Popularni biblijski stihovi iz यूहन्‍ना 5

Podijeli

“मैं तुमते सही सच कैह रयौऊं कै, जो मेरौ वचन सुनकें मेरे भेजबे बारे पै भरोसौ करतै, कबऊ नांय खतम हैबे बारौ जीबन वाकौ है। बापै दन्‍ड की आग्‍या नांय होबेगी, पर बू मौत कूं जीतकै जीबन में पिरबेस कर चुकौ है।

ईसू नें बा आदमी कूं देखौ और जान लयौ कै बू इतने लम्बे समै ते बीमार है। तब ईसू नें बाते पूछी, “कै का तू ठीक हैबौ चाहतै?”

तुम पबित्र सास्त्र में ढूढतौ चौंकि समझतौ कै बामे तुमें कबऊ नांय खतम हैबे बारौ जीबन मिलतुऐ और जि बेई पबित्र सास्त्र है जो मेरी गबाही देतैं। फिरऊ तुम कबऊ नांय खतम हैबे बारौ जीबन पायबे काजै मेरे जौरें आबौई नांय चाहत।

तब ईसू नें बाते कही, “तू अपनी चटाई उठा और चल फिर।” बू आदमी बाई समै ठीक है गयौ और बू अपनी चटाई उठायकें चलबे फिरबे लगौ। बू दिना यहुदियन के आराम कौ दिन हतो।

जापै ईसू नें बिनते कही, “मैं तुमते सही सच कैह रयौऊं, मैं, बेटा, अपने आप कछू नांय कर सकत, मैं, बाई काम कूं करतूं जो अपने पिता कूं करते भये देखतूं। चौंकि जिन जिन कामन कूं पिता करतै, बिन कामन कूं मैं, बेटा, बाई रीति ते करतै।