Popularni biblijski stihovi iz Chapletajic 2

Podijeli

Rumal c'u ri' ri achi quebuya' can ri u tat u nan rech cätuni' ruc' ri rixokil, ri e quieb quebux na xa jun winak.

Xubij c'u ri Ajawaxel Dios: “Man utz taj chi ri achi xak u tuquiel cäc'ojic. Quinban jun to'l rech ri takal che.”

Are' c'u ri Ajawaxel are xucoj ri puc'uc' ulew che u nuq'uic ri achi, xuxlab c'u pa u tza'm xuya' c'u u c'aslemal. Jeri' ri achi xuchaplej c'aslemal.

Aretak ri Adan xril ri ixok, ruc' quicotemal xubij: “¡Are kas u tz'akatil ri nu ti'jal wa' xukuje' u tz'akatil ri nu bakil! ‘Ixok’ cuchi'x na, che c'u ri achi xresaj wi ri Dios.”

Xutewichi'j c'ut ri uwuk k'ij, xuk'alajisaj c'ut chi tastalicalaj k'ij, rumal rech chi pa we k'ij ri' xtani' che u banic ronojel ri chac ri xebubano'.

Ri achi jacha' ri ixok e ch'anach'oj, man c'o ta c'u jun chque ri quieb xuna' ta q'uixbal chi jewa' qui banom wa'.