Piligu PILIGU
PILIGU
Piligu litaafi ŋɔ wuhirila binshɛɣukam nambu yɛla. Ninsalinim’ piligu mini alahichi ni wahala din be dunia ŋɔ ni piligu ni Naawuni ni niŋ shɛm zaŋ chaŋ ninsalinim’ polo. Litaafi ŋɔ pirigila ʒii buyi: 1) Suura 1-11 wuhirila dunia nambu mini ninsalinim’ biɛhigu piligu ni ha yɛla. Kpe wuhirila Adam mini Awa ni Keen ni Ɛbɛl ni Nuhu mini Kokpɛɣu la ni Babɛl Du’ wɔɣinli la yɛla. 2) Suura 12-50 mi wuhirila Izraɛlnim’ yaannim’ bɛn daŋ tooni biɛhigu yɛla. Ŋun daŋ tooni n-daa nyɛ Ibrahimma ŋun daa niŋ Naawuni yɛda pam ka deer’ o nol’ la. Di nyaaŋa ka o bia Yisahaku min’ o yaaŋa Yaakubu so bɛ ni lan booni Izraɛl la yɛla paya ni Yaakubu bidibisi maa ni yino ŋun yuli daa booni Yisifu la yɛla mini di ni daa niŋ shɛm ka Yaakubu min’ o bidibisi bɛn pahi ni bɛ malibu daa ti yiɣisi kuli Ijipti ti ʒini la.
Litaafi ŋɔ ni wuhiri ninsalinim’ yɛla ŋɔ nyaaŋa, di lan wuhirila Naawuni ni daa niŋ shɛm yɛla. Di piliya wuhi ni Naawuni n-daa nam binshɛɣukam, ka lan wuhi ni Naawuni lo alikauli ni o baɣa kul ni be ninsalinim’ ni. Litaafi ŋɔ puuni wuhiya ni Naawuni n-nyɛ namda ŋun kariti saria ka darigiri bɛn tum taali tibili, ka sɔŋd’ o niriba n-wuhiri ba din tuhi, ka maani bɛ kurimbuni biɛhigu yɛla zaana. Bɛ daa sabi kurimbuni ha litaafi ŋɔ wuhila niriba yɛda niŋbu yɛla ni di sɔŋ chɛ ka bɛ yɛda maa zani.
Din be litaafi ŋɔ puuni
Binshɛɣukam mini ninsal’ nambu 1.1—2.25
Alahichi mini wahala piligu 3.1-24
Adam ʒiɛmani zaŋ ti paai Nuhu ʒiɛmani 4.1—5.32
Nuhu mini kokpɛɣu ʒiɛmani 6.1—10.32
Babɛl du’ wɔɣinli mɛbu 11.1-9
Shɛm ʒiɛmani zaŋ ti paai Ibram ʒiɛmani 11.10-32
Dɔɣirikpamba bɛn nyɛ Ibrahimma mini Yisahaku ni Yaakubu 12.1—35.29
Iso zuliya 36.1-43
Yisifu min’ o biɛyanim’ yɛla 37.1—45.28
Izraɛlnim’ Ijipti kulibu yɛla 46.1—50.26
Currently Selected:
Piligu PILIGU: DBwDB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fsr.png&w=128&q=75)
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.