Махьтвеест 13
13
Коалмэмплогант алкхэш.
1А тэн піейве ливтій Исус пэртест и ыштій міэр‐гурре.
2И коаккань сонне іеннэг олмнеттед, нит што сон мэный вэнсе и ыштій; а олмо пук чуньчун рындест.
3И сон уэпест синыйт іеннэг арьвдуссій гуэйм, сарнай: кич, ливтій кальвей кальвед.
4И куэсь сон кэльвій, мутам кэччій чухко лузэ; и путтин лоньде, и нухкун тэн.
5Мутам вырій кіедг сайя, коӈге ляй ванас іем?-?неттед; и вактинне шэндэшкудій, тэн гуэйк што ляй іемне сіеӈкь.
6Ну куэсь пайен піейв; кошкешгудій, і кохт сонст ій линч уэньдес, кошкій.
7Мутам кэччій чохкей‐мисткій кэське, и шэнтин чохкей‐мистеге, и сонэ техпин.
8Мутам кэччій шиг іемнья, и путій шантайт; эхт шэндій чуэтсинче, нумпь кутлогелинче, а іерес колмлогелинче.
9Кіест линчин піельле куллэд, ань кул.
10И путтин уэпсуввэе и цилхкин сонне: мэн?-?гуэйк арьвдусій‐гуэйм сарнах сійе?
11Сон сійе цилькій вуэста: тэн‐гуэйк, што тійе ли антанч титтед альм‐царства пяйхтэзійт, а сійе ій лях антанч.
12Тэн гуэйк што кіест ли, сонне аньтет и сонст лянч іеннэг; а кіест ій лях, сонст вальтет и тэн ми ли.
13Тэн гуэйк сарнам сійе арьвдусій гуэйм, што сій уйнеб, и іеб уйн, и куллэб и іеб антешт.
14И сійе лянч Исайя пророк сарнмуж мильт, ку сарн: кулмужійн кулбеттед и іеппед антешт, и чельмій гуэйм линчбеттед кихчед и іеппед уйн.
15Тэн мильт што тэйн олмыйн кутьке шэнтин кэррас, и пильлій‐гуэйм поанналла куллэб, и чельмійдис омпхин, тэн варас што іеб уйнче чельмій гуэйм и іеб кулче пильлій гуэйм, и іеб антшихче кутькійнис, и іеб мацче, што мун синыйт тирвхат?-?чимъ.
16А оазлэж ліеб тинэ чальме, готь уйнеб, и тинэ піельле, го куллэб.
17Вуйкест тійе сарнам: іеннэг пророкеттед и вуйк‐олмнеттед тахтун уйнед, мэйт тій уйнбеттед, и іеб уйнанч, и куллэд мэйт тій кулбеттед, и сій іеб кулманч.
18Те тій куллэд, ми ли арвдэс кальвее баяс.
19Юкьинче, ку кулый сане царства баяс и ант?-?шанч ій, поттал тортмас и кышк тэйт іерс сайя, мэк лійин калванч сонэ кутькест: тат ли тэт, ми ляй калванч чуэкас гурре.
20А ку ляй калванч кіедг‐пайкест, ли тэт, кіе кул сане и раммэст валт сонэ;
21А ій лях сонст уэньтес, и сон ій лях равас; куэсь шант пяццель или вуехемуш сане гуэйк, сон вактиньне віерехув.
22А ку ляй калванч чохкемъ‐мисткій кэске, ли тэтъ, ку кул сане, а тан альм вул и ваптэг‐вудэ вуе?-?хэлмуш тахп сане, и сон ли шантайха.
23А ку ляй калванч шиг іемней альн, ли тэт, кіе кул сане и анташт, ку и ли шантай‐гуэймъ, нит што мутам похт шантайт чуэтлинче, а іерес кутлогелинче, а іерес колмлогелинче.
24Нумпь арвдэз сон сійе сарнай, и цилькій: альм‐царства ли эвт налла олмыйн, ку кэльвій шиг калвмужійт иджес пилто.
25А куэсь олмо уттин, пудій сонэ вуэстланч и кэльвій нюэзес разе пшеницай кэске и паго вульгій.
26Куэсь шэндій суйн и идій шант; танна идій и нюэзес рась?
27Ну путтин хозьен пакэлвэз и цилхкин сонне: шур олмунч! Ык тон шиг калвмужійт калванч иджант пилто? Кость шыт путтин тогэ нюэзес разь?
28Ну сон цилькій сійе: вуэстланч туишт тэн. А пакэлвэз сонне цилхкин: татних, мій вулькеп, валь?-?теп синыйт паго?
29А сон цилькій: ым тат; што тій, куэсь тій вальтбеттед нюэзес разе, іеппед радэче пшеница эвтест синый гуэйм.
