Маттэ 1
1
1-НЭ ЕДЗЫГЪУЭ
Хьисэ къызыхэкӀа лъэпкъыр
(Лука 3:23-38)
1Даут и къуэмрэ Ибрэхьим и къуэмрэ#1:1 Хьисэ – Хьисэ цӀэм къикӀыр «КъегъэлакӀуэщ». къызыхэкӀа лъэпкъым щыщ Хьисэ#1:1 Даут и къуэр, Ибрэхьим и къуэр – абыхэм я лъэпкъым къытехъукӀа лӀырщ. Мэссихь и хъыбарщ мыр.
2Ибрэхьим Исхьэкъ къыхуалъхуащ; Исхьэкъ Екъуб къыхуалъхуащ; абы Иудэрэ и къуэшхэмрэ къыхуалъхуащ; 3Иудэ Фаресрэ Зарэрэ#1:3 Фаресрэ Зарэрэ – Иудэ зи цӀэм и къуэ зэтӀолъхуэныкъуэхэрщ. Еплъ 1 Мусэ 38:27-30. къыхуалъхуащ; а тӀум я анэм и цӀэр Тамэрэщ; Фарес Есром къыхуалъхуащ; Есром Арам къыхуалъхуащ; 4Арам Аминадав къыхуалъхуащ; Аминадав Наасон къыхуалъхуащ; Наасон Салмон къыхуалъхуащ; 5Салмон Вооз къыхуалъхуащ; Вооз и анэм и цӀэр Рахавщ; Вооз Овид къыхуалъхуащ; Овид и анэм и цӀэр Рутщ; Овид Иессе къыхуалъхуащ; 6Иессе Даут пащтыхьыр къыхуалъхуащ.
Даут пащтыхьым Сэлмэн къыхуалъхуащ; Сэлмэн и анэр Урие зи цӀэм и фызу#1:6 Урие зи цӀэм и фызыр – Вирсавидщ (Батшэбэщ). Еплъ Самуел бегъымбарым и хъыбархэр зэрыт етӀуанэ тхылъым (2-я Царств) 12:24. щытащ. 7Сэлмэн Ровоам къыхуалъхуащ; Ровоам Авие къыхуалъхуащ; Авие Асэ къыхуалъхуащ; 8Асэ Иосафат къыхуалъхуащ; Иосафат Иорам къыхуалъхуащ; Иорам Озие къыхуалъхуащ; 9Озие Иоафам къыхуалъхуащ; Иоафам Ахаз къыхуалъхуащ; Ахаз Езекие къыхуалъхуащ; 10Езекие Манассие къыхуалъхуащ; Манассие Амон къыхуалъхуащ; Амон Иосие къыхуалъхуащ; 11Иосие Иоаким къыхуалъхуащ. Израил цӀыхухэр Бабилэн къалэшхуэм залымыгъэкӀэ щагъэӀэпхъуа лъэхьэнэм#1:11 Бабилэн къалэшхуэм залымыгъэкӀэ щагъэӀэпхъуа лъэхъэнэм – Хьисэ къэхъун и пэкӀэ 598-рэ гъэм Невукаднессэр пащтыхьым и зауэлӀхэм журтхэр залымыгъэкӀэ Бабилэн иригъэшащ. Иоаким Иехониерэ Иехоние и къуэшхэмрэ къыхуалъхуащ.
12Израил цӀыхухэр Бабилэн ягъэӀэпхъуа нэужь,#1:12 Израил цӀыхухэр Бабилэн ягъэӀэпхъуа нэужь – Хьисэ къэхъун и пэкӀэ 538-нэ гъэм, Персие къэралым и кайсар Кир зи цӀэм журтхэр я къэралым къагъэзэжыну хуит ищӀыжащ. Иехоние Салафиил къыхуалъхуащ; Салафиил Зоровавел къыхуалъхуащ; 13Зоровавел Авиуд къыхуалъхуащ; Авиуд Елиаким къыхуалъхуащ; Елиаким Азор къыхуалъхуащ; 14Азор Садок къыхуалъхуащ; Садок Ахим къыхуалъхуащ; Ахим Елиуд къыхуалъхуащ; 15Елиуд Елеазар къыхуалъхуащ; Елеазар Матфан къыхуалъхуащ; Матфан Екъуб къыхуалъхуащ; 16Екъуб Исуф къыхуалъхуащ. Ар МэссихькӀэ* зэджэ Хьисэ къэзылъхуа Мэрием и щхьэгъусэщ.
