Popularni biblijski stihovi iz Jṉ. 19

Podijeli

Jesussha churuinian naje̱kaa “Ashí túrunatniua nu mash uminkiai” tímiayi. Nuna ti, muuke̱n nená jakamiayi.

Nuyá̱ ashí uminkiamtai Jesus nuna nekáa yaunchu Yus Papinium aarma uminkiati tusa “kitiamajai” tímiayi.

Jesus ni nukurí̱ncha tura ni ti aneamu unuiniamuri̱ncha nui̱ wajan wainiak ni nukurí̱n chicharuk “Nukuru, ju̱ ame uchirmea áintsaṉ atí” timiayi. Nuyá̱ ni unuiniamuri̱ncha chicharuk “Ju̱ ame nukua áintsaṉ atí.” Nu tsawantai̱k nu unuiniamuri̱ ni je̱e̱n jukí̱ awayá̱miayi.

Tura Jesusan weantuk yaunchu jákaiti tusa kaṉkaji̱n kupirtsuk suntar aya páenam ijiumiayi. Ijiumtaisha nu chichamtaik numpa yumiji̱a̱i̱ puármiayi.

Yaunchu Yus Chichamnum aarma uminkiati tusa túrunaiti. “Ni ukunchi̱n kupirkachartatui” tu áarmaiti. Tura chikicha “Ijiuarmiania nuna wáinkiartatui” tu áarmaiti.

Jesussha ni krusri̱ yanakí̱ Kúrkuta nainnium wémiayi. Kúrkuta támaka Israer shuara chichame̱ja̱i̱ṉkia “muuka ukunch” tawai.

Suntarsha Jesusan wishikiainiak tawasap jaṉki najanamun etseṉkrumtikiarmiayi. Yamákái pushincha úunt akupniua áintsaṉ áentsrarmiayi.