Popularni biblijski stihovi iz LUKAS 6

Podijeli

Vulgi slena, slen a vulis tigi nigiya kaw; nigi ma fi dutta-kusta ta ŋaata, ta dakay gaata, ta siri goyta, ta kulfuti goyta. Kay dutta-kusta ta nigi ŋaɓ hiɗi na'ta kayni ma ŋaɓis tigiya hiɗi na'a kaw.

Sa ma ŋaana yaw farayna valam ma ŋaan ay goy hay dikam pa, sa ma joona yaw slena valam ma joona ay goy hay birimna valam pa. Kay sle ma dikga hobay hiɗi namna kayni vunda dum goyo.

May mingi sa gawt kigina, ligi ŋaat tam sumuna, vulgi balla hiɗi varta ta ala nigi ma hot fumuɗi, nala wurakŋa vigi ma li ŋolo, nigi ma muɗ goy gurona vi ma Kulo-Jamna, kay nam li ŋaat tam sa gi deɓɗina hiɗi sa joona.

Ligi slugota, ki bugi li slugota nala kaw.

Kaagi kitatɗi, kay kitat ma kaays kigiɗi kaw. Tungi lawt kay sumunɗi, kay lawt ma tun kigi nigiɗi kaw. Vulgi gida, nala nigi ma fi gida kaw.

May nan digiya, nigi sa ka humanu: Mingi sa gawt kigina, ligi ŋaat tam nisi sa ka gawt kigiya, gigi bolo kay nisi sa beɗgiya, siɗawgi kay nisi sa ligi lasi.

Va ma nigi min ala sumun lum tigiyana, nigi ma lum tisi nisi nala kaw.

La san caŋ hay geliyaŋ ta kepta, muɗ geliyaŋ heta talamu, la san min yaw sligar-tuwna vaŋu, telem sligara vaŋ henɗi kaw. Vul va'a mi sa ma siɗawaŋu, la san yaw slena vaŋawa, hot jobom kalam loɗi.

Gu ma ŋaana ma vuɗ vuɗ gu ma joona mayɗi, gu ma joo ma vuɗ vuɗ gu ma ŋaa mayɗi kaw.

Sa wi gun mige mige kaw kuɗ vuɗna valamu valamu. Sa fi ja vuɗ gu-gumna hay gu-zigiynɗi, sa fi ja gulda-guldan hay gu-zigiynɗi kaw.