000-6000 ዬሊ̇ዝ ዎታ̇ዳራ ዎ። ፔቲ ጩጊን ጋርታ ዎ ዎታዳራን ‘ሌጎ̈ና’ ጌይንቲ̈ሬ። ጋ̈ር ማሂዴ። 10ኢናፖ̇ ዪና̇ ኢዝ ጋዲን ጋርታፖ̇ ኢንታ ዳካካ̇ይፌ̈ኒ ኢያ ሚ̈ንር ጌሺዴ።
11ዎይሊን ጉዲን ዉዳ ኢና ጌርባች ጋልዳ ዬ̈ጚንቲ̈ርዶ̈ን፥ 12ኢ̈ታ ኣያ̇ናን ዬሱ̈ሳኮ “ዋ̈ዴ፥ ኔ ኑ̈ና ጉዲንንኮ ሚሺሼ፤ ኑ ኢና ጌሊስቶ” ጋ̈ር ጌሺዴ።
13ኢያሬ “ሉካ̇ር ጌሊብቴ” ጌይን ኢ̈ታ ኣያ̇ናን ና̈ሳ ጋልዳፖ ኬስካር ጉዲንን ጋርታ ጌሊዴ። ጌሊን ናምኢ ሙኩላ ማ̈ቂዝ ጉዲንን ጌርባቺን ጋልዳፖ ጎርጎራ ዎጻ̇ሪ ባሃ̈ሪን ጋርታ̇ ጌላር ዱ̈ኪንቲ̇ዴ።
14ዪ ቤቃ̇ሪ ጋይጫ ናኣን ኢ̈ጫ̇ር ዎጺ̇ ሉካ̇ሪ ሶ̈ሊን ካታማ ጋርታሬ ጋጻራ ጋርታሬ ዎይ ቤስ̇ ዬልን፥ ዎርዣ ዪ ቤቃ̇ንዳቦ ጋ̈ሪ ፌ ዎ ቤሳ̇ፖ̇ ዎይ ኬስኪ̇ዴ። 15ኣሳ ዬሱ̈ሳክ ዬ̈ምባራ ኢ̈ታ ኣያ̇ናባር ኤ̈ንቲ̇ ዎ ና̈ሳዲ፥ ኢ ቡ̈ዲን ኢጋል ማ̈ቂን ፋጻር ኣፊላ ማኣሪ ዬሱ̈ሳባር ዶኢኖን ቤቃ̇ሪ ኢ̈ጪ̇ዴ። 16ዪ ቤቂ̇ኖ ኣሳን ኢ̈ታ ኣያ̇ናባር ኤ̈ንታ̇ር ፋጺኖ ና̈ሳ ባዚንዲኬ ጉዲንን ባዚን ዎርዣ̈ብ ሶ̈ሊን፥ 17ዎርዣ ዬሱ̈ሳኮ “ዋ̈ዴ፥ ኔ ኑ ጋዲን ኣሻ̇ር ሉኪ̈ሼ” ጋ̈ሪ ጌሺዴ።
18ዬሱ̈ሲ ጎጚን ጋርታ̇ ጌላምባራ ኢ̈ታ ኣያ̇ና ኢያ ኤ̈̇ን ፋጺኖ ና̈ሳዲ “ዋ̈ዴ፥ ቴ ኔ ዎሂን ዬስቶ” ጋ̈ር ጌሺን፥ 19ኢ ናሳ̈ክ ጋ̈ሪ “ቴ ዎሂን ዬ̈ፔ፤ ኔ̈ኒ ኔ ዳባ̇ንኮ ሉካ̇ራ ጾ̈ሲ̇ ኔ̈ብ ጴች ባዝ ዎቲኖንዲኬ ኢ ኔ̈ብ ኢሚ̇ኖ ማ̈ሪቲን ኢንታ̈ብ ሶ̈ላቤ” ጌይዴ። 20ና̈ሳ̈ዳር ሉካ̇ሪ ዬሱ̈ሲ ኢ̈ብ ዎቲኖን ዎይ ታጳ̇ ካታማ #5፡20 ታጳ̇ ካታማ፦ ጋ̈ዝ ቤሲ̇ንዳ ዮርዳ̈ኖ̈ስ ጋ̈ዝ ዋ̈ምፖ̇ ኣዋ̈ፍ ኬሲ ጎይ ዎ ቤስ̇ዶ̈ራ ኢዝ ጋርታ̇ ግሪ̈ክ ኣሳን ኦ̈ኖ ታጳ̇ ካታሞ ኢና ዎ ቤሴ̇። ጋ̈ዝ ጋዲን ጋርታ̇ ሶ̈ላ ኤ̈̇ዴ። ሲስኪ̇ኖ ኣሳ̈ንር ዎይ ጋራ̇ሚንቲዴ።
