Махьтвеест 12
12
Кухтэмплогант алкхэш.
1Тэн пале мэный Исус пайель калванч пялдэ сувет; а сонэ уэпсуввэе лійин нялкманч и алькен кышкед суйн‐ладьвійт и поррэд.
2Фарисее куэсь сій уйнин тэн, цилхкин сонне: кич, тонэ уэпсуввэе туешеб тэн, мэн ій шит туешед сувет.
3И сон цилькій сійе: вай тій іеппед локманч, мэйт туишт Давыд, куэсь сон ляй нялкманч ич и тэк, кок лійин соныйн эвтест?
4Кохт сон мэный Иммель пэрьхте и порый вузьхем лійбійт, койт ій быттанч сонне поррэд ни тэйт, кок лійин соныйн, а эвтыйт папыйт?
5Или тій іеппед локманч закнест, што сувхій мильт пап ціерьквест іеллеб сувет вуэста, пай‐ше сій іеб лях віере?
6Ну сарнам тійе, тасьт ли тэт, ку ли шурямп ціерькветтед.
7Го тій тидчиппед, ми тат ли: лавведвудэ татам, а ым лайхійт, то іеппед віерхехчбеттед віерьхеммес.
8Тэн гуэйк што олмо альк ли шур суввет альн.
9І куэсь сон вульгій тампет, мэный сон синэ синагокке.
10І кич, тампе ляй олмунч, кон олмусьт ляй кошк кит; и кэччиш Исусест, сонэ віерьхеме варас: оай, ій лэхцед сувхійн?
11Ну сон цилькій сійе: кіе тіенест, кіест ли эхт лампес, готь сон суввет іор авта, ій вальт ди ни кіезь ій сонэ?
12А мэн віерьт ли олмунч пурямп лампсеттед! І нит оай сувьхій мильт туешед пуре.
13Танна сон сарн тэн олмне: вуйке иджант кидэ; и сон вуйгій, и шэндій кит тирвас готь нумпь.
14А Фарисее лихтин олгус и кэскнис юрьтин сонэ вуэста, кохт сонэ майкед. А Исус тидист и вулгій томпе.
15Сонэ мильт вулгій іеннэг олмнеттед и сон тирвхэттій синійт пук.
16И кильдій синійт сарнмен Иджес баяс.
17Што лянч нит готь ли сарнманч пайель пророк Исайя, ку сарн:
18Кич, мунэ пахкем‐парьн, кон валшим, шаб?-?шанч мунэ парьн, коз мунэ инк аяст пурійт. Мун пиям иччан вуйӈас сонэ элэ, и сон туяшт сагэ судэ баяс олмыйт.
19Сон ій сарн вуэста ни кукхэл ій, и ни кіе ій кулэ іэтксійн сонэ инэ.
20Кэскмурьтем суйне сон ій мурд, и сув‐пилвсійт сон ій часкед, кон ій путь оайхтмуж сутте.
21И сонэ нэмме олмо оскешгуэттеб.
22Танна пухтиш сонне цуэрхтла чальмхем и нюхчмахтем; и тирвхэттій сонэ, нит што чальмхем и нюхчмахтем альгій сарнед и уйнед.
23И тывтушшин пук олмо и сарнун: вае тат ли Христос, Давыд альк?
24А Фариссе куэсь сій куллин тан, цилхкин: сон ій вуехт цурьтійт іерес налла го віельзевул, цурьтій шуремуз самай‐гуэйм.
25А Исус, ку тидій синэ юрткійт, цилькій сійе: юкке царства, ку раткый ичнис, лянч курас; и юкке лэн или пэрхт, ку раткый ичнис, ій линче чуэнчед.
26И готь сатана сатана вуяхт, сон раткый ичнис: кохт танна чуэнч сонэ царства?
27И готь мун віельзевулэ самай‐гуэйм вуехам цурьтійт, то тинэ альге кіен сій самай‐гуэйм вуехеб? Тэн мильт сій линчин тійе судьен.
