Popularni biblijski stihovi iz लूका 23

Podijeli

येशूले भन्‍नुभयो, “हे पिता, यिनीहरूलाई क्षमा गरिदिनुहोस्; किनकि यिनीहरूले के गर्दैछन्, सो जान्दैनन्।” अनि तिनीहरूले उहाँको वस्त्र चिट्ठा हालेर आपसमा बाँडे।

येशूले त्यसलाई जवाफ दिनुभयो, “म तिमीलाई साँचो भन्दछु, आजै तिमी मसित स्वर्गलोकमा हुनेछौ।”

त्यसपछि त्यसले भन्यो, “हे येशू, तपाईं आफ्नो राज्यमा आउनुहुँदा मलाई सम्झनुहोस्।”

अनि येशूले चर्को सोरमा कराएर भन्‍नुभयो, “हे पिता, म मेरो आत्मा तपाईंको हातमा सुम्पन्छु।” यति भनेर उहाँले आफ्नो प्राण त्याग्नुभयो।

तिनीहरू खप्परे भनिने ठाउँमा आएपछि त्यहाँ तिनीहरूले उहाँलाई क्रूसमा टाँगे, ती अपराधीहरू पनि टाँगिए—एउटालाई उहाँको दाहिनेपट्टि र अर्कोलाई चाहिँ उहाँको देब्रेपट्टि।

लगभग दिउँसोको बाह्र बजेको थियो, तीन बजेसम्म सम्पूर्ण देशभरि अन्धकार छायो, किनकि सूर्यले तेज दिन छोड्यो। अनि मन्दिरको पर्दा दुई भाग भएर च्यात्तियो।

कप्‍तानले भएको सबै घटना देखेर परमेश्‍वरको प्रशंसा गर्दै भने, “निश्‍चय नै यिनी धार्मिक मानिस थिए।”