ያ̈ሮ̈ሳ ናኢንዲኬ ታጶ ናምኢ ላይ ሱ̈ ጎጊንቲ̇ኖ ኣሲንዲክ
ማ̈ቶ̈ሳ 9፡18-26፤ ሉቃ̈ሳ 8፡41-56
21ዬሱ̈ሲ ማ̈ቃ̇ር ጎጚንባር ባሃ̈ሪምፖ ጌ̈ዳ ፊ̈ን ፊ̈ጚን ዎይሊን ዎርዦ ኢ̈ክ ሺ̈ቂዴ። ኢያር ባሃ̈ሪን ቡጊዲን ጋል ዎዶ̈ን፥ 22ያ̈ሮ̈ሳ ጌይዛ ኣይሁድ ዎ̈ሳ ኬ̈ቦ ኣላቃ ማ̈ቂኖ ኣሳን ጋርታፖ ፔታ̇ና ኢ̈ክ ዬ̈ሪ ኢ ቶሂን ጋልዳ ኬዳ̇ሪ፥ 23“ታ ናኢን ጊሊ̇ን ዓይቃንዳብ ዎታ̈ርሽዋ፤ ዋ̈ዴ፥ ዓዬ̈ራ ኔ ኩሺን ኢዝ ጋልዳ ጋዳ̇ር ፋሼ” ጋ̈ር ጌሻር ኢ ጴ̈ሪንባር ኣ̈̇ዴ። 24ዬሱ̈ሳር ኢባር ዎልኣ ሉኪ̇ዴ።
ዎይሊን ዎርዦ ኢባር ሱጊንቲ ሙታ̇ ኢ ዎሃ ሉኪ̇ዴ። 25ታጶ̇ ናምኢ ላይ ሱ̈ ጎጊንታ ሙታ̇ ዎ ፔቲ̇ ኣስዶ̈ር ኢንታባር ዎዶ̈ራ፥ 26ኢዛ ጋ̈ላ̇ ዎ ጌይዝ ኣሳንኮ ዎይ ሉካ̇ራ ፌ̈ብ ዎ ሚ̈ሺ̇ን ዉርሲናሬ ዓርጊን ኢዝ ጋልዳ ሚ̈ጛዶ̇ኬ ኢዞ ፋካ̇ዬ። 27ኢዛር “ዬሱ̈ሲ ፋ̈ሬ” ጌይኖን ሲስኪኖኮታ̇ቦ ጋሳ ጎይ ኣሳ̈ ጋርሳባር ዬ̈ራ ኢ ኣፊሊን ኤ̈̇ዴ። 28ኢዛ ዪኖ̇ ዎቲኖንዳ “ሜል ኣቲ̇ን ቴ ኢ ኣፊሊን ኤ̈̇ኖኮ ፋጻ̈ሬ” ዪዝ ጋ̈ር ኣማ̇ኒኖኮታ̇ቦ። 29ዪኒ̇ባራ ጎጋ̇ዝ ሱ̈ን ኤሊ̇ባር ኤቃ̇ዴ፤ ኢዛር ፌ̈ና ዋዪዝ ዓርጊን ጋርታ̇ፖ̇ ፋጺኖን ኢዝቦ ኤሪንታ̇ዴ።
30ዬሱ̈ሳር ፋዝ ዎልቃ ፌ̈ጋልዳፖ̇ ኬስኪ̇ኖን ኤሊ̇ባር ኤራሪ ዎርዣ̈ክ ቢሪንታ̇ሪ “ታ ኣፊሊን ዎ̈ሺኖ ኦ̈ኖ?” ጋ̈ር ኦይጪ̇ዴ። 31ኢ ታማ̈ራን ኢ̈ክ ጌዪ “ዎርዣ ዓ̈ ዎይ ኔ̈ና ሱጊ ሙታ̇ ዬዚን ቤቃ̇ሙታ̇ዶ̈ራ ‘ታ̈ና ዎ̈ሺኖ ኦ̈ኖ?’ ጋ̈ር ዎዛርፌ̈ን ኦይጫ̇̈ራ?” ጌይዴ።