17Аращи, Ибрэхьим бегъымбарым деж къыщыщӀэдзауэ Даут пащтыхьым деж къэсыху щӀэблэ#1:17 щӀэблэ – адэмрэ и къуэмрэ яку дэлъ лъэхъэнэрщ. пщыкӀуплӀ мэхъу; Даут пащтыхьым деж къыщыщӀэдзауэ израил цӀыхухэр Бабилэн къалэшхуэм залымыгъэкӀэ щагъэӀэпхъуам нэс щӀэблэ пщыкӀуплӀ мэхъу; израил цӀыхухэр Бабилэн щагъэӀэпхъуам къыщыщӀэдзауэ Мэссихь#1:17 Мэссихь – Даут пащтыхьым и унагъуэ лъэпкъым къытехъукӀауэ, бегъымбархэм зэрыжаӀам тету, Израил цӀыхухэм щхьэхуитыныгъэрэ мамыр псэукӀэрэ яригъэгъуэтыну Тхьэм ахэр къызэригъэгугъа пщы лъапӀэр арщ. деж къэсыху щӀэблэ пщыкӀуплӀ мэхъу.
Хьисэ къызэралъхуар
(Лука 2:1-7)
18Хьисэ Мэссихь къызэралъхуар мыпхуэдэущ: Исуф Хьисэ и анэ Мэрием къишэну къыхихат,#1:18 Исуф … Мэрием къишэну къыхихат – журт хабзэм тету лӀы гуэрым къишэну къыхиха хъыджэбзыр къишэну хуэмеижмэ, лӀым къиша и фызыр зэрыригъэкӀыжым хуэдэу, иригъэкӀыжын хуейщ. ауэ ахэр зэрымышэ щӀыкӀэ Тхьэм и Псэ ЛъапӀэм и ӀэмыркӀэ Мэрием уэндэгъуу къыщӀэкӀащ. 19Мэрием илӀ Исуф щыпкъагъэ зигу илъ цӀыхути, Мэрием и напэр цӀыхухэм я пащхьэм щытримыхын щхьэкӀэ, ар щэхуу иригъэкӀыжын мурад ищӀащ.
20Исуф а Ӏуэхум пыхьауэ, Зиусхьэным и мелыӀычыр абы пщӀыхьэпӀэу къыхуэкӀуащ.
– Даут и къуэ Исуф, – къыжиӀащ абы, – Мэрием къэпшэну умышынэ; абы къилъхуну сабийр къызыхэкӀыр Тхьэм и Псэ ЛъапӀэр арщ. 21Мэрием къуэ къыхуэхъунущ икӀи абы цӀэуэ фӀэпщынур Хьисэщ,* абы и лъэпкъым я гуэныхьхэр ящхьэщихынурэ, мыкӀуэду къригъэлынущи.
22А псор апхуэдэу щӀэхъуар Зиусхьэным#1:22-23 Зиусхьэным и псалъэхэр – еплъ Ешайа бегъымбарым и тхылъым 7:14. бегъымбарым игу кърилъхьэу жригъэӀа псалъэхэр пэж хъун щхьэкӀэщ:
23«Хъыджэбзыр лъэщыджэ хъунущ,
къуэи къилъхунущ.
Абы цӀэуэ фӀащынур Еммануилщ.
„Тхьэр ди гъусэщ“,
аращ а цӀэм къикӀыр».
24Исуф къэушри, Зиусхьэным и мелыӀычым къызэрыжриӀам тету зекӀуащ икӀи Мэрием къишащ. 25Ауэ ар къишэн ипэ, Мэрием и япэ къуэр къилъхуащ. Исуф абы цӀэуэ фӀищар Хьисэщ.
Trenutno izabrano:
Маттэ 1: KbdNTGP2017
Istaknuto
Podijeli
Kopiraj
Želiš li da tvoje istaknuto bude sačuvano na svim tvojim uređajima? Kreiraj nalog ili se prijavi
© Библиер зэдзэкӀыным елжь Институт, 1993, 2007, 2011, 2017
