Popularni biblijski stihovi iz Marko 9

Podijeli

A o Isus phenđa lese: “Te šaj? Sa šaj okolese kova verujini.”

A e čhavoresoro dad odmah vičinđa: “Verujinava! Pomožin maje više te verujinav!”

Kad o Isus đerdinđa ko čher, lesere učenici inele korkore oleja hem pučle le: “Sose amen našti ine te ispudina e bišukare duho?” O Isus phenđa lenđe: “Akaja vrsta ispudini pe samo molitvaja.”

Šukari o lon. Ali te našalđa plo londipe, soja ov ka lonđari pe? Nek ovel tumen lon ana tumende, hem oven ano mir jekh avereja!”

“Đijekh kova primini jekhe esavke čhavore zbog maje, man primini. A đijekh kova man primini, na primini samo man, nego primini hem e Devle kova bičhalđa man.”

Adalese so, đijekh kova dela tumen đi hem jekh čaša panjeja te pijen adalese so injen mle, e Hristesere, čače vaćerava tumenđe da ka primini pli nagrada.”

“Te neko ćerela jekh akale tikorendar kola verujinena ana mande te perel ano greh, po šukar ka ovel lese ine ki men te ovel lese phandlo baro bar hem te ovel frdime ano more.

Te ti jakh legari tut ko greh, ikal la. Po šukari će te đerdine ko carstvo e Devlesoro jekha jakhaja nego te oven tut soduj jaćha, a te ove frdime ano pakao