Popularni biblijski stihovi iz Maki 5

Podijeli

Nena, ma Tisasi ɂe iria taria, “Hoeku, ɂo mauri noɂo tona ɂana ɂo norutoɂo aku. Ɂo ko ori haɂi pepeataɂaha. Kiruha ɂo nena, ɂe siko noɂo.”

Ma te keni ɂe mae rae ɂonisenaha rete, tona ɂana ɂapuna ɂe tahania soɂona awara ni harisi mana rua. Keni ɂaiɂene ɂe ɂoni taina ke raɂo. Ma ɂe weo rikaɂa. Ɂe horia rautana mane ni kuraha taraha, taɂa kira mae haipoonia, ma rikimana pata naia ɂe siko maania noɂo. Ma kiruha nena ɂe rikaɂa taroriua sii.

Nena, ma keni ɂaiɂene ɂe tau toɂo ana kareko Tisasi na, ma ɂapuna ɂe topo rawahia ana aheha. Ma ɂe tau raea raona rapena, kiruha ma weoha naia ɂe siko hautaɂai noɂo.

Ma Tisasi ɂe toɂi ana ɂaiɂaina mera ɂe mae na, ma ɂe iria hana ana naɂaha kira ɂuriɂe, “Tarita koum!” ne raerae ai ɂe ɂuriɂe, “Ɂo ko taɂeraɂi noɂo, mera keni!”

Nena, ma te haru mane, kira hurataha mai maania nima mane paina Taerasi na. Kira hura taha ana horoɂa Tisasi ɂe ani naɂaha kane tarea keni nena, ma kira haɂanoroa Taerasi ɂuriɂe, “Pore ɂo na ɂe mae noɂo. Ɂo si ɂiuutanaia mane paina ɂaiɂe ruɂu. ” Ɂoneho, ma Tisasi ɂe noroa wara hii mane nena kira iria. Ma ɂe naɂa ɂuriɂe hana mane paina nena, “Manatamu ɂe si hiɂa. Norutoɂo ana na ka haipoonia kane.”

Nena, ma Tisasi ɂe piɂi naɂa ɂuriɂe, “Enisero mae sena, ɂo ko raa hi apa maania mane ɂaiɂene.” Ɂoneho, ma enisero mae sena na, ɂe poi paina ɂuriɂe, “Waratoɂo ɂe paina taroriu. Ma ɂi ɂo, Tisasi, ɂo Miɂi Tarena Waratoɂo. Ɂe mae roroɂai ɂo. Na ka ɂiuutanai ɂo hana ɂo ko naɂa akau naɂo hana Waratoɂo hana ɂo si haɂaweo nau!” Nena, ma Tisasi ɂe suuaia, “Ratamu atai?” Ma ɂe orisia Tisasi ɂuriɂe, “Rataku Hutaa Paina, tona ɂana ɂi ɂami ɂiwera rikaɂa.”