Markus Dəlahimi
Dəlahimi
Ndə nda tsəfə Mafakə Mənakə na njo nga nyi Yohana Markus. Markus bazhi katə nə Bitrus changhabal cha, ya Bitrus ngə tə dəkar nyi dəhə sə'inda Yesu tə dəka ana sə'inda cha məra. Aku Mafakə Mənakə na nja la'a Yesu ndər mər tləra ana ndər gyalkur. Nja zəndəbiya gyalku rnyi təwa dlədləɓə nyi, cha kura sərtakəu, ana cha farbikər nji ɗanghəu. Yesu tə ɓwanya təkəra kərnyi bəra nacha Zər Ndə cha, nda tə shili aka cha sənda pya cha ga cha dəliya nji ku ləbam səpəla'a.
Markus tə char labar Yesu tə babal, ga chinda dzə na ɓwanya təkəra sənda Yesu tə məra, a da kəl təkəra sənda cha dlədləɓə nə nji ana ɓwanya nyi tanyi wa. Ahir cha dzar ɓwanya dəlahimi tsa'u təkəra Yohana Ndər Mər Baɓtisma ana baɓtisma ba'a dzə nda nja mərtə nyi nə Yesu, təma ngə ndər tsəfə na ghəya na tlər mbandə nji ana dlədləɓə inda Yesu tə məra. Piya hya'ati, ngə shawa Yesu tə dzəgwa ngabiya nyi kushiu, kəl ja, njir dawa tə tsakətə ɗa dza'u. Atə udiyar səlirma nyi i'i, cha dəkar batəbatər tlər Yesu tə dunəya, a da wi kukwanda nyi ana hya'atənyi ku hu ma'a wa.
Trenutno izabrano:
Markus Dəlahimi: hbbNT
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Wycliffe Bible Translators, Inc. and © The Nigeria Bible Translation Trust 2018