28А го мун Иммель вуӈсійн вуехам цурьтійт, то танна пудій тійе Иммель царства.
29Или, кохт оай кіе мэннед самъес олмо пэрхте и сонэ еалайт вальтед, готь эвтель ій кор сам‐олмо? и танна анест сонэ пэрхт‐сиску.
30Кіе ій лях муныйн, тэт ло мунэ вуэста, и кіе ій копч муныйн, тэт пидгай.
31Тад мильт сарнам тійе: юкке ріехк и лайхт?-?муш куэтьеб олмыйт; а лайхмуш вуйӈас вуэста ій линче куэттанч олмыйт.
32Кіе цялхк сане олмо альг элэ; куэтъеб сонне тэк ріек; а кіе цялхк Пась‐вуйӈас элэ, тэк ріек іеб линче куэттанч ни таде альмест ни туде.
33Или тан мурэ локбеттед шиг муррэн и сонэ шантайт шикнен; или локбеттед мурэ нюэссен и сонэ шантайт нюэссен; тэн гуэйк што мур тидет шантай мильт.
34Кувдэ шэнтус: кохт тій уэйбеттед сарнед шиг сагыйт, го тій ліеппед пак? Тэн гуэйк што кутьке тивдасвудест няльм сарн.
35Шиг олмунч похт шиг еалайн шикнійт; и нюэзес олмунч похт нюзійт нюэзес еалайн.
36А тійе сарнам: юкке пусьт санест, кон ціелх?-?кеб олмо, сій аньтеб сане вуэста судэ піейве.
37Иджант сагыйн вуйкдужах и иджант сагыйн линчих віерьхувма.
38Танна куэ‐ля‐кок кирь‐кидійн и фарисеійн цилхкин: Уэпсей! Татчип мій тонст уйнед вузьхемуж.
39А сон цилькій сійе вуэста: нюэзес и ріехк‐туешей пулвдэк оц вузьхемуж, и ій антэд сонне іерес вузьхемуш, го пророк Іона вузьхемуш.
40Готь Іона ляй валлас човье сисн колм піейве и колм іе, нит и олмо альк лянч іемне кутькест колм піейве и колм іе.
41Ниневитла коццэллэб судэ варас тайн пулв?-?дэгин и сонэ судэшкуэттеб; тэн гуэйк што сій кайдэт?-?тин Іона сагыйн.
42Совь‐горе царица коццал судэ варас тайн пулвдэгыйн и судэшкоат сонэ; тэн гуэйк што сон пудій іемне раійн куллэд Соломон миллэввудэ; и кич, тасть ли шурямп Соломоннэд.
43Куэсь ліехт тортмас вуйӈас олмусьт, танна воттат чадзехеммес пайкій мильт, оц вуэӈӈем‐сае и ій ковн.
44Танна сарн: мун маццам маст иччан пэрхте, косьт мун вулькимъ; и куэсь сон поат, кавн сонэ курас, и ли пашманч и ріевклахтанч.
45Танна вуэлк, и валт милдес киччем нумбійт вуйӈсійт, нюэзямп иччедес, и соаккеб сій тогэ и іеллеб тампед; и ли тэн олмне маӈемунч нюэзямп авть?-?мунчед. Нит лянч и тан нюэзес пулвдэкке.
46Ну куэсь сон вял сарнай олмыйт; сонэ іен и вильле чуньчун олкем‐біельт, и тахтун соныйн сарнед.
47И мутам цилькій сонне: кич, тонэ іен и тонэ вильле чуэньчеб олкемъ‐біельт и тахтэб сарнед тоныйн.
48А сон цилькій вуэста, сарнъя: кіе ли мунэ іен? и кіек ліеб мунэ вильле?
49И вузехт кидійнис иджес уэпсувъій элэ, и цилькій: кич, тасьт ли мунэ іен и мунэ вильле.
50Тэн гуэйк што кіе алк іеллед мунэ альм‐адже тахтмужій мильт; тэт ли мунне виль и уэрьпен и іен.
Trenutno izabrano:
Махьтвеест 12: Kildin
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
