Popularni biblijski stihovi iz Yone 10

Podijeli

Asiamo hakimara aporomo makata hakimokoa rukua mokoatikiraka ayiakako perapo. Arirakano aporo hinamo Kotiyaki koteaka risikiasimo ano pesapo. Yumo i su hauaka wo arisiamo Kotimo iane makoterakano hemakapukua, makata su siaraka risike, seseraka ayiáka koteaka risikiasimo ano pesapo.

Saro sipi asekea rera aporo kotesane anopo. ‘Saro sipi koteaka risikiasimo asekea rera aporoane kuane siahoasireapo,’ aíyaka saro sipi asekea rera aporo kotesamo hemakapurapo.

Arirakano nōmo someane nōmo saro sipimo kakimaka kekemarape perakano, nōmo iane hemakapuraka kakaro yaiya risirane karápo. Karakano i hasaka koakosafapo. Iane aporo metamo wasekemaka hakimakosafapo. Saro sipiane nōmo Atamo anoaki kasapo.

Arirakano nōmo someane nōmo saro sipimo kakimaka kekemarape perakano, nōmo iane hemakapuraka kakaro yaiya risirane karápo. Karakano i hasaka koakosafapo. Iane aporo metamo wasekemaka hakimakosafapo. Saro sipiane nōmo Atamo anoaki kasapo.

Ikia koro asiane anopo. Saro sipi ikia koroa yorokoa pesa susuane nōmo asekea rekenapo. I ikia koroa yorokoa pesa susuane makata metamo mokoatikinapaka nōmo mafairaka asekea rekenapo. Ikia koro aeyaka pekea yaoa asane kotesa nako purapo. Aina ayiáka anoaki paosa aporo hinamoane nōmo asekea reke mafasiakosapo.

Arirakano saro sipi asekea rera aporo kotesane anopo. Nōmo Atamo anoaki hemakapukua, nōmo Ataki hemakapukua area ayiáka, nōmo saro sipiane hemakapukua, saro sipimo anoaki hemakapukua ayiáka risirapo. Nōmo saro sipipoko ano kuane siahoasireapo.

Ata ipi kakaro kárapo. Aporo metamo e hurutapirafapo. Saro sipiane ipi asekea rekenapo. Ipi asekea rerasamo aporo metamo hakimakosafapo. Ata eto iti hakása yiyapo.”

Arirakano saro sipi asekea rera aporo kotesane anopo. Nōmo Atamo anoaki hemakapukua, nōmo Ataki hemakapukua area ayiáka, nōmo saro sipiane hemakapukua, saro sipimo anoaki hemakapukua ayiáka risirapo. Nōmo saro sipipoko ano kuane siahoasireapo.

Aporomo hemakapusua aeyaka ano rusua kukusafapo. Nōmo aohoanafonorakanone ane ano rusua kukusifareapo. Nōmo nī hemakapusuane aosasamo ano rusua kukusireapo. Aporomo ano rusua kukusimo nōmo nī hemakapusua aeyaka ano kauane kakakosapo. Ano kukua efera hunia turikia apuramo wakapuaka turikia pukusapo. Aíyaka nōmo Atamo hemakapukua maresapo.” Aíyaka Yasumo somesapo.

Aihoane i himeterakano efera hunia Yasumo someraka, “Nōmo reaki kakaro somerakaripo. Saro sipi keasimo rurusa ikia koro asiane anopo.

Arirakano aporo metamo saro sipi asekea reke mone makosakipoko raiparaka rakirapo. Aporoamo saro sipiane kakaro epo ipi menahoanafonosasamo epo aseane, saro wofe perakano asekea saro sipiane metakarikia takaripurapo. Takaripurakano saro wofemo saro sipi metakirane rukunenakano, metakirane yaoa teketarikia rosaka tarirapo.

Yasumo aporo hinamoaki efera hunia someraka, “Nōmo reaki kakaro somerakaripo. Saro sipi rurusa aporo ikia koro aeyaka peanafonoraka, ruru tipi aeyaka tapikia perakano aporoamo saro sipiane mokoatikiraka hakimako perapo.