Popularni biblijski stihovi iz यूहन्‍ना 3

Podijeli

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

च्‍यिला सासीन परमेश्‍वरगी दि सा लुङबे मिओनला सजाय तेराला मेन्‍देकी थेबाला पापकी सजायदुकी डेलाला थेला देमा ताङाते ईन।

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

थोगी परमेश्‍वर फुज्‍युङगी पापकी सजायदुकी डेल्‍ग्‍यो सिन थेला विश्‍वास खित्‍कान्‍ते मिला परमेश्‍वरगी सजाय मेतेरो। थेला विश्‍वास मिक्‍किकानगीचेन गाङेकी परमेश्‍वर सजाय ङेत्‍च्‍या ओङा ओत। परमेश्‍वरते दोक्‍पोईकामा ओताते फुज्‍युङला विश्‍वास माक्‍याबेकीराङ थेबेकी सजाय ङेत्‍च्‍या ओङाते ईन।

स्‍वर्गे नाम्‍दाक दि सा लुङबादु वाबा ईन्‍सीनोङ मिओन मेलेबा कामकामा खित्‍कान ईन्‍देकी नाम्‍दाक भन्‍दा थेबेईचेन मुन्‍दाकराङ मन परे खासुङ। थोगीराङ थेबेकी सजाय ङेत्‍च्‍येते ईन।

ङाला मेन, ङे साटोला मिओनगी थेला मान खाला थे झन झन छ्ये डुइन ड्वा फाप्‍क्‍यो।

मेलेबा काम खित्‍कान्‍ते मि सुङलाङ नाम्‍दाक मनराङ परे मिक्‍किओ। नाम्‍दाकला थेन्‍सीन खोपरोङ मेलेबाते काम ज्‍येनगी छ्या स्‍येकीता सिन ज्‍यीबेकी थोक्‍ते मिलाचेन नाम्‍दाक गाराङ मालाङो।

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

थाङबो मोशेकी ठाःकताङ बालुवा बाई छ्याःङ मेत्‍साला ओत्‍जीन पित्तल रूल जोकीन ज्‍वाला काला च्‍योकराङ खाला परमेश्‍वर ओत्‍सादुई वाबाते मि ङाला था स्‍यिङगी थामला टाँए खिओ।

आबातेकी थे खोरोङ फुज्‍युङला आउदी ङिङज्‍ये खिओ। थेमे थेकी ओताते जति गाङे थे लाःक्‍तुराङ जिम्‍मा बिन्‍दा ओत।