30Куттед эвтест шэнтед сійе тэт и нумпь чухпем райе; и чухпем бале мун цялкам чухпьійт: копчед эвтлест нюэзес разе и коррэд синыйт тохкен, пуэль?-?тем варас; а пшеница копчед мунэ айхта.
31Іерес арвдэз сон сійе пиій, цилькій: альм царства ли эвт налла горчица сіемайн, кон олмунч вальдій и кэльвій иджес пилто,
32Ку ли уцмус пукый сіемай, а пайдикке куэсь сон шант, ли шурямп пукый шэнтьій, и чунчхув муррэн, нит што пуэттеб альм лоньде и катчэттеб сонэ ув?-?сій вуэлла.
33Іерес арвдэз сійе цилькій: альм царства ли эвт налла вашнь‐тайкнійн, кон нызан олмунч вальтій и пиій колм мярра яввэд, кон райя іеб пук куцханч.
34Пук тэлайте Исус сарнай олмыйт арвдэссен, и арвдэзійха ій сарнанч сійе;
35Што лянч теде мильт, ми ля сарнанч пайель пророк, ку сарн: мун арвдэзійн аведам иччан няльме, сар?-?нэшкоадам тэн, ми ляй пяйхтанч тан альме сіеттем раест.
36Танна Исус луштій олмыйт и мэный пэрьхте. И путтин сонне сонэ уэпсуввэе и цилхкин: ціельк мійе арвдэз пялд нюэзес разе варас.
37А сон сійе цилькій вуэста: ку калв шиг калвмужійт, ли олмо альк.
38Пялт ли тат альм; шиг калвмуж ліеб царства альге; а нюэзес рась ли тортмэзэ альге;
39Вуэстланч, ку синыйт кэльвій, ли цуэрьхт; чухпмуш ли тан альме путмуш, а чухпэе ліеб іеӈкал.
40Тан мильт готь копчет нюэзес суйнійт, и толыйн пуэльтет, нит лянч тан альме путтэм пале.
41Вулгахт олмо альк иджес іеӈклійт, и сій копчеб сонэ царствест пук вуехэлмужійт и кок іеллеб закон вуэста;
42І суэхпеб синыйт тол‐кивкна, тамбет лянч рякмуш и паній гуэйм кацкмуш.
43Танна вуйк‐олмо чувнеб, го піейв, иджес адже царствест. Кіест ліеб піельле куллэд, ань култал!
44Вял: альм‐царства ли эвт‐налла пяйхт‐еалайн, ку ли пялдест кахтанч, кон олмунч ковній и пійтій, и раммэст сонэ варас ман и міек пук, ми сонст ли, и оаст тэн пялт.
45Вял: ли альм царства эвт налла кахпьэзійн, ку оц шиг земчугійт,
46Ку куэсь ковній эвт калшес земчуг, вульгій, мигій пук, ми сонст ляй, и устій сонэ.
47Вял: ли альм‐царства эвт налла нутійн, ку ли суэхпма міерре и валт юкке налшем кулійт,
48Кон, куэсь сон шэндій тивтэ, киссиш рынту, ды ыштиш и копчиш шиг (кулійт) астья, а нюэзь суэхпь?-?ин паго.
49Нит лянч тан альме путмен: вулькеб іеӈкал и ратькеб пас олмыйт вуйк олмыйн паго;
50И суэхпьеб синыйт тол кивкна: и тампе лянч луэйхкмуш и кацкьмуш паній гуэйм.
51И кэджій синест Исус: антшійт, іеппед тан пук? Сій сарнеб сонне: антшим Господи!
52А сон цилькій сійе: тан мильт ли юкке кирь‐кит, уэпсанч альм‐царство, эвт налла хозьенійн, ку куэнт олгус иджес еал‐айтест от и уэм.
53И куэс Исус луптій тайт арвдэзійт, вульгій тамбет.
54И куэсь сон пудій иджес адже‐іемня, сон уэпист синыйт синэ синагогыйн, нит што тэвэхушшин, и сарнун: кость сонне мука милвес‐вут и самэ?
55Вае сон пэрхт‐чіепе альк ли? Вае сонэ іен коччай Маріен, и сонэ вильле нэммед мильт Як и Іосій, и Сымман, и Іуда?
56И вай сонэ уэрьпене пук ліеб миній кэскест? Кость танна сонне так пук путтим?
57И віерхуввин сонст. А Исус цилькій сійе: ій ля пророк іерс саест цыстха, го иджес адже‐іемнест и куэдьсес.
58И тампет сон ій туешанч іеннэг уйнахтем туійт синэ віерхемвудэ гуэйк.
Trenutno izabrano:
Махьтвеест 13: Kildin
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