32ኢያር ፌ̈ና ዎ̈ሺኖ ኦ̈ናኮ ኤራንዳ̇ቦ ጋ̈ሪ ፌ ቡጊዳባር ቢሪንቲ̇ ቤቂ̇ዴ። 33ኣሲንዳ̇ሬ ኢ ኢዝቦ ኦ̈ኖ ባዚን ኤራራ ኢ̈ችባር ጋንዳ ሙታ̇ ኢ ቲ̈ን ሉካ̇ ኬዳ̇ራ ኢዛ ዎዛርፌ̈ን ፋጻንዳ̇ብ ዳንዳኢኖኮ ኢ̈ብ ሶ̈ላዴ። 34ኢያር “ታ ናኢንዴ! ኔ ኣማ̇ኒን ኔ̈ና ፋኔ፤ ዪዚ ሳሮ ሉካ̇ቤ፤ ኔ ዋ̈ዪምፓር ሼ̈ምፓ̇ቤ” ጌይዴ።
35ኢ ቢርት ዪኖ̇ ሶ̈ላምባራ፥ ኣይሁዳን ዎ̈ሳ ኬምቦ ኣላቃ ማ̈ቂኖ ያ̈ሮ̈ሳ ጌይዛ ና̈ሳ ኣ̈ላፖ̇ ኣሲ ዬ̈ሪ ኢ̈ኮ “ኔ ናኢን ዓይቂ̇ኔ፤ ኔ ኣስታማ̈ራ ኣባብ ዋዪራ” ጌይዴ።
36ዬሱ̈ሲ ዪኖ̇ ሲስካሪ ያ̈ሮ̈ሳኮ “ኣማ̇ናብዶኬ ኢ̈ጫ̇ፔ̇” ጌይዴ።
37ዬሱ̈ሲ ጴ̈ጥሮ̈ሳ፣ ዓይቆ̈ባ፣ ዓይቆ̈ብ ኢሻ ዋ̈ኒ̇ሳ ሙታ̇ ፌባር ኤኪ̇ ሉኪ̇ዴ። ዪንፖ̇ ሜላ ኣሲ ፌ ዎሂን ዬ̈ካይፌ̈ኒ ካዪዴ። 38ኢንቲ̇ ያ̈ሮ̈ሳ ኣ̈ል ዬላ̇ዚምባራ ዬሱ̈ሲ ኣሳ ዉይሲዛ̈ዲክ ጌ̈ሊሲዛ̈ዲክ ቤቂ̇ዴ። 39ኬ̈ ጌላሪ ኣሳ̈ኮ “ዓ ዎይ ዉይሳዲክ ጌ̈ሊሳዲክ ኣባ? ናኢን ሱርቂንዶኬ ዓይቃካ̇ይሽዋ” ጌይዴ። 40ኢ ዪ ጌይኖ̈ብ ኣሳ̈ ኢ ጋልዳ ሚ̈ጪ̇ዴ።
ኢያሬ ኣሳን ዎይ ዛ̈ና ኬሳ̇ሪ ናኢን ባ̈ባ̈ዲክ ኢንዲንዲኬ ኤካ̇ሪ ፌ ታማ̈ራንባር ዎል ማ̈ቃ̇ሪ ናኢን ሱርቃ̇ ዎ ቤሲ̇ን ጋል ጌሊዴ። 41ኢናፖ̇ ናኢን ኩሺን ኤ̈̇ሪ “ጣ̈ሊታ ኩ̈ም” ጌይዴ። ኢዝ ቢርሺቺ̇ንዳሬ “ኣ̈ሽ ናኢንዴ! ዲንዳቤ” ጌንቴ። 42ኢዛ ታጶ ናምኢ ላይ ናኢዶ̈ራ ኤሊ̇ባር ዲንዳር̇ ኤቃ̇ራ ጌዳክ ዓኒክ ዬ ኤ̈̇ዴ። ኣሳ ዪ ቤቃ̇ሪ ዎይሊን ጋራ̇ሚንቲዴ። 43ኢያሬ “ቴ ኢዞ ፋኖን ኦ̈ባካር ሶ̈ላፒ̇ቴ” ጋ̈ር ኢንታ ኪ̈ታሪ “ናኢምቦ̇ ሙይዝ ባዝ ኢሚ̇ብቴ” ጌይዴ።
Trenutno izabrano:
ማ̈ርቆ̈ሳ 5: ኦጫ̈ቃማ
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
