Matayo 14
14
1Lokia nadise Erodi miriro di yi rubi Yesuni tandu dre, 2dre tazo ai adremakandraedre, ki di, Akodi Yoane dia Batisilepi di e; akodi nga dradra ase dre; tai nidise di tai kokoroko nii adre adini o ni lana. 3Erodi dre Yoane rule dise, dre akodi lambezo bagojona Erodiasini tase, ai adrupi Filipoa toko e. 4Yoane dre tale Erodidre dise, ki di, Nidi togi e ko, mi dre adini mozo di. 5Adi kole akodi fule drale di, adi ro dia lezolepi dii roro, aii dreki tusuzo akodi nabi e. 6Erodini kitu tizo di kaca di, Erodiasini mvatoko to nga diaki keto a, Erodi dre lenzezo adise. 7Tai nidise adi ta pa wazo dise, ado nga ya akodi dre zile adi ti di adi fe akodidre. 8Akodi dre adrera’a tai andrena dre tadale dridri di be i lena di, dre tazo, ki di, Mi kafe Yoane dia Batisilepi di ni dri ndakpa a madre nole. 9Tiza adre mokonzi o ni, dre ai pa wale dise, dia lirilepi adi be diise, adi ta a ko fe wa; 10adi dre dia muzo, akodi dri li bagojona. 11I dre akodi dri dozo ndakpa a, dre fezo ajukumvadre: akodi dre dozo andreadre. 12Dia adini tayilepi dii dreki alizo, dreki avo dozo, dreki adini bazo buna; aii dreki lizo tazo Yesudre.
13Yesu koyi tai nidi dre di, adi li nalese kaluṅbana, vo aṅboro di lena kaloma: dia lezolepi dii koyi dre di, aii liki adi vuse pase ba murungu dii ase. 14Adi dre fozo, dre dia lezolepi we dii nozo, adini togo dre tizo aiise, adi dre aiiki dia drafulepi dii tedrizo. 15Kitu kondi di, dia tayilepi dii dreki alizo adi vuna, dre tazo, ki di, Vo aṅboro di e, vese lavudre; mi komu dia lezolepi dii, aii koliro ba na, dre nga ñale di gizo aiise. 16Yesu dre tazo aiidre, ki di, Aii liki angia: mi kofe aiidre ñale. 17Aii dreki tazo adidre, ki di, Ambata nji, kosia iri kodia be ama dreka nole. 18Adi dre tazo, ki di, Mì kado ma vule nole. 19Adi dre tai fezo dia lezolepi diidre aii koliri mbidri; adi dre ambata nji dii dozo, kosia iri dii be, dre mi dora’a buna, adi dre beneditu bazo, dre ambata tupizo, dre fezo dia lezolepi diidre. 20Aii o̱ei dreki ñazo, dreki pizo: nga koroño aii dre ta’ile dii, aii kudu kanji mudri‐dri‐iri. 21Dia nga ñalepi dii dre adrezo ago ngale kutu nji, toko e, anjia be.
22Drañano adi dre dia ai tayilepi dii ozo sile kaluṅbana, aii dreki ziazo dridri ta’ana, adi mu dia lezolepi dii lile ka. 23Tako adi mu dia lezolepi dii lile dre, adi mba kiradrina ngole Nzambe kandra kaloma: nga kani di, adi adre nale kaloma. 24Ñanomvano kaluṅba dre adrezo yi ketogona, yi kakpo kaluṅbaru, lia dre vile aii mise dise. 25Ta lamale ngacise dise vese su nii, adi alida tecibe aii vuna yi drise. 26Dia tayilepi dii kono akodi tecira’a yi drise di, aiiki togo o ta kuku, dre tazo, ki di, Nidi teri e: aii dreki trezo tirise. 27Drañano Yesu dre tazo aiidre, ki di, Mi koci amiki togo; ma e, mi koro nga ko. 28Petero dre ta akozo adi ti, ki di, Miri, mi e dí, mi kofe tai madre, ma koliro mi vuna yi drise. 29Adi dre tazo, ki di, Mi kali. Petero dre asizo kaluṅba ase, dre tecizo yi drise alile Yesu vuna. 30Adi kono lia dre di, adi roro; dre ora’a arile, adi tre, ki di, Miri, mi kopa ma. 31Drañano Yesu dre ai dreka tejizo, dre akodi ruzo, dre tazo akodidre, ki di, A mi ta ka’ile cadi be, mi ka’i ko adose ya? 32Aii komba kaluṅbana dre di, lia adre kiri. 33Dia adrelepi kaluṅbana dii dreki adini ledezo, tara’a, Mi Mva Nzambe adea e pati.
34Aii dreki ziazo ta’ana, aii caki Genesaretena. 35Ago bana di nadii koniki akodi dre di, aii mu la’u nadi ase o̱ei kurukuru, dre dia drafulepi dii dozo o̱ei adi vuna; 36aii dreki akodi ti zizo tawase, aii kotabero teji akodi bongoti: dia tabelepi dii lederuda.
Trenutno izabrano:
Matayo 14: LOG
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
first printed by the British and Foreign Bible Society in 1924 and 1927.
