Tin teig trub 24
24
Tevj i-sakg lxd auq
1apg-laa-ham Eei Havb Jeiq Lav, koj haig a'q. yem ninb zruj Eei Euvb Euvg zyruq yaag Zeij fu'q pun ninb. 2apg-laa-ham Buaj ninb Havb Jeiq kaub koj Jiaj#24:2 fai zruj pyeiq. uaq taub pru, tovb Tevj ninb kruj Revg Jaab tivb uaq taub, “txb meib Eei puad taaib an Jyenq yia Eei Zamb zwib ka'Diaq mcvj.#24:2 Zamb zwib ka'Diaq fai Zamb zwib Bu'Dovb Qavj. naaiq Euvg leid piuj mevb lyepg yetg liud maiq haib kxiq yeng Eei vcvg waag. 3yia xij meib zyavq Jyenq zyruq, tovb luvb Zauj Dau Eei Tinb huvb, lcvd waag meib maiq lxd ib zang yia yem Jyenq Eei Kaa-naa-an myenb Bu'Dovj Eei sia'q zruj yia Eei txn Eei auq. 4xij zu'g Rwrnj yia Eei lob teib puv, yia Eei Zyenb Ze'q uaq, Tevj yia Eei txn, i-sakg, kxvq auq.”
5pru naaig kaaj, “sij kxvq sia'q maiq Kavq kan yia taaib naaiq nxm teib puv ni? yia xij zu'g fuvj meib Eei txn Rwrnj meib Zwrtq taaib uaq nxm teib puv saa'b?”
6apg-laa-ham kxvq, “Zinb maang maiq tuvq fuvj yia Eei txn Rwrnj uaq nxm teib puv. 7luvb zavg Eei Tinb huvb uaq taub zyruq, txb yia leib Gxi yia Eei tia Eei pyauq, kwavg Jyenq yia Zwrtq seij Eei teib puv. ninb yaag Zauj yia lcvd vcvg waag. ninb kxvq, ‘yia xij zx'q naaiq nxm teib puv pun meib Eei zeib fun.’ zyruq xij Paaiq ninb Eei finb myenb mivb Daavg, meib zyrug haib tu'q taub uaq nxm teib puv Eei sia'q zruj yia Eei Bwavd. 8sij kxvq uaq taub sia'q maiq lcvd Zauj meib taaib naaiq, yia pun meib lcvd liud Eei vcvg waag Jiaj mig a'q. mq paag meib Zinb maang maiq tuvq txb yia Eei txn Rwrnj uaq nxm teib puv og.” 9uaq taub pru zyrug txb ninb Eei puad an Jyenq ninb Eei zyruq, apg-laa-ham, Eei Zamb zwib ka'Diaq mcvj hruq Jyenq lcvd ei naaiq teij waag zruj.
10uaq taub pru zyrug txb Jyenq zyepg taub ninb Eei zyruq Eei lxb Txb Zauj ziaj Euvg maaib Jaab zinb Eei ka'naaiq Zwrtq Jauq mivb me-soj-po-te-mia teig, naa-ho Eei zivb. 11Tauj zivb ka'Eiag mcvj, ninb pun lxb Txb kweig Fiag uamb Kwrtq Len. uaq zang luvb maanb Mwavj a'q, txij zu'g msia'q txn Zwrtq taaib zaavb uam Eei zyavb hog.
12uaq taub pru tauj kauj kxvq, “o zyruq, yia Eei zyruq, apg-laa-ham, Eei Tinb huvb aa'b! Toq Tevj yia ib Nxi zruj tu'q zyavj yia lcvd Eei waag. Toq meib yaag zruj lovj pun yia Eei zyruq, apg-laa-ham. 13yia sruq Jyenq naaiq uamb zivq Len. yem naaiq nxm zivb Eei sia'q ib zang Zwrtq taaib zaavb uam. 14yia xij Zauj taub sia'q kxvq, ‘Toq meib puvj meib naaig niab ha'lrub Fiag pun teij uam yia hopq og.’ sij kxvq uaq taub sia'q kxvq, ‘tomb kxj aag, kunq hopq maa'b! yia Zxg cvj xij pun uam meib Eei lxb Txb hopq’ nx, yia zyrug hiuq tu'q meib kinq uaq taub taaib zruj meib Eei pru, i-sakg, Eei auq a'q. sij kxvq Navq naaiq nx, yia hiuq tu'q meib za'kevb zruj lovj pun yia Eei zyruq.”
