Panagnaan 5
5
Siga panubuꞌ Boꞌ Adam ka Sitti Hawa
1-2Na balik ta pa jaman Tuhan bay mapayak manusiyaꞌ, yana si Adam ka si Hawa, lay pinabuwat meꞌ na ni limbagan arat-tabiat na. Pag-anu, boꞌ da sinupaatan meꞌ na sampay inawnan “manusiyaꞌ”.
Na ituu batnaa yana listahan ga panubuꞌ si Adam.
3Pag taabut dahatus tallumpūꞌ taun umu si Adam, lay na baw ya anakan disu lalla inawnan si Set. Si Set ilay nutu arat-tabiat mmaꞌ na sampay dagbos na. 4Paddus si Set bay pinamaddihan, lay gi pasampun umu si Adam wawuꞌ hatus taun, sampay luu gi anak na sarī, danda-lalla. 5Na bong tinibuuk umu si Adam labbasakayi, luu siyam hatus tallumpūꞌ taun boꞌ na lay matoy.
6Pag taabut dahatus liman taun umu si Set, luu na anak na lalla inawnan si Inos. 7Paddus si Inos bay pinamaddihan, lay gi pasampun umu si Set wawuꞌ hatus pitun taun, sampay luu gi anak na sarī, danda-lalla. 8Na bong tinibuuk umu si Set labbasakayi, luu siyam hatus sapu-duwan taun boꞌ na lay matoy.
9Pag taabut siyampūꞌ taun umu si Inos, luu na anak na lalla inawnan si Kenan. 10Paddus si Kenan bay pinamaddihan, lay gi pasampun umu si Inos wawuꞌ hatus sapu-liman taun, sampay luu gi anak na sarī, danda-lalla. 11Na bong tinibuuk umu si Inos labbasakayi, luu siyam hatus liman taun boꞌ na lay matoy.
12Pag taabut pitumpūꞌ taun umu si Kenan, luu na anak na lalla inawnan si Mahalalel. 13Paddus si Mahalalel bay pinamaddihan, lay gi pasampun umu si Kenan wawuꞌ hatus mpatpūꞌ taun, sampay luu gi anak na sarī, danda-lalla. 14Na bong tinibuuk umu si Kenan labbasakayi, luu siyam hatus sapun taun boꞌ na lay matoy.
15Pag taabut nnompuꞌ-liman taun umu si Mahalalel, luu na anak na lalla inawnan si Jared. 16Paddus si Jared bay pinamaddihan, lay gi pasampun umu si Mahalalel wawuꞌ hatus tallumpūꞌ taun, sampay luu gi anak na sarī, danda-lalla. 17Na bong tinibuuk umu si Mahalalel labbasakayi, luu wawuꞌ hatus siyampuꞌ-liman taun boꞌ na lay matoy.
18Pag taabut dahatus nnompuꞌ-duwan taun umu si Jared, luu na anak na lalla inawnan si Idris. 19Paddus si Idris bay pinamaddihan, lay gi pasampun umu si Jared wawuꞌ hatus taun, sampay luu gi anak na sarī, danda-lalla. 20Na bong tinibuuk umu si Jared labbasakayi, luu siyam hatus nnompuꞌ-duwan taun boꞌ na lay matoy.
21Pag taabut nnompuꞌ-liman taun umu si Idris, luu na anak na lalla inawnan si Metusela. 22Paddus si Metusela bay pinamaddihan, lay gi pasampun umu si Idris tallu hatus taun sampay luu gi anak na sarī, danda-lalla. Na si Idris siꞌ tu, yaꞌ na bakkat meꞌ na lungbid ka Tuhan njawom tallu hatus taun looy. 23-24Dari hangat ya dambuwaꞌ atay ka Tuhan, pag taabut tallu hatus nnompuꞌ-liman taun umu na, lay jaꞌ ya kinaddoꞌ meꞌ Tuhan man taꞌ babaw junyaꞌ. Dari yaꞌ na ya bay pingkaꞌ matoy.
25Pag taabut dahatus umpuꞌ-pitun taun umu si Metusela, luu na anak na lalla inawnan si Lamek. 26Paddus si Lamek bay pinamaddihan, lay gi pasampun umu si Metusela pituꞌ hatus umpuꞌ-duwan taun, sampay luu gi anak na sarī, danda-lalla. 27Na bong tinibuuk umu si Metusela labbasakayi, luu siyam hatus nnompuꞌ-siyam taun boꞌ na lay matoy.
28Pag taabut dahatus umpuꞌ-duwan taun umu si Lamek, luu na anak na lalla. 29Pag-anu, lay inawnan meꞌ na si Nū, hatiyan na “tukang magamgam,” batan yuk si Lamek, “Anak ku itu mintu, iya na magamgaman kitabi njawom katiksaan tabi buwat pa tanaꞌ ma bay sinumpaan leꞌ Tuhan.”
30Paddus si Nū bay pinamaddihan, lay gi pasampun umu si Lamek lima hatus siyampuꞌ-liman taun, sampay luu gi anak na sarī, danda-lalla. 31Na bong tinibuuk umu si Lamek labbasakayi, luu pituꞌ hatus pitumpuꞌ-pitun taun boꞌ na lay matoy.
32Na si Nū siꞌ tu, pag taabut lima hatus taun umu na, bohoꞌ na nagnaꞌ hanak. Song hallom tallu na anak na lalla, yana ga si Sem, si Ham, ka si Japet.
Trenutno izabrano:
Panagnaan 5: sjm
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© 2021, Wycliffe Bible Translators, Inc. All rights reserved.