Popularni biblijski stihovi iz Ruk. 11

Podijeli

Warí átum imiá yajauchitirmesha atumí uchirí̱ péṉkera nu súchakaitrum. Atumí Aparí̱ nayaimpiniam pujana nu seakrumni̱ṉkia nú naṉkaamas ni Wakaní̱n suramsattawai.” Tu unuiniamiayi.

Tuma asamtai tájarme Yus seatarum túrakrumin suramsattarme. E̱a̱krumka wainkiattarme. ‘Winiajai’ tákurmin awa̱intiámattarme.

Seana núnaka suíniatsuk. E̱a̱na nuka wáintsuk. ‘Winiajai’ tuinia núnaka awa̱iniatsuk.

Tutai Jesus chichaak “Yus áujkuram jú̱nisrum titiarum, Ii Aparí̱ Yus, nayaimpiniam pujamna nu, ii Aparí̱nme. Ame náarmincha shuar ántar pachischarti. Ashí aentsnum ame akupkatin tsawantrum wari jeatí. Ame wakeramuram nayaimpiniam umikma ana núnisaṉ ju̱ nuṉkanmasha uminkiati.

Tura ii nemasri̱ tsaṉkureajnia núnismek Aparu ii yajauch túrutai̱ tumashri̱sha tsaṉkurkarturta. Tunáa wakeruktin tsaṉkamkartukaip. Antsu ashí yajauchinmaya̱ iin aṉkant awajkartusta.”

Aparu ii yurumkari̱ ashí tsawant amasta.

Ame jí̱miji̱a̱i̱ wainkiam nuja̱i̱ wekasatin nekaattame. Tuma asamtai ame jí̱miji̱a̱i̱ péṉker ana nu wáinkiumka péṉker wekasattame antsu ame jí̱miji̱a̱i̱ yajauch ana nu wáinkiumka kiritniunam wekasatniua núnisaṉ yajauchiniam wekasattame.

¿Shirikip ekemákar ú̱ktinkiait? Pitiaknumsha eṉkeashtiniaiti. Antsu shuar je̱á̱ waya̱na nu paant iimsat tusar yakí̱ ekentsatniuiti.