Popularni biblijski stihovi iz Tavaꞌu 1

Podijeli

Xe ili'i, la Lataua muvikala aloxo 'o la, “Ioxe, nenge takoine'i ta mitema mo ixali loxo nenge. Tamuxaxa'a sou isaxila'a ta sinana ilo'a ta ngiala mo ta mimii iouiou latala ane ta temene mo ta vova mo ta mimii iouiou ane ixaxalaxala no lia.” Mukoine'i la mixali loxo anu, Lataua. Mukoine'i ta mulu xe ta sema aloxo anu nesi.

Lataua mualusi'a la muvikala aloxo 'o, “Ngapalaane'i ta 'ilinge tavu'alo mo i'ana'ana no xalexalee lia mo ngasaxisaxila'a ta sinana ilo'a ta ngiala mo ta mimii iouiou ane imauli no lia 'o.”

Tatei manina no voxo ane Lataua musokou sou mukoinu mimii latala loxo loxotolo ilou lia 'o

la lia 'o ne, loxo tamaisou vaimomo 'o uasi. Muxolu muxovulaulau vitanisi mo xalusousi. Isivoxo musu'asou lexa toxoxa'a ia Lataua Uleenusi muxixaoxao no loxou lexa ne.

Ioxe, Lataua muavuti la muvikala aloxo 'o, “Lamana upaa!”, la lamana muxali.

Lataua mumaisi'a ta mimii ane anu molusi mukoine'i la mixali laixe. 'Olovoxo mulai mukalu xe kakau la voxo muxatele vile a mukalu ne.

Anu mumaisou la muxali laixe misevile. Xe muavuti la mukalipala'ane'i lamana ilou isivoxo.

Xe Lataua muavuti la muvikala aloxo 'o la, “Eni aitingenge kamakamakala iouiou mo ovuovu iouiou ane unene'a la ngiangiaxu xe tematemanu ne lexe ngingi la'ilalingenge ane.

Lamana mumoxo'u lexe “Aso” xe isivoxo lexe “'Olovoxo”. 'Olovoxo xe kakau la anu voxo vile a mukalu ne.

Xe ili'i la, la Lataua muvikala aloxo 'o, “Vimelu vile upaa no lexa lixinu mo ukalipala'anu lexa ulai no xalee tamei.”

Mo eni aitixa'a ta mimii iouiou ane imauli no voxosila ilo'a ane'i ane ixaxalaxala no lia mo ta ngiala ia'eia'e iouiou mo ovuovu iouiou volovoloxu mo seseseenu.” La ta mimii ane ne mixali aloxo Lataua muvikala ne.

Xe ili'i la, la Lataua muvikala aloxo 'o, “Ta mimii sou ikaakaa ipaa teitexi no loxotolo sou ikalipala'a aso ilou 'olovoxo xe sou ivikalanengexu voxo iouiou mo voxovoxo mo tauutauu ie.

Xe Lataua muavuti, la muvikala aloxo 'o la, “Lia uxalixu ia'eia'e ilou kamakala xe ovuovu iouiou ane unene'a la uxalixu ngiangiaxu xe tematemanu.” La mimii ane ne, lia muxalixu mukalusi.

La anu vimelu ane ne, muxali vitanisi. Lataua mu'oxonu vimelu ane ne sou utaluxu lexa teitexi xe lexa no lia.

Xe anu mumaisou la muxali laixe.

Lataua muxalixa'a ta mii tamei sou iiei. Vile uiei no aso xe vile sou uiei no 'olovoxo. Anu muxalixa'a ta oto kalumo.

Xe ili'i, la Lataua muvikala aloxo 'o, “Lexa no laaxu loxotolo ulai upita no xalee vile mo sou tani 'esi'esi upaa.” La anu tani 'esi'esi mupaa muxali vitanisi. Tani 'esi'esi ne, anu Lataua mumoxo'u lexe “Lia” xe lexa ane mulai mutavo no xalee vile 'ole ne, mumoxo'u lexe “Luaki”. Xe Lataua mumaisou la muxali laixe.

Xe anu Lataua muavuti la mualusi'a ta mimii ane ne la muvikala aloxo 'o, “Ta mimii iouiou 'o ipaa tavu'alo sou i'ana'ana no luaki. Mo ta ngiangiala ipaa tavu'alo kalumo.”

Xe ili'i la, la Lataua muvikala aloxo 'o, “Ta mimii iouiou ane mauli uxoo noxi'a ipaa no lia 'o. Ane'i ane ta temene mo ane'i ane ta vova ta tatila mo ta kitukitu'a mo ane'i ane ixalaxala.” La ane'i ta mimii ane ne mixali.

Xe ili'i la, la Lataua muvikala aloxo 'o, la “Ta mimii iouiou ane sou lexa tanu no nano, ipaa no lexa sou imauli ukalusi mo ta ngiala iouiou ixali sou ivavava teitexi.”

Xe mumaisi'a la mixali laixe.