Popularni biblijski stihovi iz ལུ་ཀ། 16

Podeli

ཉུང་པུ་ཐུར་ག་ དམ་ཚིག་ཙུང་ཉི་ ལའི་ཨ་ཁཱན་གི་ མང་པུ་ག་བུ་ དམ་ཚིག་ཙུང་ཉི་ ལའི་ཨ༌ལེ། ཉི་ཉུང་པུ་ག་ཐྲང་ཉི་ ལའི་མ་ཨ་ཁཱན་གི་ མང་པུ་ག་བུ་ ཐྲང་ཉི་ལའི་ཨ་ལེ་མར༌བ།

གཡོག་པ་ཐུར་གི་ སྦྱིན་བདག་ཉིག་ཙིང་ག་ ཕྱག་ཞུ་ལེ་རེ་ཁཱན་ ཨི་བི་རང་མཱན༌ཅ། ཧང་ཡ་དག་ནེ་ལ་ རོ་ཀི་ཐུར་ལེག་ནེ་བུ་ ཐུར་མ་ལེག༌པ། ཨུ་ཉུ་མ་ནེ་ལ་ རོ་ཀི་ཐུར་ག་ཕརའ་ཁེ་ ལེག་པ་ཨ་ཉི་ལའི་ཨ་ལེ་ ཉི་ཐུར་གི་ ཡེག་པ་ཀབ་ཉི་མ་ན༌ལ། ན་ཤི་ཏབ་ཐུར་ག་ དཀོན་མཆོག་དང་ཏི་རུ་ ཉིག་ཙིང་ག་རང་ ཕྱག་ཞུ་ལེ་མར་བ་དག༌ཉི༎

ཉི་ན་ཤི་ འཛམ་གླིང་ག་རྒྱུ་ག་ཆང་ དམ་ཚིག་ཙུང་ཉི་ ལའི་མ་ཨ་ནེ་ལ་ རྒྱུ་ངོ་མ་ག་འགན་འཁོར་ཏ་ ཧང་ཏེན་ཨ་ཉི་བི་ལེ་ཡ། ཉི་ན་ཤི་ བཱརའ་ག་རྒྱུ་ག་ཐུང་ཀ་ དམ་ཚིག་ཙུང་ཉི་ ལའི་མ་ཨ་ནེ་ལ་ ནའི་ཏེན་ག་རྒྱུ་གི་ནེ་ཆང་ ན་ཧ་ཏཱན་ ཨི་བི་གི་བི་ལེ་ཡ།

ཨ་བཱརའ་ཧམ་གི་ རོ་ཀ་ཡེག་པ་ལ་ རོག་ཏེ་བ་ཀི་ མོ་ས་དང་ ལུང་བསྟན་པ་བ་ཀ་ མ་ཉཱན་པ་ད་བུ་ཨ་ནེ་ལ་ ཤི་ཁཱན་སོ་ངོ་ཝུན་ཐཱན་ ཡེག་ནེ་བུ་ རོག་ཏེ་བ་ཀ་ སེམས་སོར་པེ་དེན་གེ་ ཐབ་རང་མ་ཝ་ ཅོད་པེ་མར་བ་དག༌ཉི༎

ཨི་བི་རང་གི་ནེ་བུ་ རང་ཏེན་ག་མེ་ཝག་ཙ་ ཐུབ་ཐཱན་ཐཱན་ བཱརའ་མེ་ཝག་ཙ་ཀབ་ཉི་ གཉེན་ཕི་ནེ་ལ་ ཨོ་ཉ་སོ་ངོ་གི་ གཉེན་གྲོགས་གེ་ཕིས་ཀ་ ལུས་འབྲེལ་ཨ་ཝ་ཆིན༌མེ། ཉི་ཁ་བེརེ་ཁཱན་ མེ་ཝག་ཙ་ཀབ་ཉི་ གཉེན་ཕི་ཁཱན་གི་བུ་ གཉེན་གྲོགས་གེ་ཕིས་ཀ་ ལུས་འབྲེལ་ཨ་ཝ་ཆིན༌མེ༎