Popularni biblijski stihovi iz यूहन्‍ना 14

Podijeli

शान्ति म तिमीहरूसँग छोड्छु, मेरो आफ्नै शान्ति म तिमीहरूलाई दिन्छु। संसारले दिएजस्तो ता म तिमीहरूलाई दिनेछैनँ।” तिमीहरूको हृदय व्याकुल नहोस् र भयभीत नहोस्।

येशूले भन्‍नुभयो, “बाटो, सत्य र जीवन म नै हुँ; मद्वारा बाहेक कोही पिताकहाँ आउन सक्दैन।

“तिमीहरूको हृदय व्याकुल नहोस्। परमेश्‍वरमाथि विश्‍वास राख, ममाथि पनि विश्‍वास राख।

पिताले मेरो नाउँमा पठाइदिनुहुने सल्‍लाहकार अर्थात् पवित्र आत्माले तिमीहरूलाई सबै कुराहरू सिकाउनुहुनेछ, र मैले तिमीहरूलाई भनेको प्रत्येक कुरा पनि सम्झना गराइदिनुहुनेछ।

जोसँग मेरा आज्ञाहरू छन् र ती पालन गर्दछन्, तिनीहरूले नै मलाई प्रेम गर्छन्। अनि मलाई प्रेम गर्नेहरूलाई पिताले प्रेम गर्नुहुन्छ, अनि म पनि उनीहरूलाई प्रेम गर्नेछु र आफूलाई तिनीहरूकहाँ प्रकट गरिदिनेछु।”

म पितासँग विन्ती गर्नेछु, र उहाँले तिमीहरूलाई अर्को सल्‍लाहकार दिनुहुनेछ। उहाँ सधैं तिमीहरूसँग हुनुहुनेछ। उहाँ सत्यका आत्मा हुनुहुन्छ। संसारले उहाँलाई ग्रहण गर्न सक्दैन; किनकि संसारले उहाँलाई देख्दैन, अनि चिन्दैन पनि, तर तिमीहरूले उहाँलाई चिन्दछौ; किनकि उहाँ तिमीहरूसँग रहनुहुन्छ र उहाँ तिमीहरूभित्र हुनुहुनेछ।

मेरो नाउँमा तिमीहरूले जेसुकै मागे पनि म त्यो पूरा गर्नेछु, ताकि पुत्रद्वारा पितालाई महिमा होस्। तिमीहरूले मसँग मेरो नाउँमा जे मागे पनि म त्यो पूरा गर्नेछु।

“तिमीहरूले मलाई प्रेम गर्छौ भने मेरो आज्ञाहरू मान्‍नेछौ।

मेरा पिताका घरमा धेरै ठाउँहरू छन्, यो कुरा सत्य नहुँदो होताम त्यहाँ तिमीहरूको लागि ठाउँ तयार पार्न जाँदैछु भनेर तिमीहरूलाई भन्‍नेथिइनँ।

म गएर ठाउँ तयार पारेपछि फेरि आउनेछु; र म जहाँ छु त्यहाँ तिमीहरू पनि सधैं मसँग रहन सक भनेर तिमीहरूलाई त्यहाँ लैजानेछु।

थोमाले उहाँलाई भने, “प्रभु, तपाईं कहाँ जाँदैहुनुहुन्छ भन्‍ने हामीलाई केही थाहा छैन। तब कसरी हामीले त्यो बाटो चिन्‍न सक्छौं?”