Popularni biblijski stihovi iz Mateo 18

Podijeli

Rrehe, ouaza rrehe tiquenarrarodenipe tipama nitide, denima tetimade orraria uitide otauimariza titiqueriqqui nezape nani tiqueriqquiniza oua naqui ohocarrima narraro −nade Zeso.

Parrissera tiadeniza uati onapomarraro. Arrirraro namiza tipamehe Deoza uati tiquenaniuarrine rrehe ticanirezape occa Abi memeuarri madirraripa ticcadeni uatinarra mittauitoui. Pouapa ticcadeni uatinarra tiadeniza inananitoui.

Naraha Zesopa erredenitoui uaua nade. Erredeni ccarronazapa idomo uarranini nocconiza erredeni inaua narrari. Nazapa Zeso uati tarrari: —Parrissehera tiadeniza uati onana: Tibodi pina erredeni bodissa naniuarrine tecarriqquimera-rrerezape Deocca cacaueheza tirra-rreranitoui.

Deocca cacaueheza madirra denima bica tarraripa: “Deni orrani” narrararrari. Pouapa pina arrarrari erredenissa narrari. Poua bodipa: “Ouape arrimani orrani, Deozara ibora onani” nanarra narrarina deni torrarrari Deoza.

Arrarrari erredenissa narrariza tetideni uanaqquiri nezape ouaza naqui tetideni uanaqquiri narraro −nade Zeso.

Iaza denima uati uati tarrari: —Parrissehera tiadeniza uati onarraro. Arrirraro namicca uimaza: “Rrehe, bica tani” tiquenezape Deo memeuarri madirrari naco: “Rrehe, bica tani” nauitoui. Neraha uima onihiza: “Narrarope poni, bica terrerani” tiquenezape Deo memeuarri madirrari naco: “Poni, bica terrerani” nauitoui.

Nazapa Zeso denima mari icanabaqquirrari: —Arra, occa Abi memeuarri madirrari naco tiadeniza nama nauitoui. Timecote tiadeniza nacasserehe inaneraha tiadenipe: “Manaco, manaco” tiquenezape Abi Deo naco ticcadeni uaidirehe peperri inana-rreranitoui, onarraro. Titessedenicca uima tiadeniza ocassera teraha peperri tiquenarri. Pouadeniza pina tetideni uanaqquiri narri, onarraro −nade Zeso.

Zesopa denima uati uati tarrari: —Nazama madirrapa pouarrine ouaza rrehe quenarrarideni uimasiri inanemanezape pouaza narrizoue oppina tanicca ssonarinitoui. Erredeni ouaza rrehe quenarrarideni naco madirra uimasiri mamariderrine uimasiri tocauatterazapa arra uimasiri mamaride pouaza narrizoue oppina tanicca ssonarinitoui. Pina arrirraro uimassa narraro: Siba ccanarrabote poua mattoza ssoque zaneza ueni imehi zarra taniuarri rre tauiuarrine cco tozippazapa oppina teraha narrizoue denima oppina tanicca pouaza ssonarinitoui.

Nazapa Zeso ia mari tocanabaqquirrari: —Arrirraro uima tibodideniza nerrecoma tiquenani? Rrari, tiadenipe ticcadeni eueue 100 naha ticarrimanazapa onideni ua tiquenaza orraria amossi nazapa pouatoui qquide rraui tirra-rreraqui? Rrehe, eueue rrinedepa pocca eueue qquide toccauitoui. Pocca eueue 100 naha carriraha orraria amossi nazapa 99 torrarrari. Pocca eueue 99 naha uamoniuarri inebobaqquizapa orraria amossi narrari qquide toccauitoui.