15tauj kauj zuvq maiq kcvb setq, maaib taub sia'q, Buaj heug le-Be-Kaa, Daam Jyenq niab ha'lrub Zwrtq taaib. le-Be-Kaa se Be-Tu-en Eei sia'q. le-Be-Kaa Eei kuj heug min-Kaa. min-Kaa zruj naa-ho Eei auq. naa-ho zruj apg-laa-ham Eei yrud. 16naaiq taub sia'q zyavb tu'q Rweig haig yaag maiq kcvb Ryaaug Jiaj txn. ninb Fiag Tauj uamb zivq zaavb uam pwavq ha'lrub cvj faauj taaib.
17apg-laa-ham Eei pru zyrug Tiuj Jyenq mivb Tauj sia'q Eei ka'Len kxvq, “Toq pun teij meib naaig niab ha'lrub Eei uam yia hopq og.”
18uaq taub sia'q kxvq, “tomb kxj aag, kunq hopq maa'b!” sia'q zyrug puvj niab ha'lrub Fiag Ba'taub, prub Jyenq pun ninb hopq.
19ninb hopq liud uam, sia'q cvj kxvq, “yia Zxg xij mivb zaavb uam pun meib Eei lxb Txb hopq peuq.” 20ninb zyrug kaanq Jyenq toj niab ha'lrub Eei uam an uaq zob pun lxb Txb hopq. cvj Tiuj mivb uamb Kwrtq uaq zaavb uam pun ninb Eei taub taub lxb Txb hopq. 21uaq taub pru sruq Jyenq uaq maiq Ko lo, samj mavg kaaj, zyruq Tevj ninb zruj zyavj ziuj ninb Zwrtq taaib zruj Eei kov fai ni?
22lxb Txb hopq liud uam, uaq taub pru zx'q nxm Jyemb Ba'zxvb Yun, Niab taaub yetg zinb faamb pwrn,#24:22 yetg zinb faamb pwrn hipq-lu waag kxvq yetg Be-Kaa. se leib maiq ko 5.5 kam. cvj zx'q txij Jyem Eei Jyemb, Niab taaub faamb luvd,#24:22 faamb luvd hipq-lu waag kxvq 10 se-Kenj. se leib maiq ko 110 kam. pun uaq taub sia'q. 23uaq taub pru naaig, “Toq Buaj yia, meib haiq taub Eei sia'q? meib Eei tia Eei pyauq maaib txvj pun yia Bua pweij mwrnd fai?”
24sia'q tau, “yia Be-Tu-en Eei sia'q. yia Eei ov heug naa-ho. kuj heug min-Kaa.” 25ninb cvj kxvq, “yia Bua Eei pyauq maaib miaq maaib Byaub Gaauq Zamq Eei wij scvb Kuq. yaag maaib txvj pun meib pweij.”
26uaq taub pru zyrug kweig Fiag Dau paaij zyruq. 27ninb kxvq, “Zev zyruq, yia Eei zyruq, apg-laa-ham, Eei Tinb huvb. zyruq maiq kwavg lcvd Jiaj Eei vcvg waag, zuvq zyepg zua'q Eei zruj lovj pun yia Eei zyruq. yia kanb c'q, zyruq txb Jauq Tauj yia Eei zyruq, apg-laa-ham, Eei Zyenb Ze'q Eei pyauq.”
28sia'q Tiuj Jyenq Rwrnj mivb, zx'q naaiq teij Jaub lrug Buaj ninb Eei maa Zauj pyauq zov myenb. 29le-Be-Kaa maaib taub kxj, Buaj heug laa-Baan. laa-Baan kaanq Jyenq mivb uaq uamb zivq lxd uaq taub myenb. 30laa-Baan pwatg liud ninb Eei muag tavb Jyenq Eei Ba'zxvb Yun Zauj puab Jyemb, yaag haid ninb kxvq Revg uaq taub myenb kxvq Eei waag, ninb zyrug Zwrtq mivb lxd uaq taub myenb. pwatg ninb sruq Jyenq lxb Txb ka'Len nitq uamb zivq. 31laa-Baan kxvq, “taaib og. meib se zyruq Zeij fu'q Eei myenb. meib fuvg sruq Jyenq ka'Eiag Navq? yia zuvq liug leid pyauq yaag liug leid zyavj lxb Txb yem Eei txvj.”
32uaq taub pru zyrug pia'g pyauq mig a'q. laa-Baan prub lxb Txb Eei txj Fiag, cvj zx'q Byaub Gaauq zx'q miaq pun lxb Txb Eang. ninb lxd uam pun apg-laa-ham Eei pru Zauj kan apg-laa-ham Eei pru taaib Eei myenb Raauj zauj. 33Beng zyavj Naavj, heug apg-laa-ham Eei pru Eang mq paag ninb kxvq, “yia maiq kcvb Eang og. zuaq yia kxvq Revg yia taaib Eei Jaub lrug Zivj Eang.”
laa-Baan kxvq, “maaib haiq Euvg, kunq kxvq maa'b!”
34uaq taub pru kxvq, “yia se apg-laa-ham Eei pru. 35zyruq za'kevb Zeij fu'q yia Eei zyruq, apg-laa-ham, Zamq haig, pun ninb putq zxib haig, maaib vovb, maaib pa'ki yuvb, maaib yuvb Zamq, yaag maaib Jyem maaib Eaanb, maaib nrub kauq nrub peid, maaib lxb Txb Zauj lxb. 36yia Eei zyruq Eei auq, saa-laa, Havb Jeiq koj Eei zyavb hog, yuvd tu'q taub txn pun yia Eei zyruq. yia Eei zyruq maaib Eei Euvb Euvg ninb Jiu pun uaq taub txn mig a'q. 37yia Eei zyruq heug yia Zauj ninb lcvd Jiaj vcvg waag kxvq, ‘maiq tuvq lxd tovb ib zang yem Jyenq naaiq nxm Kaa-naa-an teib puv Eei sia'q pun yia Eei txn lovg zruj auq. 38xij zu'g Rwrnj yia Eei tia Eei zruq zavg myenb Zauj yia Eei Zyenb Ze'q Tevj yia Eei txn lxd taub sia'q zruj auq.’+”
39“yia cvj naaig kaaj yia Eei zyruq, ‘sij kxvq uaq taub sia'q maiq Kavq kan yia taaib ni?’+”
40“yia Eei zyruq tau, ‘tovb yia pua'g zavg Eei zyruq xij Paaiq ninb Eei finb myenb Zauj meib mivb Tevj meib zruj tu'q zyavj ziuj meib Zwrtq Jauq zruj Eei kov. meib xij zu'g lxd taub yia Eei Zyenb Ze'q Eei sia'q, yia Eei tia Eei zruq zavg myenb, pun yia Eei txn lovg zruj auq. 41meib mivb Tauj yia Eei Zyenb Ze'q uaq, meib Zauj yia lcvd Eei vcvg waag zyrug Jiaj mig a'q. maiq kunq ninb Bua maiq pun sia'q meib, meib Zauj yia lcvd Eei vcvg waag Jiaj mig a'q.’+”
42“ib Nxi yia Tauj uaq uamb Kwrtq Len, yia tauj kauj kxvq, ‘zyruq, yia Eei zyruq, apg-laa-ham, Eei Tinb huvb aa'b! Toq Tevj yia zruj zyavj yia Zwrtq Jauq taaib zruj Eei kov. 43ib zang yia sruq Jyenq naaiq uamb zivq Len. maaib taub sia'q Zwrtq taaib zaavb uam yia xij kxvq, “Toq teij meib Eei niab ha'lrub Eei uam hopq og.” 44sij kxvq ninb kxvq, “kunq hopq maa'b! yia yaag xij zaavb uam pun meib Eei lxb Txb hopq” nx, yia zyrug hiuq tu'q tovb uaq taub sia'q zyruq tivg taaib zruj yia Eei zyruq Eei txn Eei auq.’
45“yia yem Hruq tauj kauj zuvq maiq kcvb setq, le-Be-Kaa zyrug Daam Jyenq niab ha'lrub Zwrtq taaib. ninb Fiag Tauj uamb zivq zaavb uam, yia zyrug Buaj ninb, ‘Toq teij uam hopq og.’
46“ninb zyrug syepg syepq Eei puvj niab ha'lrub Fiag Ba'taub yaag kxvq, ‘kunq hopq maa'b! yia cvj zaavb uam pun meib Eei lxb Txb hopq.’ yia zyrug hopq. ninb cvj zaavb uam pun lxb Txb hopq.
47“yia cvj naaig ninb, ‘meib haiq taub Eei sia'q?’
“ninb tau, ‘yia Be-Tu-en Eei sia'q. yia Eei ov heug naa-ho. kuj heug min-Kaa.’
“yia zyrug zx'q Ba'zxvb Yun tavb Jyenq ninb Eei Ba'zxv, cvj zx'q Jyemb tavb Jyenq ninb Eei puad. 48yia yaag kweig Fiag paaij zyruq. yia Zev zyruq, yia Eei zyruq, apg-laa-ham, Eei Tinb huvb. ninb txb yia mivb tu'q zu'g Jauq, pun yia lxd tu'q yia Eei zyruq Eei yrud Eei sia'g fun zruj yia Eei zyruq Eei Bwavd. 49ib zang sij kxvq meib a'Neiq zyepg zua'q Eei zruj txij yia Eei zyruq Eei waag, Toq Buaj yia. meib maiq xij zruj nx, Toq Buaj yia, yia Zivj hiuq tu'q xij zu'g Navq haiq nx zruj.”#24:49 hipq-lu waag kxvq “Win zaaij fai Win Byaaug”.
50laa-Baan Zauj Be-Tu-en tau, “naaiq teij Jauq se yem zyruq taaib. yia Bua maiq haib Zauj meib kxvq lovj fai Zyruq. 51le-Be-Kaa mtaaib yem naaiq Eei. kunq txb ninb mivb zruj meib Eei zyruq Eei Bwavd a'q, Navq zyruq Tinb huvb kxvq nx.”
52apg-laa-ham Eei pru haid ninb Bua Eei waag zyrug Pua'q Fiag Dau paaij zyruq. 53ninb yaag zx'q lovg Jyem lovg Eaanb taaq taaib Eei syrub setq Zauj lwib hruj pun le-Be-Kaa. ninb cvj zx'q Jaaij Eei zivb Eeig pun sia'q Eei kxj Zauj maa. 54apg-laa-ham Eei pru pun liud, ninb Zauj kan ninb taaib Eei myenb zyrug Eang Naavj a'q. Eang liud hopq liud, ninb Bua pweij mwrnd uaq.
ta'Eeig Dxm Jiad sin taaib, uaq taub pru kxvq, “Toq pun yia Rwrnj yia Eei zyruq uaq og.”
55sia'q Eei kxj Zauj ninb Eei maa kxvq, “Toq pun sia'q Zauj yia Bua yem zyepg paaq Nxi liud, Ga'haaq mivb tu'q Eei.”
56uaq taub pru kxvq, “Toq meib Bua maiq tuvq zxq yia weig zu'g zyruq Tevj yia zruj suv yia Eei Jauq mig a'q. Toq pun yia Rwrnj yia Eei zyruq uaq a'q.”
57ninb Bua tau, “uaq Euvg, heug sia'q taaib naaig kaaj ninb Navq haiq nx kxvq.” 58ninb Bua zyrug heug le-Be-Kaa taaib naaig, “meib za'kevb xij kan naaiq taub mJavg txn mivb Eei fai?”
sia'q tau, “mivb Eei.”
59ninb Bua zyrug pun le-Be-Kaa Zauj txb le-Be-Kaa Lo taaib uaq taub pru kan apg-laa-ham Eei pru Bua mivb. 60ninb Bua pwav waag le-Be-Kaa, kxvq Buaj ninb,
“yia Bua Eei muag aag,
Toq pun meib zruj ziaj Zin ziaj waang myenb Eei maa.
Toq pun meib Eei zeib fun haib tu'q
Ripg ninb Bua Eei winb wavq Eei zivb.”#24:60 hipq-lu waag kxvq zivb laatg kcvb. peiq mavg Tin teig trub 22:17.
61le-Be-Kaa Zauj ninb Eei msia'q pru Bua Beng Rxib ka'naaiq, keb Jyenq lxb Txb kan Jyenq apg-laa-ham Eei pru Rwrnj. uaq taub pru zyrug Zwrtq Jauq txb Jyenq le-Be-Kaa mivb a'q.
62i-sakg yem Be-e-laa-hai-lxi#24:62 peiq mavg Tin teig trub 16:14. teib puvb Waav Rwrnj weig zu'g uaq zang ninb yem ne-kepg.
63maaib Nxi luvb maanb Mwavj, i-sakg Zwrtq mivb saau uaq Deig. ninb Zau Myen pwatg kwanb lxb Txb huvj Jyenq taaib. 64le-Be-Kaa yaag Zau Myen pwatg i-sakg zyrug Fiag lxb Txb taaib 65naaig kaaj apg-laa-ham Eei pru, “yem uaq Deig huvj Jyenq Bua taaib uaq taub myenb se haiq taub?”
uaq taub pru kxvq, “ninb zruj yia Eei zyruq.” le-Be-Kaa zyrug zx'q Kwaaiq Dia pwav Jyenq kanb Eei Myen.
66uaq taub pru zyrug kxvq Revg ninb Eei Jaub lrug pun i-sakg mwavj. 67i-sakg zyrug txb Jyenq le-Be-Kaa pia'g i-sakg Eei maa, saa-laa, Eei Dopg liub. le-Be-Kaa zyrug penj i-sakg Eei auq mig a'q. i-sakg yaag Namq haig ninb. i-sakg zyrug tu'q auq taaib Tevj Jaiq ninb Eei maa taig mivb Eei yrub Raub.
Trenutno izabrano:
Tin teig trub 24: IuMiNOR
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
ฉบับอักษรโรมันโบราณ © Thailand Bible Society, 2007.